[包] Burger Land
習慣咗用電子貨幣
突然間肚仔餓要食嘢先發現冇cash
附近想食嘅幾間餐廳又cash only喎
好在，都仲有又想試又收電子貨幣嘅餐廳啫（老尷）
等食中…
貝羅菇雙重芝士牛肉漢堡
啊啊啊啊啊！（崩潰中）
餓得滯就咁睇menu見到Best Selling就嗌佢
居然冇睇到menu底部有更想試嘅香芒手打蝦堡㖭！！！
跟配薯條係外脆內鬆軟嗰種
熱辣辣鹹香有滿滿薯味
不過，又未去到唔加茄醬都好食嘅程度啦
個包啲餡係Portobello菇、牛肉、雙重Cheddar Cheese、
生菜、番茄、洋蔥同呢度特製BL醬汁
厚厚一個～
個包係面頭粉粉入面軟身嗰種好吸汁
但係就算我呢種食得慢嘅人去到最尾都唔會濕晒過腍
菇嘅份量都幾多而且好多汁
好彩其中一層融化咗嘅芝士同啲菇黐埋一齊
咁啲菇片們就唔會一邊食一邊跌keep得住優雅
塊牛肉係Angus Beef
肉味香濃加上肉汁非常多，好很正！
芝士係double份量
個包又前到後都食到個鹹香
就連蕃茄同生菜都十分新鮮爽脆
菜同肉嘅比例啱啱好
食完成個包好滿足得嚟唔覺得肥漏漏～
跟餐嘢飲揀咗水果茶
夠凍又唔會好甜，唔錯唔錯！