[鰻] 雞蛋屋 - 蒲燒鰻魚飯
雞蛋與高牆之間，我揀鰻魚飯
蒲燒鰻魚飯
半條魚OK啊！其實個份量都好夠
然後魚底勁多煎蛋絲
好好食，擺明係心機貨
跟住就係個飯，極！大！兜！
食咗好Ｌ耐先食得晒
無計啦啲飯香得嚟飽飽滿咁
撈埋蒲燒汁堅好送飯嘛～
和風牛肉湯烏冬
Mmm… 我真係去台式餐廳㗎
不過有難少少去咁真日式味
個湯底香到暈，不論係聞落同飲落
牛肉唔係全滑身因為唔係用肥肥肥牛
但勝在肉味會好香濃，正！
芝士厚玉子燒
well，再次強調呢間個定位係台式嘢
厚厚又勁鬆軟嘅蛋
上面層燒過嘅芝士簡直係畫龍點睛
兩樣加埋真係好食到痺
一口池魚仔
雞蛋屋唔係居酒屋，係台式料理餐廳（哈）
細細條新鮮直炸魚仔
好好味呀！
紅豆抹茶蕨餅
我真係真係真係去台式餐廳，OK？!
蕨餅唔係韌韌的
味道偏甜少少，糖尿臨界點咁啦
有茶味同濃甜紅豆蓉咁尚算可以嘅
蜂蜜檸檬愛玉 加芋圓BB
YES！正港台式嘢喇（終於）
唔會好甜嘅味道
愛玉裡面隻檸檬味幾出又夠好咬
芋圓BB細波波咁得意更好咬
呢杯好呀！係大杯咗少少料太多會勁飽囉…
呃！只招待會員
做會員要登記
對第一次係嚟覺得有啲麻煩
（尤其同行嘅唔太識上網填表 x 唔逐個登記又唔得）
然而對於有心嚟食嘅話真係排除「萬難」都要食咁囉～