《Don’t Look Up》
演員好睇；劇本節奏輕快而緊湊
都係真係好好睇呢～
Don’t Look Up
電影嘅開頭10分鐘已經講講好晒危機帶入戲
然後當然係身為科學家同助手嘅主角
（哇哇哇係Leonardo Dicaprio同Jennifer Lawrence）
諗諗用咩方法去拯救地球
不過梗係冇咁易啦
政客甚至係總統（Meryl Streep）
為求自己眼前嘅嘢擺到明唔見棺材唔流眼淚
衾得就衾總之唔好引起恐慌
喔！就係死到臨頭地球毀滅都 I don’t care嗰隻
再加啲daily八卦節目主持人
對娛樂圈是非外星人比舊彗星衝落地球人類GG更有興致
最正仲有商人就係權力核心
比政府更遠遠有power話事採取政策
然而有錢嘅商人係純為錢嗰種
套戲會笑9美帝無啦啦掉個太空人上去因為華府需要hero
會笑主角迷失自我（最後搵得返）
會笑一般民眾隨波逐流
大眾媒體講咩就信咩
但係最鍾意係個結局
唔會係咩美國式「最後武士」咁
同埋啲有錢權貴政治佬背棄地球去到新地方嘅遭遇
好耐冇睇一套嘢睇得咁爽
強烈推薦，可以一路翻住白眼咁笑都幾過癮啊！