[歐] LAB EAT Restaurant & Bar
對於好耐冇見嘅friend子
真係要一齊食得開懷啲！
LAB EAT 風乾火腿拼盤 (80g)
有人未到就已經嗌肚餓
所以就放棄食物早過人就會凍咗嘅lunch set
食呢個有4種唔同時間風乾熟成肉乾就擺幾耐都得
就咁睇顏色都知食咩先後啦
時間短就肉滑啲；長時間就濃郁啲
各有各喜好，「我全部都要」咁就最好～
海鮮拼盤（半份）
未知有幾大食前就叫少啲試多啲
中間隻蝦可以揀紅蝦同龍蝦
我就麻麻龍蝦就揀紅蝦
隻蝦勁多膏蝦肉彈牙
但就食到對手紅晒有排抹
除咗蝦仲有鮑魚活蜆翡翠螺
樣樣都好新鮮，鮮甜好咬不在話下
只係有少少後悔唔嗌全份咁啫…
流緊嘅Raclette好吸睛（bling）
熱溶法國流心芝士配香草烤薯及意大利煙火腿
香軟芝士 x 柔軟有煙燻味嘅鮮火腿 x 熱辣辣新鮮蔬菜
美味嘅熱salad呢～
Peroni Nastro Azzurro Draught
有佳餚有朋友點可以無美酒？
開心嘅話就咁意大利啤酒都已經夠高興（yeah～）
10小時慢煮西班牙BB羊排骨 (500g)
哈哈哈，主菜們等咗好～ 耐～ 先上菜
耐到個地步係以為即叫即整要等足10－12粒鐘咁
然而食入口就知佢值得等
羊肉軟軟滑唔會羶
一咬就齒得開完全骨肉分離無難度
面層燒得焦香，肉味又滲落薯角
整體完成度高好美味！
12小時慢煮美國一級小牛排 (500g)
痴線，就咁兩盤肉已經加埋成kilo
不過呢件牛肉嫩嘅程度
實在無辦法唔食佢
味夠香肉質嫩裡面仲要係juicy嗰隻
呵呵呵食得好放加飽到上腦
酒、肉、朋友真係缺一不可啊！（muah～）