All Posts
係呀！又拉佢去陪我食熱氣嘢啊啊啊啊啊～
穴子海老天丼 | 蒲燒鰻魚天婦羅
嘿嘿，只係得穴子驚唔夠喉咪嗌埋鰻魚天囉（奸笑）
好，講返穴子海老天丼先
有彈牙黑虎蝦、穴子、蟹柳、紫菜、本菇、茄子、四季豆好豐富
日本海盛宴天丼
季節限定丼です。
有黑虎蝦、磯燒鮑魚、劍魚、秋葵、紫菜同金菇
磯燒鮑魚係用醬汁同昆布炆煮成 劍魚本身肉帶魚油，更香！
日本溏心蛋天婦羅
唔係唔食炸蛋呀嘛？！
福岡明太子魚餅
炸魚餅裡面包明太子，幾鹹香～
不過以香氣、食材同炸醬嚟講…
金子半之助好食好多啫（遠望…）
明明都唔係好凍之嘛
啲人情願排長龍都要坐室內位
同小不點都怕熱所以揀露天
點知就咁直入就可以坐低叫嘢食喇
話咁快就有得食
焦糖香蕉熱烘窩夫全日早餐
Caramel Banana Breakfast with ‘BEANS’ Waffles
份量唔大不過同小不點都唔餓就無所謂
炒蛋都幾嫩滑
煙肉有少少厚度亦夠鹹香
焦糖香蕉有脆糖面隻蕉本身夠軟同甜 冬甩式窩夫煙煙韌韌帶香麵粉味
整體嚟講不過不失，都唔錯嘅～
Americano | Caffè Latte
嚟得Beans都要試吓佢哋啲beans㗎嘛
杯black coffee係跟餐嘅
冇咩嘅，芝士同粟米不嬲都係friend嚟㗎啦～
Pringles Nacho Cheese Tortilla Chips
Nacho cheese同粟米片嘅組合
滿滿墨西哥風情話
比一般Pringles薯片再硬身啲
都幾飽肚吓，唔可以一次過剷晒～
無食到lunch好肚餓但係又唔想食太飽食唔落晚餐
突然諗起前排肥fat推薦過啱啱新開嘅三一
都好喎唔會太飽又可以有嘢晾吓肚…
齋嗌餃子有啲寡，所以叫多樣小食（嘻）
所謂嘅「食少少嘢」，哈哈～
醉炸雞翼
呢兜好彩有嗌，好好食！！！
直炸雞翼唔係硬脆嘅皮層
但都係半脆加上juicy嘅雞肉
而最最最香係不斷都有飄出同食得到嘅酒味
堅正，好好味呀～～～
煎餃 招牌餃子貳號
第一次幫襯當然會先揀「招牌」
夠穩陣嘛…
唔太油膩嘅日式冰花煎餃
皮層夠晒薄而不失韌性
餡料嘅菜同肉好平均
個味仲要好好，正！
一次過啪10隻會單調啲
蘸埋隻調味醋啱啱好
所以清碟無難度
隻碟仲係伊利沙伯樣，好得意呢（笑）
終於帶阿B做完test
就去唔係位於東京街嘅東京街日食店食晏先…
壽司刺身烏冬定食
抱住隻B又at lunchtime當然會秒速揀lunch set
set除咗主菜們仲有沙律麵豉湯同包嘢飲
無咩嘅，普普通通港式日式咁囉
刺身有三文魚、甜蝦、池魚
壽司係三文魚、吞拿魚赤身、油甘魚、真鯛同醋鯖魚
再加碗齋烏冬咁
嗯… 話說揀呢間因為聽聞C/P值高
不過食落啲魚生係新鮮
可惜又未到特別覺得好驚艷
或者係期望太高啩
同之前去日本野嘅feel差唔幾
講真吖係有啲失望嘅
間嘢乾淨嘅；味道只係standard無咩特別
熱食嘅夠熱冷食都解足凍
服務仲要好好
但係對我嚟講最重要都係食物
冇去到好好食亦唔係去到價格相宜
只可以話嚟試過吓就算，完。
呢間越南嘢真係好好食
搞到同佢食完又食食完又去食試吓唔同菜色（嘻）
蟹膏檬粉
雖然試過幾樣呢度嘅嘢都覺得好出色
但係要講一入口就已經覺得驚嘆嘅就係呢碗！
上枱嘅時候熱辣辣
就咁飲頭啖湯好似鹹咗啲咁
不過就係呢個味响口度先再滲出蟹同番茄嘅味道
扎肉係好紮實嗰隻豬紅都唔會一夾就散
原個新鮮番茄爆晒汁咁絕不欺場
蟹膏煎蛋勁香蟹味之外就咁隻蛋味都好濃郁
仲有勁索湯頭嘅豆卜
咩日月精華都畀佢吸晒
檬粉好爽滑，成碗嘢完成度超～ 高～ （正正正！）
沙甸魚法包
晌香港食越南粉麵有好多
而有埋法包嘅就少好多
呢度有喎當然會食返個啦係咪
硬脆烘得乾身嘅超熱法包配會漏油嘅沙甸魚
啲油滲晒入包到個味香到爆
又有越式pickle中和返啲油膩感
好好食呀佢！！！
香茅牛肉撈檬
帶住阿B去做test點知戇居居冇拎齊文件
見㷫㷫地 (physically啫唔係mentally)就突然想食凍嘢
以前响紅磡成日經過舊舖時新隔離角落頭間涼皮店
陣四川味完全頂唔順所以對涼皮呢家嘢無咩好感
加上係一類堆好似劣食塔樓下啲撈麵咁
其實真係對呢種食物興趣唔大
不過人呢有時就係忽然之間奇奇怪怪
反正要轉車就不如買兩姊妹嘅外賣
仲要我個時間係啱啱開舖， gogogo～
因為佢哋鋪頭大部份位置都係用嚟放雪櫃
所以啲外賣都係可以keep住凍
我呢份大概搭咗半個鐘頭plus嘅車
返到屋企都仲係凍嘅
招牌兩姊妹涼皮（微辣）
加配料：秋葵、豬脷
微辣已經好夠，帶住麻麻辣嘅味道
涼皮滑滑又夠凍就算係辣味都幾消暑
本身配料有芫茜、蔥、花生、青瓜絲、豌豆
芫茜蔥提香；芫茜青瓜夠爽脆；
花生硬脆豌豆卜卜脆
同滑滑涼皮食感覺好豐富
其實佢個味唔係咩「正宗四川」風味
係就返香港人嘅口味而調整
雖然佢唔鍾意食熱氣嘢
但係都會同我去食我非常愛好嘅天丼啊！
同平日餐廳啲茶葉茶唔同
呢度係serve黑豆茶嘅
軟殼蟹天丼
話說呢個就係《連續7屆榮獲日本全國天丼金賞》嘅軟殼蟹天丼
裡面有鮮甜厚肉嘅軟殼蟹
酥炸至香脆而且蟹肉厚實勁好味
仲有炸蝦、小柱魷魚天婦羅餅、炸紫菜
莢豌豆同隻炸溫泉蛋
江戶前天丼
穴子、海老、小柱魷魚天婦羅餅、溫泉蛋、海苔、莢豌豆
即係咁，其實晌舖頭出面已經聞到勁香嘅麻油味
食落個炸漿薄脆得嚟酥香
穴子星鰻唔會好似鰻魚咁肥美
用嚟做油炸就啱啱好
有魚香又軟滑好正
炸蝦係就係唔大隻不過都新鮮夠彈牙
韌身小柱帶子仔同爽口魷魚
合埋炸係做嘅天婦羅餅外脆內爆汁
炸紫菜，做零食已經好好食呢塊仲要係新鮮炸起
超脆口又香麻油紫菜味，good～
豆豆就炸漿脆本身爽裡面甜
除咗魚同蝦最最最鍾意梗係隻蛋（！！！）
微微炸過提香隻蛋又勁流
鬆脆芝士零食幾時都咁吸引…
Pianta 軽いさくさく チーズ 濃厚チーズ味
貌似桃哈多但係鹹嘢嚟
（即係meiji 卡路叔叔咁樣啦哈哈）
脆口輕飄飄食陣風咁 而個芝士味又算幾濃都幾好食喎
又唔講唔覺隊晒成包㖭，哎吔！
飲咖啡食餐飯甚至要有art嘅嘢
冚棒唥喺齊呢度！
南瓜甘筍忌廉汁蟹肉燉飯、泡沫咖啡
menu寫嘅《廚師推介》飯
金黃色澤嘅南瓜甘筍忌廉汁 w/cheese
一舊舊拆肉蟹肉碎
再加埋杯拉花Cappuccino
Perfect lunch呢…
tea time之sweet tooth出沒注意！
宇治抹茶梳乎厘班戟
有京都兩個字唔係唔叫抹茶嘢呀？！
大量抹茶粉鋪滿pancake
有抹茶蕨餅抹茶雪糕抹茶奶蓋sauce同紅豆蓉
pancake係即叫即整鬆軟空氣系嗰隻
食浮雲咁但係不失蛋香
加埋啲甘香抹茶唔覺得好甜
蕨餅凍凍地夠煙韌又夠抹茶香唔錯唔錯
個抹茶奶蓋sauce有抹茶味外都幾重奶味
倒入個pancake一齊食甜度啱啱好
雪糕夠厚實同pancake成對比
當然都係有住極濃郁嘅抹茶味
紅豆蓉好甜就梗㗎喇
咁佢係抹茶嘅絕配又唔可以冇咗佢嘛
又睇得又食得，好滿足～
黑糖黃豆粉豆乳奶昔
食食吓pancake覺得唔夠喉
叫多杯奶昔等自己再開心啲先！
頂層係蜜黑豆加黑糖蕨餅三粒仔
面層鋪咗滿滿黃豆粉
飄香嘅黃豆粉下面係厚實嘅cream
底層就係大大杯黑糖豆乳
因為泊車方便加上間嘢都keep住啲品質
唔難成為我同佢食癲嘅飯堂…
泰式炸蝦片
脆卜卜重香料味嘅泰式蝦片會有人唔鍾意食㗎咩？！
泰式生海蝦
我哋呢兩隻生蝦lovers有生蝦又點會唔嗌？
咁呢度啲蝦又堅係大隻兼爽身嘛！
加上係一半紅一半綠嘅辣汁
味道調得夠晒辣仲成杯shooter咁又睇得又食得
點會唔次次都order啫？！
泰式酸辣鳳爪沙律
個味夠晒酸辣嘅鳳爪食得好爽
鳳爪嘅爽口度絕對唔會輸畀啲配菜西芹甘筍同洋蔥
作為BB班辣度嘅我覺得好辣
不過唔辣又邊好食啊？
香芒軟殼蟹米紙卷
從軟殼蟹到芒果再到塊大生菜都食得出新鮮
一次過捲入煙韌米紙皮裡面
蘸埋甜辣醬，將外脆內軟又爆汁嘅蟹；
滑身微甜嘅芒果；軟腍嘅粉絲；
爽脆生菜同韌身嘅米紙共冶一爐
層次超豐富味道有鹹且甜非常過癮！
小食拼盤（小）
（蝦餅、春卷、串燒、雞翼）
蝦餅：炸得香脆肉質彈牙仲好厚身，正～ 春卷：外皮酥脆內裡係滿滿爽口鮮甜嘅蔬菜絲
