All Posts
臨生B前一齊去剪頭髮然後搵食…
雖然個裝修係走型格路線
但係個餐牌話自己係「正宗南部越南菜式及街頭小食」咁
Chả giò rế | 迷你春卷
熱辣辣又夠脆，個味道都係standard嗰種
Phở bò | 生牛肉河粉
有牛味香料味唔重
半生熟牛新鮮唔韌嘅
不過無咩好出色令人驚艷嘅味道
加上以呢個價錢C/P值就唔高喇
Bánh Mì Thịt | 越南法包
用紅火龍果果汁做包所以個包有淡淡紫紅色
個面睇落好似幾脆咁可惜食落唔係
腍身軟軟嘅包索咗啲肉醬汁都唔錯嘅
又係佢畀我揀食咩lunch嘅日子
記得好耐之前經過見到啲麵個樣有啲想試
但係嗰陣仲圍緊板未開張
好喇到突然又諗起不如食麵都好就坐低等佢過嚟食…
川味紅燒三寶牛肉麵
（牛腱、牛筋、牛肚）
一如以往，有牛肉麵佢係會揀牛肉麵嘅（笑）
其實呢，台灣嘅牛肉麵最「正宗」嘅風味係來自四川
而呢碗係有大大隻嘅辣椒但係唔點辣嘅
啲牛腱呀牛肚呀都炆得腍身
牛筋漿口而且全部都煮得入味
湯底顏色深不過未算好濃滷水豉油味
整體都算叫做okay嘅未去到一試難忘咁解
麻辣老鍋麵
食呢種過江龍嘅餐廳當然想食返當地嘅味道
碗麵有肥牛墨汁豬肉丸響鈴之外
仲有台灣直送鴨血です
恨食麻辣鴨血嘅我梗係唔會錯過
揀咗粗麵，即係關廟刀削麵
（另可揀幼圓身嘅傳統關廟麵同幼扁身嘅關廟拉麵）
啲麵係手工天然日曬嘅
夠Q彈唔易爛亦唔會令啲麵粉剝落滲去湯底
湯底係牛肉麵嗰隻湯再加啲麻辣，都ok辣㗎
老鍋呢就好似火鍋咁咩餸都有啲睇落好豐富
邊爐必備嘅肥牛咪都係肥牛咁
世一秘書K生日快樂（撒花～～～）
不過呢次食嘢見面係恨咗好耐嘅細路BB們first meet
伯爵茶芝士蛋糕
想試呢度嘅慢煮封門牛柳但肚仔唔餓
咁就食吓蛋糕飲杯啡啦
呢個蛋糕啊唔知發生咩事
可能係擺耐咗（死都賴係因為睇住啲細路們玩食咁遲食）
入口一pat嘢咁，又冇咩earl grey味亦無芝士味
係個樣睇起上嚟有一粒粒茶葉碎蛋糕形狀嘅物體
搞到好似唔知食咗啲咩落肚咁…
日本製宇治抹茶芝士蛋糕
相比earl grey嗰款
呢個日本直送嘅「正常」好多
有淡淡抹茶甘香亦係較實嘅cheesecake
（同上都係放咗一大輪先食）
靚就好似靚啲but畫蛇添足嘅糖漿就mamaday
Flat White
關於favilla就差唔多等同咖啡
個拉花都唔錯（雖然來吧倒轉地球咗）
K嘅唔係我嘅唔知咩味啊
都係咖啡同奶嘅味㗎啦～
Harry Potter嘛…
電影都只係睇過第一集
本書就直頭冇睇過
唯一最熟咪嗰句：「係愛呀哈利！」囉 XDDD
間餐廳擺咗場景LEGO嗰啲
又放滿晒成系列嘅書咁
好難唔怪華納會告佢侵權嘅
9¾，一齊去撞柱！
水杯都係用傾斜版本，玩味十足
「魔法」做主題就唔一定係要响halloween先擺呢種蠟燭
ButterBeer | 奶油啤酒
唔睇Harry Potter都知道嘅嘢飲
牛油焦糖汽水在上面加pat cream
嘗鮮都叫okay嘅
（普通啤酒好飲啲，呵～）
Green Apple Soda
用lab樽裝住開同用綠色色素有氣嘢飲
同係咪大肚應該無關
又又又突然間餓到食得落成隻牛（吼吼吼）
啊～ 搵到牛堡 w/add on
唔好食太多嚇親人喇…
Texas BBQ Beef Burger
fried onion ring | crisp bacon | house barbecue sauce | brioche
厚厚嘅一個burger
包嘅本身係香甜軟軟法式brioche
其實細時都冇落旺角掃街嘅習慣
但係人大咗又好鍾意去台灣啲夜市密密食
好懷念去台灣飲飲食食嘅日子啊啊啊～
唔太肚餓就唔嗌呢度嘅便當飯同麵喇
台式蛋餅（起司）
早餐嘢不過做brunch下午茶同消夜都冇違和感
餅皮軟滑柔韌同响苗栗食嗰塊脆身嘅唔一樣
有蛋香之餘芝士融化亦帶鹹香
所以就算醬油膏唔多都唔覺唔夠味
肉燥燙青菜
菜新鮮配上滷味足夠晒肥嘅南部肉燥
（北部同中部叫呢種做滷肉(碎)嘅）
比就咁蠔油生菜多層次啲
啊～ 任斟嘅冬瓜茶
個味都幾香而且唔會好甜，唔錯唔錯！
金梅地瓜QQ球
喔！唔夠飽再加份甜品先
啲蕃薯波波仲係台灣直送㗎呢
細細粒炸到漲卜卜咁好可愛
外面金黃又脆口裡面QQ
好咬又香蕃薯味
味道唔會好甜加埋啲金梅子粉好開胃
唔講唔覺又剷晒㖭（飽飽）
呢隻嘢，晌個世界呼吸咗一年空氣
帶住佢「跑」7公里
佢可以喊足5公里
究竟係我做帶氧定係佢做？
不過佢咁喊得至少個肺應該唔錯
畢竟陀住佢嘅後期我個屁屁都捱咗支強肺針
見佢武肺ed都仲咁好氣去喊就放心喇～
（我就冇佢咁好氣…）
之前食過同系列嘅cheese stick覺得好好味
晌便利店又見到佢嘅蹤影無理由唔試吓嘅…
森永製菓 濃厚チーズケーキ仕立て チーズスティック
上次係三種cheese味
呢隻就係cheese cake味
繼續係雪凍咗都仲脆嘅餅底 薄薄一浸嘅脆皮芝士白朱古力
裡面係雪凍咗（廢話！）嘅cream cheese雪糕
cheesecake個味就算咁凍都依然濃郁
比一般普通cheesecake過癮
幾好味呢，呵呵！
人在江湖 大快朵頤（嘻嘻）
滿滿武俠風嘅menu
呢度係用自煉豬油唔係坊間嘅合成豬油
煲仔飯上咗枱倒完round豉油同豬油要焗一陣
咁先食碟招牌燒通菜
即係港式串燒舖嘅燒菜
呢碟就鋪上勁多蒜蓉
麵醬鯰魚煲仔飯
個麵豉醬豆味香濃
鯰魚滑溜配埋豉油豬油非常提香
蔥嘅份量都幾多（一片綠）
新鮮嘅唔會好辣好嗆喉
個飯當然好重要
粒粒分明又有米香
豬油同調味再加餸料嘅味滲晒入飯好好味
飯焦！飯焦！！飯焦！！！
好好食，清晒梗係無難度～～～
同佢一齊，就係求其買罐啤酒周圍走住飲
同對方講無限量嘅話題甚至唔講嘢都咁開心舒服啊！
Suntory 金麦〈深煎りのコク〉
正呀呢罐！每年冬天都會出呢種咁濃嘅啤
烘焙過嘅麥芽味都更深邃
芳香嘅味道而且入口嘅感覺濃厚
苦中帶甜願主係大人嘅味道
無論配嘢食或者就咁飲都可以
而最好嘅配搭… 梗係有佢陪住我啦（笑）
嗰幾個連住嘅商場仔有好多細舖
（留白、轉角 ‧ 見、森美餐廳、 餃子屋、滷友記嗰啲都係）
全部都唔係連鎖店感覺上有人情味啲
日式屋台裝潢加好多隻貓嘅畫
諗起同樣係滿舖貓掛畫嘅麵.睦月
蔥山拉麵
啡白色嘅魚介湯底
配上綠色蔥山感覺好earthy
真係多蔥如山㗎哈哈
魚介湯底味道香而濃郁
無豬骨湯底咁油膩
火炙豬肉肥瘦均勻又燒得香
味玉係流心貨仔
筍入味嘅紫菜大大塊食得滿足
最緊要係啲蔥！
本身唔鍾意食蔥嘅我都覺得佢唔臭唔辣
所以成碗嘢都好香，幾好幾好～
櫻花蝦拉麵
基本配料一樣只係將大量嘅蔥換成大量櫻花蝦
湯底變得超！香！甜！！！（握拳）
賣相呢就一生懸麵靚少少
不過講蝦香呢碗無得輸，就咁。
拎住張商場coupon就求其揀間食肆
反正佢會同我講食咩都得無所謂嘅…
泰式酥炸雞肉燒賣
炸魚餅炸蝦餅就食得多
平日有港式炸魚肉燒賣都會嗌
今次係雞肉燒賣仲要係炸嘅版本喎
哈哈哈，雞肉黏性冇咁強肉質較散啦
好彩個皮炸得夠硬脆
而且本身個味道調得幾好，算係咁！
紅咖喱牛肋條配白飯
多蔬菜嘅椰汁紅咖哩咁囉
咖喱都okay香唔算好驚艷好出色
牛肋條都腍身嘅… 可以啦可以啦
（附近揀咖喱會去張秀玲囉…）
馬拉肉骨茶配白飯
嗯… 有微微嘅藥材味同重豉油嘅味囉
相比樓下都有間嘅蘇媽.蘇媽遜色啲咁
又唔係一無是處嘅至少都好足料
份量多到有少少後悔點解唔只係嗌迷你肉骨茶就算
（啊！因為食唔夠金額冇得用張coupon哈）
小島甘蔗汁
雖然嘢食好商場價錢亦好商場貨色
不過杯蔗汁幾好飲吖都
