[鰻] 名代宇奈とと
冇咗日本師傅駐場嘅日本鰻魚飯連鎖店
其實keep唔keep得返日本嘅水準呢？
… 去日本都冇食過，點知啫？
鰻魚重 特上
自私食隊唔落原條鰻魚
唯有退而求其次食呢份四分三條嘅版本
好~ 厚~ 肉~
汁都夠甜；肥漏漏；邊位微微燶夠焦脆
飯唔會爛而且有韌性
可惜我年紀輕經驗唔夠（淚）
佢本身係可以無料加飯
但只係落單前叫先有
咁睇menu嗰陣冇啦啦係唔會知原來佢係得咁少飯
個平面仲薄過塊鰻魚呀陰功
所以食到最後嗰排魚我係要空口食
好L漏囉頂！
鰻魚飯 三食
都係一淨食二加料三加湯咁啦
個魚同飯同上面一樣
壺裡面嘅湯都幾香唔錯唔錯
呢兜係冇得加飯嘅
魚就少啲而飯都夠食
鰻魚燒玉子
上枱個樣好唔掂
話佢係素雞素鵝都有人信
右二嗰件係一嚟已經反起俾我睇佢係有鰻魚在中
就咁睇得嗰丁屎減少好偷工減料咁樣…
嗱！夾過另一件咪靚仔好多
有足料嘅魚吖都算
不過蛋捲真係mamaday
一塊塊咁唔係fluffy食落冇咩幸福感
味道OK，至少有蛋香有鰻魚味同食得出蛋裡面有高湯
鰻魚肝串
重口味嘅嘢走唔甩嘅
料新鮮煮法簡單因此美味，完！
好很飽（嗝）