All Posts
去潮食bill gates樂園～～～
食打冷點都要隊返枝啤
藍妹囉，唔想飲大陸啤嘛…
嗌到成檯都係就最高興
滷水鵝件
食鵝一定要有骨落地先夠香
唔會揀切薄片無得自己咬斷纖維嘅鵝片啦
鵝肉本身味香唔會太濃
滷水鹹鹹地又夠入味，正！
啊！唔好漏咗墊底嘅厚切豆腐喎
皮韌內厚實好味㗎～
潮州煎蠔餅
睇個樣都feel到佢脆到爆
超脆炸漿裡面只係得蠔同蠔同蠔
完全無多餘嘢
擺明就係一堆鮮蠔直炸就係美味啦！
香煎墨魚餅
晌橙色墨魚同打膠再煎嘅墨魚之間
揀咗呢樣手工貨
外皮脆炸裡面超超超彈牙，咪就係好食囉
標記酥炸豬大腸
出得嚟食，乜嘢痛風膽固醇都死埋一邊
個豬腸衣炸得咁卜卜脆
腸又新鮮洗得乾淨無臊味
對於好耐冇見嘅friend子
真係要一齊食得開懷啲！
LAB EAT 風乾火腿拼盤 (80g)
有人未到就已經嗌肚餓
所以就放棄食物早過人就會凍咗嘅lunch set
食呢個有4種唔同時間風乾熟成肉乾就擺幾耐都得
就咁睇顏色都知食咩先後啦
時間短就肉滑啲；長時間就濃郁啲
各有各喜好，「我全部都要」咁就最好～
海鮮拼盤（半份）
未知有幾大食前就叫少啲試多啲
中間隻蝦可以揀紅蝦同龍蝦
我就麻麻龍蝦就揀紅蝦
隻蝦勁多膏蝦肉彈牙
但就食到對手紅晒有排抹
除咗蝦仲有鮑魚活蜆翡翠螺
樣樣都好新鮮，鮮甜好咬不在話下
只係有少少後悔唔嗌全份咁啫…
流緊嘅Raclette好吸睛（bling）
熱溶法國流心芝士配香草烤薯及意大利煙火腿
香軟芝士 x 柔軟有煙燻味嘅鮮火腿 x 熱辣辣新鮮蔬菜
終～ 於～ 捱到星期五喇（黑色嘅）～～～
柚子兵衛 | 富士高砂梅酒
坐底就飲返杯先啦
呢隻柚子酒個味勁香喎
搵日搵吓佢嘅真身再飲過先
梅酒係唔會爆甜嗰種
微酸夾飄香梅子味唔錯唔錯呢！
喜之次丼 | 赤鯥丼
食丼食丼丼丼丼～
雖然又想食鯛有想食鰻
但呢兩種好好味嘅魚難啲食到
無理由唔why not both嘅…
赤鯥丼
亦會畀人俗稱黑喉
之前食過燒嘅，味道同彈牙度簡直驚為天人
今次食刺身版本，魚味依然芳郁
除咗赤鯥仲有新鮮嘅牡丹蝦、油甘魚、三文魚子同三文魚
終於去到遙遠嘅屯門搵到隻屯門牛…
小茶角
屯門牛、炸薯角 & 阿薩姆奶茶
滿滿元氣嘅セット
屯門牛
明明牛角包係裡裡外外都係油膩膩嘅嘢
但係呢隻牛由個面起已經唔油
唔油歸唔油，個包本身都係好多層好鬆軟
餡料係公司治咁嘅蛋呀蘑菇呀芝士煙肉同蕃茄
食落仲有爽脆嘅生菜
簡直係清新無邪惡感嘅組合
完全顛覆牛角包 = 肥咁，哈哈
薯角係鮮炸所以熱辣辣 齋鹽調味就好夠唔需要蘸茄汁都OK
硬係挑骨頭就可以話啲薯仔本身未吹得夠乾
入口啲薯會有少少濕
不過唔係好多地方好似金拱門咁
有咁很多位置畀到薯仔擺到乾身啊！
連burger king都做唔到啦何況舖仔咩
黑糖珍珠鮮奶 | 阿薩姆奶茶
雞蛋與高牆之間，我揀鰻魚飯
蒲燒鰻魚飯
半條魚OK啊！其實個份量都好夠
然後魚底勁多煎蛋絲
好好食，擺明係心機貨
跟住就係個飯，極！大！兜！
食咗好Ｌ耐先食得晒
無計啦啲飯香得嚟飽飽滿咁
撈埋蒲燒汁堅好送飯嘛～
和風牛肉湯烏冬
Mmm… 我真係去台式餐廳㗎
不過有難少少去咁真日式味
個湯底香到暈，不論係聞落同飲落
牛肉唔係全滑身因為唔係用肥肥肥牛
但勝在肉味會好香濃，正！
芝士厚玉子燒
well，再次強調呢間個定位係台式嘢
厚厚又勁鬆軟嘅蛋
上面層燒過嘅芝士簡直係畫龍點睛
兩樣加埋真係好食到痺
一口池魚仔
雞蛋屋唔係居酒屋，係台式料理餐廳（哈）
細細條新鮮直炸魚仔
好好味呀！
搖啊搖，搖到海鮮橋…
坐低就搵嘢飲先
呢度有英國手工啤啊！
Fuller’s London Porter
濃厚朱古力同咖啡味嘅啤～
Fuller’s Honey Dew
蜜糖味重嘅Golden Ale（心）
德國腸拼盤小食
有酒飲都要搵嘢送吓酒
呢個香腸薯條盤係同兩支啤酒一set
絕對係happy hour恩物（呵呵）
是日餐湯係蘑菇湯，唔算好稀OK啦～
煙三文魚意大利醋沙律
基本款，啲嘢新鮮就唔會難食
啲三文魚都叫有心思地砌咗朵花㗎！
Handshake Seafood Platter
啊！唔駛自己搖
闊麵唔係剩係得Lasagna嘅…
天婦羅鰹魚瀑布闊麵
日式嘅湯麵都可以好～ 闊～ 㗎！
個set有小菜3樣（枝豆、蘿蔔、海帶沙律）；
炸蝦（嗱我就唔會叫呢隻係天婦羅嘅）；
麵豉湯 & 同碗勁香鰹魚味嘅清湯麵
啲麵條闊到呢～
（仲好好咬，正！）
凍薑茶
好夠薑味唔會太甜好好飲啊！
湯底好濃郁嘅叉燒雜錦拉麵
also 介紹返，隻好好味嘅溏心蛋
食set都真係幾多嘢
又小菜又主食又麵豉湯仲有嘢飲…
貓貓裝潢
型得嚟好可愛（心）
第一次去韓國食炸雞就係响釜山
今次就嚟香港食返次來自釜山嘅炸雞
Outdark 아웃닭
鐵絲網 x 情人鎖s
滿滿突顯韓式情侶嘅風味
抬頭望仲係星星月亮燈
浪漫到吖～
막걸리 | Makgeolli | 原味米酒
雖然被荼毒炸雞要配啤酒
but sorry囉有막걸리呢啲咁香甜嘅嘢唔會唔飲囉
Originate Outdark Chicken | 炸雞
哇！駛唔L駛咁大盤呀？
超～ 脆～ 嘅炸漿
好耐冇去泰國，又好似好耐冇食泰國菜咁…
招牌青咖喱（牛）& 沙嗲串燒
快餐店模式嘅泰國菜
不過絕對唔係求其式嘅快餐質素
馬拉盞炒通菜 & 蒜蓉包（for 咖喱）
啲嘢熱辣辣又夠惹味
同平時泰式菜館裝修嗰啲餐廳一樣好味
醬汁都幾齊㗎！
鹹檸梳打
好啦，今日飲少少甜嘢啦～
呢樣嘢好！緊！要！
懶得又約又等咁…
重就重啲，買外賣返去食啦！
Hidden Kitchen
三兜pasta一兜腸盤啱啱好～
芝士辣肉腸焗扁意粉
個味係好好嘅，不過自己住得距離較遠
啲粉又係即叫即整熱辣辣
返到嚟都仲係熱嘅
可惜所有意粉們就變得overcooked了
自家青醬番茄芝士意大利粉
清新沙律系嘅pasta
招牌紅酒燉牛肋肉扁意粉
牛肋肉炆得超～ 腍～
肉香又軟滑，好好味呢！
雙色香腸拼盤
animal lover大愛！！！
分好盤，比飛機餐個樣靚啲
（突然懷念以前好唔鍾意嘅飛機餐 TT）
臨時搵到先上嚟
當然地無得食威靈頓牛柳
下次要就卜定先喇要
唔行街就直接去等位食lunch
スープカレ Lavi
比起札幌函館旭川ラーメン
北海道料理嘅湯咖喱就特別好多喇
チキンto野菜のカレー (焙煎えびスープ)
10級中辛咋，已經辣到黐殼
一直都認知日本啲咖喱係唔辣嘅
但北海道啲咖喱鑊鑊唔係辣就係好辣
蝦夷，真係唔同啲！
エゾシカto野菜カレー
蝦夷鹿肉角煮野菜咖喱
無計啦，離開北海道就冇咁易食到蝦夷嘅鹿肉嘛
當補身又好在地嘢都好都係會食佢啦～
ライス：北竜町元気米（減農薬栽培）
响「媽呀！好辣啊！」嘅情況下
喪爬飯係必然嘅事 加上啲飯晶瑩剔透粒粒飽滿咁
好難唔一直食㗎喎係咪？
ラッシー
真係非！常！辣！
猛咁隊飯都解唔到辣
要風暴吸入lassi的說…
-----------------------------------------------
同擒日一樣食响享用酒店包嘅和/洋輕食set
又當然地揀和食～
啲家常配菜同擒日唔同㗎
依然清簡而飽足呢！
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
Day5：旭川 → 稚內
Day6：稚內 → 札幌
