All Posts
响釜山食過好好味嘅水冷麵就愛上
煙煙韌韌又香嘅麵加埋爽口配料
配以微酸帶辣嘅湯底
諗起都想食…
칠갑농산 옛방식칡냉면
超～ 韌～ 嘅麵條
清爽嘅酸味湯底加埋辣醬好夠味
無梨咁爽甜嘅配料就加啲kimchi
唔會唔夾嘅（笑）
呢碗比韓國嗰碗再好食啲嘅部份係：
半！熟！蛋！yeah～
立夏嘛… 當然要食吓啲凍嘢消吓暑啦！
講男人大肚又有上野樹里
加上廿幾分鐘一集得嗰八集
好難唔去睇，而且係一次過睇完
ヒヤマケンタロウの妊娠（檜山健太郎懷孕了）
改編自坂井恵理嘅同名漫畫
講述主人公桧山健太郎呢個單身工作狂嘅男人有咗
當所有孕婦經歷過嘅呢位先生大部份都感受到
（妊娠嘔咇奶腰痛單身but另一半點都唔想結婚嗰啲package咁）
不過就冇陣痛排出只得劏肚啦
性別換轉又曝咗光
有人覺得終於有人明白；亦有人覺得嘔心
咩都好，陀B又肯生嘅
總會有唔知邊度嚟嘅勇氣㗎喇…
時間係公平嘅，每人一日都係只得廿四粒鐘…
然後呢隻嘢就六個月大喇！（撒花？）
作為一個本身好宅加上疫情下嘅fulltime mom
手機（再之前相機）啲相由以前有得飲飲食食嘅相
變晒做九成幾都係呢隻衰嘢嘅
平日最安慰嘅時刻變成同親愛嘅秘書圍爐
或者要越洋搵屋企人寵幸吓
（好似啲工人姐姐咁）
鍾意嘅嘢平日嘅習慣都差唔多放棄晒
連講句說話都唔可以用返自己嘅語氣同詞彙
我，再唔係我…
好耐都無開壞咁笑過
講唔上係抑鬱，但係唔見得有咩令我高興喺嚟咁 本身對生命都唔係充滿熱誠
而家… 是但啦，無咩特別事返過去抱B先～
竟然响唔使餵夜奶嘅一晚…
會覺得肚餓然後醒咗 T-T
好彩平日有所準備（用中指托眼鏡）
凌晨四五點都食得到呢碗花生合桃糊
仲要係凍嘅yeah！
求其份量嘅合桃、花生同米
係咁意洗吓佢浸都唔使浸
一次過掉晒入豆漿機
加水等攪好就ok
我就鍾意多nuts味所以都放唔少
雖然分類為糖水然而係無加糖
又香又飽肚，食飽飽再瞓過～
賴吖賴吖賴吖～
唔認係自己衰咪畀人去踢爆你有幾衰囉！
Downfall: The Case Against Boeing
又係Documentary喇
由一而再再而三嘅空難開始
先係波音「調查」後係話機司嘅問題 然後就揭吓揭吓
原來係將啲機改改吓又唔通知航空公司
更莫論係要叫機司學新嘢
再講吓講吓講到一間安全至上嘅公司
點樣因為收購上市
搞到為錢就求其整啲嘢掉上去個天度飛
望望吓都覺得利益行先罔顧人命咁
睇到嬲！（怒）
利用愛情友情（或許加少少貪婪）就去呃人一大筆錢
呢啲人放上全球螢幕去鞭屍警戒世人就啱！
The Tinder Swindler
係套拍得唔悶嘅Documentary
犯罪嗰隻，唔係鴦氏嗰種拍攝手法（嘿）
講返條詐騙路線timeline 同埋來自以色列嘅猶太裔騙子Simon Leviev
點樣利用Tinder識人
去呃呃騙騙令到啲女人嘔咗有排先還得起嘅卡數
純（？）求財去「支援」超級發揮嘅生活
慣犯嚟嘅，捉過坐過監㗎喇
返出嚟又再火鳳凰
反正拉咗都係坐一陣 or 根本入唔到罪
不過啲受害者就冇咁好彩
錢，有排還而且仲對人失去信任
（雖然都仲有唔識死嘅）
一路跟住個詐騙犯嘅虛擬人生 滿足好奇心之餘都可以反省吓網上見到啲人post嘅嘢
演員好睇；劇本節奏輕快而緊湊
都係真係好好睇呢～
Don’t Look Up
電影嘅開頭10分鐘已經講講好晒危機帶入戲
然後當然係身為科學家同助手嘅主角
（哇哇哇係Leonardo Dicaprio同Jennifer Lawrence）
諗諗用咩方法去拯救地球
不過梗係冇咁易啦
政客甚至係總統（Meryl Streep）
為求自己眼前嘅嘢擺到明唔見棺材唔流眼淚
衾得就衾總之唔好引起恐慌
喔！就係死到臨頭地球毀滅都 I don’t care嗰隻
再加啲daily八卦節目主持人
對娛樂圈是非外星人比舊彗星衝落地球人類GG更有興致
最正仲有商人就係權力核心
好好追嘅一套劇！
Dopesick
based on 美國記者兼非小說類作家
Beth Macy响2018出版嘅書
《Dopesick: Dealers, Doctors, and the Drug Company That Addicted America》
講述美國對鴉片類藥物成癮嘅地區同經過
主要針對Purdue Pharma嘅OxyContin
點樣收買FDA同DOJ作虛假陳述
用假圖表數據去呃醫生賣藥
以豪華款待令從業員明知隻藥害人都極力推銷
食吓瞓吓，咁就一個月喇…
湊住隻B，坐月一啲都唔爽嘅（超～）
不過頭嗰兩個幾禮拜無得揍
又即係代表佢响醫院staycation緊喎
（唔健康嘅話咪仲死）
真係有又煩冇又煩咁囉
蘇花未有好強烈嘅喜悅感
遲啲可能會好啲啩
堅唔係識生就ready個心理
繼續見步行步囉唔係點啫都無得揀㗎啦…
細個就真係會出夜街去慶祝halloween
近年夜晚會想瞓多啲覺
又或者已經過咗好鍾意熱鬧嘅年紀啩…（老！）
不過今年係想出都出唔到啊啊啊！
公主嘛，响「蘋果咬一口」之後
就要乖乖瞓覺休息喇
早幾日已經要影定
因為貨已卸，而家要乖乖步入坐月嘅日子喇
雖然生出嚟嗰件唔會有公主命
不過都要好好教佢唔可以有公主病
公主留返畀我cosplay玩吓就夠喇哈哈～
Happy Halloween！
無咩嘢我繼續食埋個蘋果先
當上年嘅「週年誌慶」覺得自己做嗰份工都10年
第1次唔打算辭職之際
人生就會係咁：辭職兼byebye 852舉家英移
响交好文件、畀晒生物認證、飛過去在隔離、搵屋住settle down之後嘛…
就唔可以唔承認呢個2021係癲咗少少
「玩」大咗少少咁囉（哈哈哈）
so, 今日係少咗對之前份工嘅紀念
但照樣係我呢個天地嘅8週年日子
加上HIMHIM幾廿歲生日肉騰騰唔會唔記得
繼續係可喜可賀嘅日子
呢排係寫得慢啲又又又再懶咗啲
然而都仲會keep住1999咁寫落去嘅，就咁～
同tak去hea遊西貢
响條街兜咗幾個圈終於都係揀呢間
Cold Brew
天氣熱就飲cold brew絕對正確
就算凍啡味道依然香濃
Coffee Tonic
再爽啲當然有佢
cold brew再加有氣tonic
消暑一流（不過咖啡係唔解渴嘅）
美式手撕豬肉貝果 | Pulled Pork Bagel
pork, onion, coleslaw salad,
cheddar cheese, American BBQ sauce
