[leg] 日本レッグニット(Legknit) 着圧ソックス
留响屋企太耐郁得太少
雖然對腳都仲未水腫
但都要防範於未然
之前對Dr. Scholl啲橡筋着鬆咗十世
原本諗住行吓donki睇吓對Slim Walk…
日本レッグニット(Legknit) 着圧ソックス
點知，佢哋一對只係十！蚊！
係港幣十蚊！仲平過香港啲百円店！！！
求其啦咩sleeping sock同日間嘅都買吓啦！
最左起有XYLITOL涼感嘅瞓覺壓力襪
中間都係含XYLITOL涼感嘅daytime款
右邊嘅亦係daytime用不過就係基本款唔係涼感嘅
晌香港啲濕熱天氣無可能唔買涼感款囉
瞓覺款露趾日間款包冚嘅
全部質地都係Polyester本體同拉力來源嘅Spandex
而涼感款的確係無基本款咁焗身
無論日夜版都係劃一ankle位27hPa小腿肚24hPa
都係膝頭對落嘅款着落只係微微嘅緊
因為唔似Dr. Scholl嗰對上到大髀中間所以唔會跌落
着幾粒鐘都冇咩問題嘅無咩唔舒服
不過畢竟都話晒着住啲膠晌身
皮膚會乾乾地少少痕要搽足lotion
然而搽咗lotion着膠又唔太爽身
都係着吓除咗先搽返會最合適（麻煩）
啊！效果嘛… 冇咩特別好唔好
我根本就未水腫唔覺有冇特別
只可以話以呢個價格入手壓力襪絕對玩得過囉～