All Posts
近期愛死嘅一套動畫（大大心）
SPY×FAMILY
間諜男為求執行任務要組織家庭
誤打誤撞揀咗個識讀心術嘅妹妹仔
再加多個隱藏住殺手身份嘅女人做老婆
三個人互相隱瞞真實身份扮演假家人嘅生活
認真嘅「爸爸」、天然呆嘅「媽媽」、超可愛嘅「囡囡」
大爆笑喇呢套
敲碗坐等10月嘅第二季！！！
有啲人鍾意就咁隊雞粉
而我細個嗰陣就鍾意空口食煉奶
ロッテ 練乳ミルクバー
不過人大咗就無食得咁甜 呢種雪條就啱啱好
有甜味亦有奶香， 唔錯唔錯
話說細個都幾鍾意明治出咗隻煉奶向中間嗰隻雪條
呢隻雖然無流心但係都夠滿足
雀巢®鷹嘜™奶條
啊？都記唔起以前係鍾意鷹嘜定壽星公煉奶多啲喇
是但啦好大機會冇咁講究嘅
呢條都OK嘅，but差唔多價錢嚟講
我會揀日本貨仔囉呵呵～～～
自從有B，最大改變都係啲咩無咖啡因無酒精咁…
McGuigan ZERO Shiraz
無酒精無甜味劑無色素
有Shiraz本身嘅甜味
冇咗平時十幾%酒精嘅紅酒嘅澀味
一啲都唔乾身，根本就係發酵但唔太甜嘅提子汁
比果汁香少少不過取代唔到真紅酒
不過凍飲配吓芝士做下午茶晚餐後甜品都唔錯
當然好似今日咁要自己岩布仙尼吓嘅日子
隊幾多都無問題啦～
Carlsberg Alcohol Free - Pilsner
大肚嗰陣順氣時飲
嘉士伯本身麻麻
所以有無酒精對我嚟講無咩分別
有少少麥味嘅sparkling water咁囉
今次阿諸葛亮終於唔駛打打殺殺喇…
（我隻B聽到呢首OP會手舞足蹈哈哈）
パリピ孔明（派對咖孔明）
劇情描述中國三國時代
蜀漢丞相諸葛亮（字孔明）响五丈原之戰中病死
醒返後發現自己後生返仲轉生到halloween緊嘅現代日本澀谷
佢响夜店同創作歌手月見英子相遇
聽到佢嘅歌聲好感動後
為咗幫英子實現夢想而以軍師身分活躍於現代嘅故事
劇情都有話唔知點解佢會識聽識講日文 XDDD
利用古代佢用過嘅戰術
再用响和平時代唔血腥但同打仗冇大分別嘅現今社會（樂壇？）
節奏算明快所以好睇啊！ 不過冇打算睇返由四葉夕ト原作、小川亮作畫嘅漫畫
反而期待下一輯呢～
支BUCKET係唔錯嘅
不過拎出街真係hola唔方便嘛…
ZTRAW: The world’s slimmest, foldable and reusable straw
個細細黑色套，同我個ONE PROMISE 口罩套好鬼襯！
支飲筒摺起咗係咁樣扁扁嘅
咁就可以勁容易將裡裡外外都洗得乾淨
都係香港design產品
13.5g 非常輕
無哂藉口唔自帶飲筒喇～～～
食零食又扮晒健康咁…
Calbee さつまいもん。クリーミーさつま
不過我buy啊！ 因為佢係有芝士味嘅薄脆蕃薯片
個cream cheese味香但係唔會蓋過蕃薯味
味道唔會好甜，食落味道似純粹芝士同蕃薯咁
唔似一般嘅日本零食味呢～
so nice！
又係啲邊睇邊嬲到震嘅Documentary
사이버 지옥: n번방을 무너뜨려라》
（Cyber Hell: Exposing an Internet Horror | 網絡煉獄：揭發 N 號房）
件事發生响2018下半年至2020年3月南韓嘅性剝削案件
利用Telegram建立多個room
將威脅女性得嚟嘅個人資料、相呀片呀發佈同直播 受害人會被要求在身體上刻字、食屎飲尿、
將蟲放入性器官，同侵犯自己幼年親屬等等
亦有部份受害者會响offline時被性侵
仲會响呢啲事件中錄影上載甚至直播
最細嘅受害者只係得11歲，讀！緊！小！學！
由細細個就好鍾意食RITZ隻迷你芝士餅
唔知佢啲變奏版會唔會都好食呢？
RITZ cheese wafer roll
答案係否定嘅（淚）
呢隻芝士威化卷係威化餅乾捲住芝士餡
如果佢係RITZ芝士餅嗰隻餡其實唔會出事
問題係：啲芝士餡唔係鹹係甜！嘅！！！
頂！成件事唔同晒！
根本係掛羊頭賣狗肉
簡直係拎隻芝士餅去招搖撞騙！
黐線㗎！難食到喊出嚟 都係去隊返盒芝士餅平衡吓心理…
去ペッパーランチ（Pepper Lunch）最怕就係食完會成陣佢嘅味…
ビーフペッパーライス（beef pepper rice | 黑椒牛肉飯）
咁自己响屋企整囉
用最簡單嘅肥牛粟米蔥同飯
當然唔少得大量黑椒們
原pan上枱連碟都洗少隻
真正嘅懶人方便快餐（嘿嘿）
至於brown sauce部分 雖然係可以用黑椒洋葱碎蒜粉蜜糖同豉油撈好煮埋做汁
不過對我嚟講齋食肥牛粟米飯都已經好夠味
就無再特登去開鑊煮個汁喇
懶人嘅極致呢～
苦味又唔香朱古力味嘅超硬餅乾
加埋甜到hihi嘅內餡cream
OREO都算係我由細到大都唔太鍾意嘅夾心餅
OREO® SANDWICHES
唔知變咗做雪糕會唔會好食啲呢？
厚咗、大件咗嘅OREO
個朱古力外皮應該已經擰一擰、舔一舔、浸一浸ed
好似食緊濕笠笠擺咗好耐嘅蛋糕咁
夾心嘅雪糕cream依然好很甜
除咗唔好食，個評語都係唔好食！（唉～）
OREO® BARS
好啦！再再再畀多次機會呢樣嘢
係將OREO餅連cream做成裡面雪糕base
再响出面加牛奶朱古力 x OREO 餅碎coating
啊～ 終於無咁甜，個外皮都脆嘅
雖然連埋啲淋淋哋嘅餅碎都始終差咁啲
不過整體嚟講都算okay
但係OREO始終都唔太啱我，算吧啦施主…
一般嚟講，乳酪係會自己整
不過有時都會買base同試吓其他嘢…
DELTA Yaourt Grec Anthentique
呢隻冇保加利亞乳桿菌（Lactobacillus bulgaricus）
所以係唔會做我平時嘅乳酪base
但係今次都會買佢
因為有ITQI Superior Taste Award 三星 加埋great taste 兩星喎
好啦好啦，瞌埋眼買嚟食就啱
Greek yought就係既濃厚又creamy
奶味香濃，而且個味唔會酸
無計啦，10% fat一啲水稀稀嘅感覺都無
唔加任何嘢都已經非常讚，好好味呢～～～
花生都唔到我食嘅日子
咪食吓花生醬雪條囉…
Skippy Peanut Butter Ice Bar
先講韓國版嘅
一個字：黐Q線好很甜
牛奶朱古力加花生粒脆皮
甜味重而花生醬唔係好出嘅雪糕餡
最最最弊就係佢個焦點：焦糖醬在中
個甜味係感覺令血糖直接飆升嗰種，好恐怖！
同樣嘅combination Häagen-Dazs好食好多！
Skippy Peanut Butter Ice
都係日版正常好～ 多～
花生醬撈朱古力嘅脆皮
花生醬味雪糕加濃厚花生醬sauce
根本就係食緊條花生醬咁 仲要唔係好甜，食得出濃郁花生(醬)味，正爆～！
