[包] 小茶角
終於去到遙遠嘅屯門搵到隻屯門牛…
小茶角
屯門牛、炸薯角 & 阿薩姆奶茶
滿滿元氣嘅セット
屯門牛
明明牛角包係裡裡外外都係油膩膩嘅嘢
但係呢隻牛由個面起已經唔油
唔油歸唔油，個包本身都係好多層好鬆軟
餡料係公司治咁嘅蛋呀蘑菇呀芝士煙肉同蕃茄
食落仲有爽脆嘅生菜
簡直係清新無邪惡感嘅組合
完全顛覆牛角包 = 肥咁，哈哈
薯角係鮮炸所以熱辣辣
齋鹽調味就好夠唔需要蘸茄汁都OK
硬係挑骨頭就可以話啲薯仔本身未吹得夠乾
入口啲薯會有少少濕
不過唔係好多地方好似金拱門咁
有咁很多位置畀到薯仔擺到乾身啊！
連burger king都做唔到啦何況舖仔咩
黑糖珍珠鮮奶 | 阿薩姆奶茶
兩杯都係走甜，咁黑糖珍珠當然會有糖
然而佢隻珠唔會勁甜都唔錯
Assam茶底配濃郁鮮牛奶其實都無得輸
好難難飲，實情係都幾好飲（仲好大杯超級抵）
嘢好食，個景都好靚
望住前面對情侶望住個海咁都幾爽～