All Posts
睇嚟今年都唔會去韓國
咁就去試吓韓國票選冧巴溫嘅pizza店啦！
Pizza 群蟹派對（番茄醬底）
呢度嘅pizza係用自家特製嘅綠茶餅底
（亦都响韓國拎咗專利）
以小藻發酵，所以個色都綠綠哋
食落帶韌性不過冇茶味
除咗番茄醬base仲有中層BBQ醬同面層嘅沙律醬
可能因為個配料係蝦肉同蟹絲
成件嘢加埋唔算好漏
蒜香甜辣秘制炸雞
雖然pizza係冧巴溫然而呢度係主打pizza & chicken
見到menu寫秘制咪try try囉
吖！個蒜只帶其香冇其蒜嗆
熱辣辣加上甜中帶超微辣味好好味（讚）
間嘢有由韓國直送嘅手工tap供應
Slow IPA
喂呀呢杯係得獎啤喎係咪都要飲嘅
入口爆濃郁嘅甜味
個甜味好快散開形成回甘嘅苦味
之前去曼谷原本都想試呢間皇室菜
奈何間嘢嘅位置唔順路咁咪算囉
反正，香港都有得食（嘻）
仲要係勁抵食嘅高水準下午茶set
先食鹹點再食甜品
由下層講上去啦
下層嘅炸物鹹點有外脆內彈牙嘅香脆蝦餅
外皮薄脆嘅泰式春卷
同埋連住脆殼蝦尾嘅泰式比利時炸蝦
佢個比利時唔係地方名嘅比利時Belgium
係直譯brasserie croquette個brasserie咁解
（menu串croquette串咗crqqette有啲搞笑）
中層係蒸&鹹冷點
左手邊黃色底係馬可Ma Hor
將熟肉碎調味煮好再放响菠蘿上面
中間用蔞葉（檳榔葉唔係蕉葉）包住造成嘅柚子蟹肉沙律卷
好清新同鮮味，蟹肉一絲絲咁好足料
右邊藍色白色唔同造型但都同味嘅係皇家宮殿蒸餃子
個形靚嘅味道都唔錯
係因為要呢個造型個皮一定會厚啲
如果攤太耐先食個鴿頭會太硬
頂層當然係甜品time
趁熱會好好食嘅暖心榴槤撻
十九幾年冇去過京都
又預咗短期內都去唔到
咪唯有食吓啲京都嘅慰藉吓心靈同內臟囉…
八寸
八樣前菜
個裝盤係一の傳個「一」字
食嘅次序都係同寫一字一樣由左至右
イクライクラ冷やし茶碗蒸し
小小一杯嘅凍嫩滑燉蛋上面有粒粒三文魚籽
滑滑嘅感覺中加埋魚子濃郁味道嘅衝擊
胡麻豆腐
沖繩用花生磨咗再凝固成花生豆腐
胡麻豆腐就係京都嘅版本
用白芝麻整好凝固，食落啖啖芝蔴味
唔係嫩滑亦唔會韌身
加埋佢個枕崎鰹魚湯汁就啱啱好
茄子のおかき揚げ
脆米包住煮到腍腍嘅矮瓜再去炸
超脆嘅外層同又腍又濕嘅主體既好食又足玩味
山桃蜜煮
糖煮babyberry，甜甜之中有微微嘅酸味
哎吔吔又好開胃㖭…
帆立日本茶揚げ
帆立貝上面有啲茶(渣?)
茶唔會澀仲好提鮮，係帆立貝個鮮！
呢個世界冇咩嘢比起食好嘢搵啱嘅人食更好嘅一餐…
响香港食日本嘢，料夠新鮮酒就好飲friend夠夾就已經perfect
（係喇食超好日本嘢再同佢去日本囉！）
白象拔刺身
細細個食象拔蚌刺身已經係粒切
而呢個係條切嘅試吓冇壞
（如果係片切已經覺得唔入流果段KO）
香味有嘅又夠爽口唔錯唔錯
海膽魷魚卷
魷魚夠鮮黏黏比澳州海膽唔好預好濃味
（雖然friend子覺得海膽比魷魚濃味的說）
都算香送酒會幾好
but… 酒呢？
終於終於到嘅酒：山丹正宗 純米吟釀
仲要“奇特”地拎白酒杯嚟裝
入口幾甜然後微微辛口
金線魚刺身
厚切魚生 x 火炙過嘅魚皮
身嘅部分軟香順滑
魚尾位油脂豐腴帶韌性
（but食到一兩小片魚鱗扣少少分）
因為食評榜排位高所以月巴HIM拉我去試吓喎…
間嘢位於M1酒店1樓
鄰國人入住嗰啲咁啦
所以地面lobby係絕對可以用恐怖嚟形容
餐廳樓底極高裝修都唔錯
至少唔似置身於油麻地旺角
而啲枱細細張間距又超窄可以好清楚聽到隔離枱傾緊啲咩
（一邊嘅隔離枱勁講旅行，好想join埋一齊講）
house water係檸檬蝶豆花茶
話加咗檸檬飲都有檸檬味
不過好神奇個色都仲係藍色而唔係紫色
hot dish係水牛芝士焗菠菜大啡菇
同字面一樣啦大菇中間夾咗菠菜蓉再面頭加mozzarella去焗
味道… 淡咗啲
可能因為菇出水太多啩
咁個菠菜蓉又冇話俾好濃味落去
Mozzarella又係淡味芝士嘛
成碟嘢係沙律菜嘅陳醋醬最濃味
（之後嘅主菜們都有佢嘅身影）
主菜之一嗌咗尋日的羔羊
（香煎澳州法式小羊架配脆薯條）
叫五成熟切落去似三成熟
啲嘢好好食啲酒又好飲喎
勁高質嘅給食酒吧呢～
咪講笑咁L熱嘅天氣唔會唔先隊返杯啤先諗嘢
Adlerkönig Draft：呢度嘅house draft
清涼夠氣入口微苦後續清甜
任何時間都啱飲嘅味道
Bucket of Wings
啤酒配油膩炸嘢實在冇得輸
一桶即叫即炸嘅香脆雞翼
外層勁酥脆裡面超juicy
個雞味聞落已經夠香
咬落去食落更濃
簡單食呢件炸物嘅完成度已經好高
加埋特製沾醬又食出另一美味嘅層次
Slim’s Crab Cake
頂上招牌嘅菜式
雞翼係就咁蘸粉直炸
呢件蟹餅就係加麵包糠炸嗰種
極！度！足！料！
未揭menu前我係想食鰻魚飯
點知見到蟹丼喎…
（個實物同menu張圖幾乎一模一樣！）
仲要有pat蟹膏呀
嗱~ 蟹膏係濃味嘅蟹肉都一舊舊咁
鮮味就一般般啦咁蟹膏個味好搶嘛係會比下去嘅冇計吖
啲料係凍嘅不過個飯溫熱有啲遺和感
OK嘅，至少比十勝豚丼個完成度好啲啩
話說同行嘅係一齊去過十勝元祖店ぱんちょう食
佢食前食緊食完都開住個電話張相响度睇 XD
差得遠就預咗嘅
咁作為一碗烤豬肉飯佢算OK咁啦
所以… 好想遲啲蟹季飛轉去食呀！
星期日同紅日先有得買嘅印尼嘢食
（同姐姐們爭飯食乎？）
一包過方便裝，帶去野餐都得
裡面分好一包包菜同汁
蝦片釘紙袋外免濕氣
有齊椰菜白菜青瓜芽菜
簡單烚新鮮菜有淡淡嘅味道
糯米飯球上有tempeh (發酵黃豆天貝)同豆卜
配埋超濃味含果仁嘅香辣醬汁辣得好過癮
印尼蝦片當然唔少得
脆卜卜蝦味又夠濃郁鮮炸版冇油臆味喎
食幾多次都唔厭呢~
加埋軟糯帶韌嘅糕點就超滿足
綠色椰波裡面仲係椰糖
咬出嚟係糖水唔係固體餡好特別啊！
响酒店（嘅food court）鋸件西冷
逐gram計錢嘅平價牛排
得返較~ 貴~ 價~ 嘅西冷咁咪嗌呢樣
（哦係呀即係嗰啲一係食一係唔食轉身走嗰種）
一啲都唔高大上
呢件300克都只係百五啫
food court嘛當然係冇加一嗰啲啦
新鮮度真係唔識分
因為店家啲牛本身係經三日乾成熟成
反正以呢個價我又冇要求太高
不過呢度嘅自家蒜油就要佢加足三倍（一樣價）
牛排汁唔係平時啲黑椒汁洋蔥汁而係柚子酸汁
會覺得冇咁漏喎
不過一大件蛋白質又點會唔漏吖？
上鐵板前會煎到三成熟
個肉食落都OK嫩
算有啲肉味嘅但我每啖都會配蒜油食
所以牛味同淋汁味有九成俾佢冚晒
蒜油好食呀因為係蒜蓉麻油撈麻油又香又濃
之後食完仲去隊咗罐有氣酒
今朝留彌於起身同繼續瞓之間
個腦一路响起"What’s in your head, in your head? 生啤, 生啤, 生啤-ie-ie”
好啦，起身出發去飲返杯啦…
gwei•lo - Pale Ale
港人港啤嘅鬼佬
個味好清，伴隨著淡淡果香同微苦味
冇討厭嘅味道又好易入口
Little Creatures - Pale Ale
嚟多杯pale ale，南半球嘅
冇咗日本師傅駐場嘅日本鰻魚飯連鎖店
其實keep唔keep得返日本嘅水準呢？
… 去日本都冇食過，點知啫？
鰻魚重 特上
自私食隊唔落原條鰻魚
唯有退而求其次食呢份四分三條嘅版本
好~ 厚~ 肉~
汁都夠甜；肥漏漏；邊位微微燶夠焦脆
飯唔會爛而且有韌性
可惜我年紀輕經驗唔夠（淚）
佢本身係可以無料加飯
但只係落單前叫先有
咁睇menu嗰陣冇啦啦係唔會知原來佢係得咁少飯
個平面仲薄過塊鰻魚呀陰功
所以食到最後嗰排魚我係要空口食
好L漏囉頂！
鰻魚飯 三食
都係一淨食二加料三加湯咁啦
個魚同飯同上面一樣
壺裡面嘅湯都幾香唔錯唔錯
意大利菜做法簡單材料新鮮純粹且味美
最緊要係食嗰陣夠隨意嘛…
堪稱完美嘅candle light dinner~
Welcome包，配最最最基本嘅橄欖油同陳醋
包包係韌身唔實的的又唔係只得陣空氣嗰種
點油醋已經夠晒好味
頭盤cold cut
芝士係鹹淡韌硬都有嘅parmesan同teleggio兩種
意大利豬有兩種parma ham同salami
咁叫得做pasta bar當然pasta係主打啦
主菜先嚟碟ravioli
個雲吞皮係店裡面鮮製嘅
同平時屋企啲袋裝乾意粉唔同
乾意粉係粉同水；鮮製嘅係粉同蛋
所以香同軟身，比乾粉更要拿捏好個起鑊時間
個餡係三文魚同mascarpone
香濃味道一咬爆發囉咪就係！
因此個汁好簡單lemon butter
配返番茄仔同比較少見嘅連條條大酸豆 (capers)
