[Happy Days！鹿児島宮崎！] Day 6：牛ちゃん 本店 炊き肉
唔知係咪浸得溫泉多
血液循環得太好
連消化系統都運作得異常暢順
呢一刻真係好肚餓
餓到個胃好L痛 (´-﹏-`；)
食牛啦，牛快熟D嘛
加上鹿児島除咗最出名嘅黒豚
鹿児島黒和牛都好似好正咁㗎嘛
仲要一大個煎pan一鑊熟
裡面有菜呀芽菜呀咁
再加埋啤酒啦，多D營養到肚
但係個kimchi係想點呢？勁唔咩廚
點埋個汁就食得喇
食到七七八八店員就落個うどん
好，咁就完喇。
勁普通嘅嘢炒埋一碟囉
唔知關唔關前幾日食完好正嘅宮崎牛事
唔知關唔關香港都好易食到鹿児島牛事
就算餓到個肚扁咗個胃痛咗
呢D求其食碗南記都覺得係美食嘅情況下
都唔覺得呢餐鹿兒島牛有咩咁特別
同有乜咁好食到要坐飛機嚟鹿児島食
係㗎，周圍氣氛幾好
D友仔放工同上司同事三五知己
一齊聚埋食大家口水咁
嘻嘻哈哈咁就一晚係幾好嘅
不過一來我唔舒服冇好開心咁食啦
（sorry 3B要你睇住我個黑面嚟送飯）
二來個味道認真普通
（佢唔難食但一定稱唔上好食）
三來… 我頂！兩個人食二人set唔夠飽囉
講緊3B係本身細食都唔夠飽囉
我呢種大食嘅更加 TT
但係都一定唔會再响度叫嘢食
因為真係唔想浪費錢啦（唔平㗎呢餐！）
…時間同肚嘅位囉
哼～
等我突然諗起响釜山間콩불（豆火）
嗰兜一鑊熟就真係可惡難食嘅經歷
好在呢餐只係普通，唔係難食啫（呼～）
-———————————————-