All Posts
睇佢波浪形咁嘅樣
會唔會似點心麵咁嘅質地呢？
FritoLay リッチギザ 濃厚チーズ味
唔係啊！唔係麵嚟㗎！ 佢係粟米base嘅
即係FritoLay老是常出現嘅Doritos咁嘅味
而比Doritos更硬；一樣都係咁脆
厚厚粟米片裡面都充分調味
除咗粟米味就係濃郁嘅芝士味
因為係由Cheddar, Gouda, Emmental同Camembert四種芝士撈埋
所以爆香芝士風味嘅零食
唔講唔覺又成杯食晒㖭…
同佢一樣都鍾意去打冷食滷水鵝
咁都唔係可以日打夜打㗎嘛
（秘書K就可以日夜non-stop打邊爐ㅋㅋ）
佢突然提起話有間滷水嘢都幾好味
又跟住佢去食囉…
滷水金錢肚拼滷水牛筋手造爽脆米粉（滷水湯）
牛肚新鮮一咬就斷
滷水料 x 滷水湯有飄香豉油味
呢間嘅滷水唔算好重香料味
勝在啲嘢夠入味之餘無搶到食材本身個味 米粉晶瑩剔透咬落爽脆
不過冇乜米味就真嘅
牛筋牛筋牛筋！
夠漿口我幾鍾意啊（心）
滷水金錢肚拼滷水豬大腸手造爽脆米粉（滷水湯）
見佢成日都嗌豬大腸嘛咪都試吓
腸衣腍身唔韌裡面啲肥膏整走晒唔會肥漏漏
個滷水依然入味，唔錯嘅！
嘢飲有得揀自家製嘅陳皮冰糖燉檸檬
味道唔錯有陳皮香但唔會苦
冰糖燉檸檬酸酸甜甜咁，幾好味～
同佢行經嘅時候見到唔使點等位
咪試吓大大件嘅餃子囉…
傳統四拼（韭菜/白菜/椰菜/芹菜）
我呢啲煎炸friend梗係食煎餃
餃子皮兩邊都煎得金黃香脆
餡料飽滿肉量都算多
韭菜餃最香；椰菜味較傳統；
芹菜個味最爽口；白菜味就清清地幾特別
啲餃大大隻大半個拳頭嘅size
仲係煎炸嘢油膩啲所以隊唔晒八隻（靠佢喇）
佢唔係煎炸朋友當然揀湯餃
都係肥嘟嘟大大件
個湯聽講無味精而飲落都okay嘅
（煎餃嘅就另外有一小碗）
湯嘅顏色奶白但飲落唔算好香濃
所以加另上嘅辣菜甫先會夠味
可惜我係唔食菜甫，forget it.
間嘢係大件算抵食嘅
不過有講唔上特別好味
見唔使點排隊試一次都可以
畢竟我又唔係真係好鍾意食餃子啊～
同我呢種放任式老母唔同
要約3B嘅話，都係得返星期日晏晝
仲要就地方咁先可以同佢隻盈少見面啊！
因為呢間嘢一開門就好快滿座
所以趁啱啱開舖見仲有位即係走入去
嗌咗嘢食就等，先嚟咗碗味噌湯
加咗麩感覺比一般日式食肆更有「誠意」
味道唔錯唔似求其沖嗰啲咁
同3B一齊點可以無酒飲？！
就算只係小酌一杯都要同佢飲
揀咗梅酒，香甜開胃好好味
店家貼心咁畀咗杯冰慢慢加
始終梅酒咁甜唔溝淡吓唔夠凍無咁好味呀
鹽燒白鱔煲仔飯
一行四個大人一個細路一隻B
除咗兩件無幫襯嘅塞豆窿
四個有三個都係嗌呢兜白鱔飯！！！
實不相瞞我哋就係衝住呢個飯而來
每日限量供應喎，咁早嚟到就係為咗佢
白鱔超～ 厚～ 身～ 油花香味道足
非常彈牙嘅肉質一啲腥味都無
個皮又燒得較脆身兼有炭香
留响屋企太耐郁得太少
雖然對腳都仲未水腫
但都要防範於未然
之前對Dr. Scholl啲橡筋着鬆咗十世
原本諗住行吓donki睇吓對Slim Walk…
日本レッグニット(Legknit) 着圧ソックス
點知，佢哋一對只係十！蚊！
係港幣十蚊！仲平過香港啲百円店！！！
求其啦咩sleeping sock同日間嘅都買吓啦！
最左起有XYLITOL涼感嘅瞓覺壓力襪
中間都係含XYLITOL涼感嘅daytime款
右邊嘅亦係daytime用不過就係基本款唔係涼感嘅
晌香港啲濕熱天氣無可能唔買涼感款囉
瞓覺款露趾日間款包冚嘅
全部質地都係Polyester本體同拉力來源嘅Spandex
而涼感款的確係無基本款咁焗身
無論日夜版都係劃一ankle位27hPa小腿肚24hPa
都係膝頭對落嘅款着落只係微微嘅緊
因為唔似Dr. Scholl嗰對上到大髀中間所以唔會跌落
着幾粒鐘都冇咩問題嘅無咩唔舒服
肚仔餓嘅時候見到店面張pancake menu海報
加上又咁好彩唔使等位，入去啦！
番茄素肉磨菇意粉
對於一枚animal lover嚟講
素牛肉係冇真牛肉咁香㗎喇
咁但係啲番茄洋蔥磨菇啊咁都係standard味
口味係比「正常」版淡口
個番茄醬汁底偏清香酸爽嗰種
幾清新嘅…
厚pancake伴海鹽芝士卡士達醬及雲尼拿雪糕
ふわふわ厚厚pancake（心）
pancake食落空氣感十足
本身唔太甜亦有蛋香
海鹽芝士custard鹹鹹甜甜帶奶香好好味
配埋雲尼拿雪糕一齊食好幸福好滿足
fluffy嘅pancake好似食浮雲咁
畀張poster引咗入來係正確嘅（哈哈）
藍桔荔枝梳打
好耐冇試過飲打卡樣嘅甜飲
唔算爆甜，梳打幾好汽
偶爾一次okay嘅okay嘅～
雖然我唔係泡菜國子民
但其實김밥同비빔밥係我其中一樣嘅comfort food呢…
牛骨例湯 | 갈비탕
唔係雪濃湯咁濃郁奶白色嗰隻牛骨湯
然而清得嚟都有牛骨味
鹹鹹地飲落都幾暖胃
石鍋飯（牛肉）| 돌솥밥（쇠고기）
有生蛋啦牛肉啦芽菜翠玉瓜菠菜同甘筍絲好豐富
梗係要落埋拌飯醬先食啦！
即係咁，用料新鮮所有嘢輕輕調味
牛肉滑溜滑溜又有牛味
就算全生蛋都唔會有腥味
再加埋係咪都會將啲嘢變得勁香嘅麻油
石鍋底仲要有飯焦喎
點會唔好食啫？！
拌飯最正嘅地方係唔講唔覺就食咗好多菜
感覺相對身體無咁大魚大肉大負擔
而鍾意石鍋飯因為可以食到最後都係熱
（飯焦！飯焦！飯焦！！！）
食完真係會好滿足㗎～
石鍋飯呢家嘢，清兜係完全無難度（呵呵）
習慣咗用電子貨幣
突然間肚仔餓要食嘢先發現冇cash
附近想食嘅幾間餐廳又cash only喎
好在，都仲有又想試又收電子貨幣嘅餐廳啫（老尷）
等食中…
貝羅菇雙重芝士牛肉漢堡
啊啊啊啊啊！（崩潰中）
餓得滯就咁睇menu見到Best Selling就嗌佢
居然冇睇到menu底部有更想試嘅香芒手打蝦堡㖭！！！
跟配薯條係外脆內鬆軟嗰種
熱辣辣鹹香有滿滿薯味
不過，又未去到唔加茄醬都好食嘅程度啦
個包啲餡係Portobello菇、牛肉、雙重Cheddar Cheese、
生菜、番茄、洋蔥同呢度特製BL醬汁
厚厚一個～
個包係面頭粉粉入面軟身嗰種好吸汁 但係就算我呢種食得慢嘅人去到最尾都唔會濕晒過腍
菇嘅份量都幾多而且好多汁
好彩其中一層融化咗嘅芝士同啲菇黐埋一齊
咁啲菇片們就唔會一邊食一邊跌keep得住優雅
塊牛肉係Angus Beef
芝士 x Tabasco，鹹同甜之間再另一種口味…
JIMMY’s Popcorn TABASCO® Sweet Chili Cheese
嗯… 以唔食得辣嘅我嚟講
都唔覺得辣囉嘿嘿
可能因為係sweet chilli啩
不過都叫做有啲芝士味嘅
加上啲popcorn好脆口
算唔錯嘅～～～
好想去福元湯圓㗎不過真係好遠
嘻嘻原來呢間都有得食，lucky～
芝麻合桃糊加湯丸 | 大良燉鮮奶
啲糊係磨而唔係溝水開粉嗰隻
舊式傳統味道香甜順滑唔會一舊舊
味道濃郁不過唔會爆甜
食得出炒香咗嘅芝麻同合桃本身個味（nuts萬歲）
嗱！見到大良嘅甜品好難唔叫返碗燉鮮奶嘅
足料厚而挺身裡面唔到氣泡
奶味濃而且香滑，好好味！
湯圓呢… 皮唔係好厚and餡靚囉！
糯米皮夠晒煙韌噍多兩噍仲散發淡淡米香
咬落去就會見到芝麻餡係滿滿嘅
個餡比芝麻糊更為杰身兼起沙
芝麻味再香濃啲然而做到唔會爆甜喎
都算幾大粒所以就算得兩粒都叫做食得幾滿足
間嘢有呢個質素加上價格相宜
C/P值都幾高呢（心）
如果有樣嘢食好很想食而一直未食到
麻辣鴨血一定係排响top 3
揀咗個唔使等位仲係任揀位嘅時間
尚青商號，我嚟喇（吶喊）
麻辣鴨血煲（配蓬萊米）
恨咗兩三年（無誇張）終於終於終於畀我食到～
要滾滾滾到熱，等待時間唔算漫長
鴨血唔會一夾就散
熱辣辣加上夠麻嘴仔痺痺地
可能對好鐘意好鍾意食辣嘅人嚟講唔算好辣
但係食到咁上下我已經覺得辣到不要不要then喪爬飯
（所以挑戰唔到倒汁落飯去食無鬼用）
夠麻夠香夠辣食得非常過癮啊！
試過打邊爐去叫鴨血
完！全！唔！係！嗰！回！事！！！
麻辣鴨血真係要咁食先好食
通常等待嘅嘢食唔多唔少都會有落差
呢兜無，絕對無！因為實在太好味～～～
跟餐配嘅冬瓜茶
好在除咗飯仲有佢咋
我呢啲唔太食得辣嘅人
冇佢呢啲清香又甜甜地嘅嘢飲真係會辣死 XDDD
enjoy～
白の色彩効果に魅せられて
MUJI サーキュレーター
低噪音、大風量嘅made in Japan循環扇
係大舊咗啲不過見阿B點玩都插唔到啲手指仔
加上就算用咗好耐啲白色膠亦唔變黃
白い家電嚟講佢係真全白，勁靚！
IKEA SMÅSTAD Wardrobe
無咩特別事就唔好買香港IKEA
呢個兒童衣櫃圓角又幾厚實
以前一直用開諗唔到咩理由突然唔用返啫
IKEA - TROMMA wall clock | KLOCKIS clock/ thermometer/ alarm/ timer
