[丼] 嵐橋丼飯專門店
終～ 於～ 捱到星期五喇（黑色嘅）～～～
柚子兵衛 | 富士高砂梅酒
坐底就飲返杯先啦
呢隻柚子酒個味勁香喎
搵日搵吓佢嘅真身再飲過先
梅酒係唔會爆甜嗰種
微酸夾飄香梅子味唔錯唔錯呢！
喜之次丼 | 赤鯥丼
食丼食丼丼丼丼～
雖然又想食鯛有想食鰻
但呢兩種好好味嘅魚難啲食到
無理由唔why not both嘅…
赤鯥丼
亦會畀人俗稱黑喉
之前食過燒嘅，味道同彈牙度簡直驚為天人
今次食刺身版本，魚味依然芳郁
除咗赤鯥仲有新鮮嘅牡丹蝦、油甘魚、三文魚子同三文魚
而飯都係粒粒飽滿嗰種
加埋炸得香脆嘅長蔥，正！
喜之次丼
相比赤鯥，喜之次香港都算見得多啲啲
不過靚魚呢家嘢永遠都唔會嫌多
又係平日食燒嘅而家試刺身
同赤鯥一樣，塊魚皮過一過火
個魚味即刻飆晒出嚟勁香
塊魚又香又軟滑又彈牙
只可以講燒嘅同生嘅完全唔同而誰也沒有比誰高尚
唔止主角，新鮮嘅甜蝦、油甘魚、三文魚&子都美味啦～
跟丼嘅麵豉湯，唔會太鹹
係隻羹大隻咗少少啫…