All Posts
濕悶熱嘅天氣真係好L難頂…
アサヒ 贅沢搾り 期間限定 オレンジとカシス
橙 x 黑加侖子口味，果汁23%
酒精度4% only，夠晒氣日落前任啱啱好
個味都算天然幾易入口
爽住過日晨真係Happy Friday呢，Cheers～！
响街戴住口罩輕鬆飲秘笈：BUCKET THE STRAW
高身罐支ZTRAW唔夠長呢…
响N年前啱啱開張冇幾耐嗰陣嚟食過
好有印象係個炸牛油雞翼好好食
過咗多年後嘅情人節晚同佢經過想試返
點知話要等外賣都要等9個字
好啦，之後一朝見到啱啱開未有人嚟就食啦…
串燒沙嗲（牛、雞、豬）
standard嘢，肉算新鮮個沙嗲味都香
冰鎮蜜糖凍蕃茄
原個剝皮凍番茄
加埋個醬酸酸甜甜咁幾開胃
手撕雞椰汁酸湯檬
檸味出過椰味食落清爽
平時會嗌凍檬但今次有湯都算唔錯
雞肉唔係白烚嗰種都幾好味
唔係好驚艷不過不失咁啦
越式生牛肉湯河粉
食生牛河最緊要係影相要快
如果唔係啲牛熟咗唔好食 XDDD
average嘅味道，只可以話唔係難食咁
二揀一嘅話酸湯檬好食啲而小食比主食出色啲咁
BIA SAIGON SPECIAL
當年去越南旅行嗰陣嘅第一餐嗰杯啤就係佢
其實去初見嗰日本身唔係去初見
係因為佢經過見到呢間又打蛇餅所以先改地方
咁今次睺正啱啱開舖就嚟
唔使等梗係快快咗入去order啦！
嘉寶漢堡 | KABO BURGER
好食仲要C/P值超高
同我有餐加餐咩都要加爆佢吖唔該
♪ 芝士牛堡 is coming to town~~~
雙層芝士牛堡
經典中嘅經典大滿足
牛肉漢堡爆juicy
加埋double芝士嘅鹹香
煎香過嘅脆脆包身
同新鮮大片沙律菜同洋蔥
哇！佢唔係賣得平係個好食嘅程度變得係underprice咗呢～
黑松露芝士牛堡
哎吔吔今日冇羊堡就食吓香濃嘅黑松露
都係繼續同佢食
呢間唔係最初畀我揀嗰幾間之一
不過佢send得過嚟問Do you want this嗰陣
就知道其實係佢諗過踱過再開口問
間舖個名幾好聽望啲相又唔伏
加上任何情況下都係會相信佢嘅選擇啊！
初見四式刺身丼配味噌湯
－ 三文魚、油甘魚、帶子、甜蝦、玉子、蟹柳
魚生新鮮又厚切，邊會唔好食呀？
佢個飯base係有飯料嘅
唔怕就咁食晒啲刺身個白飯會好寡
初見特選海皇蟹刺身丼配味噌湯
－ 蔥吞拿魚蓉、蟹肉、蟹膏、海膽、帶子、蟹柳、玉子等
吞拿魚蓉同蟹膏海膽喎
完完全全開正我嗰範啱我河車！！！
（都話佢完全知我點諗㗎啦）
將香爆嘅嘢集於一身
唔止係好食，對我嚟講直頭係大滿足
除咗蟹柳囉分畀佢食啦就咁話哈哈
初見壽司拼盆配味噌湯
又一次抗拒唔到「期間限定」嘅魔咒…
森永製菓 チーズパイ | Morinaga Cheese Pie
芝士 x 黑椒 嘅層層派
同以前啲台灣方塊酥個樣差唔多
除咗似方塊酥仲好似啲酥皮點心咁
不過食落冇佢哋咁油膩 似係打造咗好多塊薄餅乾嘅合體
而啲餅中間同面層都有滿滿芝士粉所以士味都幾濃
（雖然只有1.3%チーズ）
加上啲黑椒味，用嚟送酒就啱啱好喇～～～
-———————————————-
延伸閱讀：森永製菓 チーズサブレ | Morinaga Cheese Sablè
之前講過係再見面時嘅餐廳幾選一
雖然係揀咗食burger
但係第一間send嚟嘅係呢間
咁有時間梗係都要試吓啦～～～
Ann Mamma Thai Kitchen by 張秀玲
食晏時間咁啱唔駛等位
無理由唔入嚟食返個set lunch啫
張枱有啲窄叫咗兩set嘢食加小食連嘢飲就逼到冇晒位
蝦餅
身為蝦精又鍾意食熱氣嘢
無唔嗌呢碟嘢嘅道理
睇個賣相同食落都一樣夠晒正
啱啱起鑊熱辣辣
個表層粉漿唔厚但都夠晒脆
蝦肉滿滿厚厚蝦味新鮮兼且非常彈牙
好食！真係好好食！！！
泰式鳳爪
又凍又辣仲夠爽滑
對我嚟講係辣咗少少
話說舂錯咗入留白
咁當然晌終於發現咗之後都嚟返呢度
Rocky Burger | 煙肉漢堡
乾身脆口嘅芝麻包
餡料係juicy嘅漢堡牛扒
少少厚身嘅油脂鹹香嘅美國煙肉
融化咗嘅芝士加埋香甜炒洋蔥
同埋唔可以漏咗嘅新鮮番茄同沙律菜
個package都係standard嘢
成敗在於用料新鮮加廚師用心煮
所以咪又係好食囉！！！
啊！唔好漏咗個硬硬脆薯條
好味㗎雖然少咗啲…
期間限定 催淚蝦堡
本身鍾意MOS嘅wasabi吉列蝦漢堡
而呢個包嘅combination都大概係吉列蝦餅包咁啦～
同MOS一樣，個wasabi醬都係非常攻鼻
個炸吉列蝦餅就大大塊超彈牙
加上啲蝦s好新鮮，好香啊啲蝦味！
沙律菜同番茄都好fresh
佢哋啲包唔係得一面芝麻
要同十幾年冇見嘅人重遇
幾揀一之下揀咗轉角‧見
點知去到嘅時候兩條友都無睇門牌入咗嚟呢間 XD
（仲要係好耐之後先發現）
牛油果藜麥大蝦沙律 | Avocado Quinoa and Prawn Salad
成兜嘢新鮮新鮮好新鮮！
牛油果夠晒熟又香又creamy
啲蝦大大隻爽口彈彈牙
粒粒藜麥好似個陳醋醬咁令配搭完美
well，完全ignore咗我唔食嘅火箭菜
慢煮牛 Bagels | Beef Bagels
罌粟籽bagels裡面有新鮮沙律菠菜、
Cream Cheese、Cheddar Cheese同慢煮牛肉
農曆七月都過咗啦
乜都仲咁鬼猛㗎… 個太陽！！！
BE@RBRICK×JINS コラボレーションサングラス
雖然對BE@RBRICK又唔係有好大嘅興趣
不過咁啱要買太陽眼鏡佢又細細副咁
好啦好啦揀佢啦（仲有隻BE@RBRICK都幾得意嘅）
摺鏡啊！得29g唔重身～
啲details位都有呢個crossover嘅logo㗎！
一般平價款，MIC無懸念…
咁話晒都係jins
副鏡嘅紫外線透過率只係0.1%以下
而可視光線透過率係13%夠晒暗
咁嘅日曬嚟講真係無佢唔得
眼鏡布都係同款BE@RBRICK嘅插畫
反正有隻BE@RBRICK就拎嚟玩吓啦～～～
夜媽媽飯後食個甜品又想飲返杯
cake x beer 嘅組合 why not both?
梔子 Zi
抬頭吧除咗相信愛你便能飛之外
仲可以睇吓有咩啱
況且低頭嘅話光環會掉下來
（aiya sorry for so 爛囉…）
Pistachio Mousse Cake
鍾意食開心果嘅我見到佢冇理由唔嗌吖！
Pistachio mousse 加 light cream 嘅主調又香又輕盈
無咗程班長，仲有冇臺灣人口中嘅正宗臺灣菜食呢？
新開咗就有間喇，呵呵！
由店名到呢個deco都大大隻寫住滷肉飯
唔會唔叫返碗呀嘛？
特登唔cut就個人頭
個頭係屬於Mill Milk個攝影哥哥嘅！
咁啱食嗰陣佢哋拍緊（哈）
鹽酥雞滷肉飯套餐
一次過食佢兩道招牌菜先！
小碗台味滷肉飯
滿滿一碗係隻碗細啲但係個份量一啲都唔少
好有少少依郁就散落四周嘅危機
豬肉係半肥瘦勁有油香
滷肉汁唔會好似一般港式台菜勁鹹甜咁
搞到醬汁完全蓋過本身嘅肉香
所以配埋微辣嘅酸菜就啱啱好夠味
飯係台灣特級蓬萊米
有黏性得嚟又唔會好似日本米咁漿口
掛埋肉汁高濕度就just right～
九層塔鹽酥雞
啲雞跟set嘅份量都咁誇張嘅
入口超～ 脆～ 雞髀肉同炸漿都調味ed
熱到hihi嘅情況吓出街（even响屋企）都會貼返張
但究竟中国牌子嘅日本製嘅好啲；
抑或日本牌子但係就中国製嘅會有咩分別？
PRINCE 熱ペタクール ベビー用
Mmm… PRINCE 王子製薬株式会社嘛
個名好似好日本其實係大陸公司です
平時咪見到嗰啲頗大宣傳嘅Ka同搵日本妹打廣告嘅arFÜM洗衫膠囊啊
仲有KHO沖涼液咁啦
不過見呢盒嘢寫係日本製而且特價咪試吓囉
（賤物鬥窮人响價格下跪低）
寫係baby用不過屋企個baby無發燒
所以都係自己出街貼响身
聲稱涼10粒鐘當然唔會信啦
baby嘢就唔預一貼凍到打冷震嘅
少少涼都仲有嘅（已經响用之前放入雪櫃㗎喇）
而响呢啲天氣用用佢三四粒鐘
搣出嚟塊gel係熱嘅！
用緊嗰陣個身冇特別凍但都算有少量降溫嘅效果，okay啦
baby就冇需要用裡面嘅住（touchwood）
不過就有少少殘忍對待盒面個baby
見佢玩得咁開心梗係由佢玩，哈哈～
