All Posts
晚餐，又嚟鹿児島黒豚呀～
今晚食蒸嘅：
蒸ししゃぶコース
鯛の野菜蒸しコース
好好飲嘅梅酢
唔會好酸亦唔會好甜
梅味好出，解渴又開胃
お刺身
鯛魚course嘅鯛魚刺身
肥肥厚肉好好味～～～
先付小鉢、本日の一品
煮豬軟骨呀，腍身又入味
少少肥漏漏感覺都無
最重要係仲有脆口軟骨位呢
淺漬根菜微微鹹好爽口，唔錯唔錯
一口揚げ
哇哇哇！炸得好靚呀
唔係千年油嗰D樣
（咬～）
呢隻係菜定瓜呢？
索索聲爽到爆
～四四方方嘅蒸籠～
個籠熱咗，店員開始放豬肉片
好多菜响底保持多菜少肉好健康
黒豚しゃぶ肉
一次過 (差唔多)就試晒鹿児島嘅郷土料理
show一show酒店拎嘅地圖
就有杯free drink，好抵！
左邊有酒精 (sour)嘅右邊係juice
唔錯啊～
きびなごの刺身、さつま揚げ、小鉢
下面三兜仔嘅小鉢
簡單調味烚過嘅菜
勁開胃嘅醋水雲
仲有鹹香魚仔，呢堆好好味嘅生物
左上嘅さつま揚げ
新鮮炸魚餅就係又甜又鮮，正爆！
炸蔬菜都係無可挑剔咁好味
右上，鹿児島名物きびなごの刺身
透明魚肉加上閃令令嘅皮
魚味香肉質爽滑
再配埋自家調配嘅酸醋みそ（橙色嗰兜）
真係就咁為呢個組合就飛嚟鹿児島都值得呀！！！
黒豚のとんこつ
貴為鹿児島之寶嘅黒豚
呢個入味同煮到超腍身嘅豬肉
用筷子篤篤就已經骨肉分離
去鹿児島唔係唔食黒豚呀化？
呢間あぢもり係鹿児島第一間しゃぶしゃぶ餐廳
今晚就烚吓烚吓啦～
小鉢
小小菜同海帶salad
清吓口，準備開餐
芋焼酎
酒，必需品。
金兜 x 清湯
等熱中…
黒豚豚とろ（刺身風）
個樣係好似刺身
不過佢係薄烚豬啦
薄薄一片都好重豬味，正！
黒豚一口ヒレかつ、黒豚コロッケ
唔同嘅一口炸豬同炸豬餅
有嫩D有乾D不過都係好香
而且全部都炸・得・好・Q・脆
特選黒豚しゃぶ肉
肉呀！肉呀！肉呀！
朵花係嫩滑D肥D嘅肉
有專人幫你しゃぶ
唔駛做等食就最好呵呵
原本想食宮崎名物冷や汁
但係杉の子俾人包咗場無得食
退而求次食レタス巻き啦
頂！一平寿し公休日囉…
仲落起毛毛雨，好啦
見到有乜就食乜啦
個樣好有阿媽整早餐咁
食落都係，嘢食普通但人情味十足
真㗎！おばさん由招呼到煮食
都好有「屋企」嘅味道
睇住佢响雪櫃拎蛋打蛋然後枱下面煮食
响度諗用邊套杯配俾客人啦
又背住食飯bar枱將咖啡豆掉入機磨粉
沖少少水等咖啡粉吸夠水
再慢慢打圈細心沖好佢
講真呢杯咖啡（key coffee）其實麻麻地
（呢排响公司自己滴嘅係1882嘛）
最後要加咗奶OK返D
不過用心同誠意超過100分，我話嘅！
之後D客s入嚟，好親切真係平日D街坊嚟㗎
同老闆娘又傾吓計食吓煙
又同我呢種半桶水講吓嘢咁
一個二個都好鬼nice
完全同呢間喫茶電個店名一樣：
ぐんけい ＝ 軍鶏，今餐食雞。
もも焼き
係呀，黑蚊蚊㗎！炭火上網燒嘛～
呢樹用嘅當然係宮崎地頭鶏啦
仲要一定係童子雞呀你話補唔補先嘻嘻
走地雞肉肉質較韌但唔會有渣
而且唔會覺得嚡呀食樹皮咁
以平日食禽畜嘅標準
就好似田雞咁嘅韌度啦
個雞味從D雞汁度爆返出嚟
越𡁻個雞味就越出
只係雞肉加少少鹽提味再用炭火逼出香味
真係得好靚嘅材料先做到呢個效果
點埋pat柚子胡椒後個味先清新後濃郁
成兜嘢好有𡁻頭， 送酒一流！
所以，酒係唔少得嘅
黒霧島同白霧島
黒比白個味道濃少少
其實兩隻都唔錯，硬要揀會揀黒咁解
シャキシャキもやしのレバ炒め
芽菜炒雞膶（有粒係心形啊），爽脆有夠香
膶味濃腍身唔會粉
特登由鹿児島嚟宮崎…
就係為咗呢隻宮・崎・牛！！！（耶～～～）
話說原本成個行程都係stay响鹿児島
咁諗住鹿児島同宮崎咁近
响鹿児島搵間認證嘅宮崎牛應該唔難
點知就係計漏咗鹿児島本身都有鹿児島黒牛
响保護自己當地嘢嚟講
（正如宮崎係無認證嘅鹿児島牛一樣）
發現到宮崎牛認證嘅鹿児島餐廳只！係！得！一！間！
仲要响遙遠嘅屋久島
而由鹿児島中央去屋久島
船程係比去搭巴士火車去宮崎耐少少
所以，去啦，去宮崎幾日啦！
係㗎喇！我絕對會因為隻牛去改行程
好彩名古屋有飛驒牛食
如果唔係都會搭轉車去高山飛驒咁
（哈～）
個景都係食正條大淀川
未坐低已經set好晒嘢
無電話所以無得打電話卜枱
擒日親身走過嚟訂（順便行條河）
真係驚死無得食㗎話晒真係特登走嚟宮崎嘛
唔係lunch set包都會叫呢杯
日向夏cocktail，會比齋juice無咁甜
無買酒店D早餐
所以肚餓咪落樓搵個早餐食
朝うどんセット
早餐set有たねきうどん＋ごはん＋玉子＋漬物
即係烏冬上面嘅料係天かす（天ぷらD碎）w/蔥
個烏冬好韌，而浸濕晒嘅天かす嘛
只可以講唔係我杯茶囉
一pat嘢咁… 真心唔識欣賞
（不過炸嘢嚟講一D油膩感都無其實都幾好）
所以，剷得晒嘅係碗飯！
蛋味香濃；飯粒粒飽滿而軟糯
自家調配蛋飯醬油鮮鹹中帶香甜
夾埋一齊食啱啱好～
漬物個蘿蔔好爽脆又唔太鹹，幾好味
天かす、うどん、ごはん
一朝早就塞咁多澱粉質落肚
平日咪講話澱粉質
就連早餐都未必食咁樣
宜家咁真係完全唔似係我自己囉
但係去旅行嘛，係咁㗎啦（哈）
-———————————————-
延伸閱讀：Happy Days！鹿児島宮崎！ (10D9N)
南蠻雞（チキン南蛮）係宮崎名物之一
呢間更係南蠻雞發源地，試啦試吓啦～
おぐらのチキン南蛮啊！
兩塊炸雞扒大大塊（每塊大概大半隻手掌咁上下大）
好vintage嘅日式洋食
雞啦醬啦椰菜沙律同意粉
炸雞個炸位唔係乾身
相反呢，塊雞扒有D乾
完全顛覆本身食開嘅南蠻雞
平日嗰D大概一至三啖食得晒啦
乾身，皮脆肉嫩雞juicy
well～ 唔怪得要有改良版
個醬甜啦微酸帶D辣
濃厚嘅醬汁，似少少稀嘅薯仔沙律
味道好個人嘅：我覺得同個「油雞」幾夾
醬味蓋咗個外皮個油膩感
而3B就唔多欣賞，試一兩啖就棄醬
椰菜好甜呀又爽脆
隻沙律汁都OK好食呀
意粉唔係al dente嗰種
但係都好好彩唔係好腍食糊仔咁
算pass啦～～～
左上角兜白飯，好飽呀無掂過
早餐食得好飽，brunch個雪糕又頂得吓肚
所以原來skip咗個lunch都唔覺餓
不過搬完行李穿州過省之後
食個tea補充吓體力都要嘅
にくまきおにぎり
尤其呢個宮崎名物肉卷
D肉好似好鬼吸引咁
燒汁味同牛肉味又香喎！
肚唔打鼓；口都流口水啦
チーズにくまきおにぎり
芝士味係肉卷上加碎芝士再用火槍燒
（咬～）
叫得おにぎり裡面梗係有飯啦
日本米就係粒粒飽滿煙煙韌
原味：牛肉同個汁滲入飯
油、肉味加埋燒汁好夾
芝士：芝士係微微搶咗牛肉同燒汁味
不過整體反而更香，鹹味輕微減低
兩個個味道都好食
其實係好普通嘅燒汁牛肉飯味道
但用手拎起熱辣辣咁都OK特色同過癮嘅（笑）
-———————————————-
延伸閱讀：Happy Days！鹿児島宮崎！ (10D9N)
我・愛・溫・泉
日浸夜浸真爽皮，啦啦啦～
泉水係霧島温泉
（附近有日当山温泉、妙見温泉、国分温泉…）
而最大特色係呢間嘢會挖附近火山泥
D泥充滿硫磺味
可以敷頭敷面敷晒全身
擒晚敷足全身
因為本身室溫較低，好鬼凍
今朝醒D喇，一邊浸住溫泉一邊敷面
又舒服又可以靚～～～
（係呀！敷完隻泥皮膚乾乾淨淨白白滑滑！）
浸完喇，梗係要食早餐啦
呢度係自助式
不過唔係求求其其嗰種
話說我每樣都想食
而且基本上都唔錯食得人嘅
個豆渣salad好好食，好想試吓自己整
溫泉蛋溫泉蛋溫泉蛋！！！
但係最最最正係呢度自家製甘酒（！）
超～ 好～ 味～！
甜甜蔬菜汁都OK
嚟霧島飲霧島水
いただきます。
一坐低就已經set好晒
等滾等熱就食得喇～
含酒精，當然係最好嘅welcome drink
霧島焼酎 お湯割り
一杯仔真係唔夠喉
嚟霧島唔試呢度D酒真係會對唔住自己
用熱水兌開都唔錯㗎
呢隻酒入口好順滑
味道香，唔辣，真係好正！
前菜：
（前）菇滑滑地唔錯；
（後）梅味矮瓜好正！
主菜係呢個鍋 x 鐵板！
個鍋烚烚吓；鐵板有得燒
一吃過玩晒嘻嘻～
肉厚片D燒會好味D
肉嚟講雞同豬都幾好
牛就瘦咗D少少嚡（雖然最貴係牛）
野菜都算新鮮，矮瓜一片俾我燒燶咗
另一片… 烚啦都係
做不到東京喰種？
就端午食糭啦～（爛到喊）
五芳齋嘛，唔係間齋鋪
江浙菜，有肉食而且出名食稯
糭從外層的米到餡料的肉也充滿肉汁
黏黏不鬆散加上味道香濃不太鹹
不過稯配咖啡這早餐組合嘛
還是有點太over（嗝～）
