All Posts
晏晝上機嘅好處係唔駛咁早起身
不過搭完機去到酒店就已經係晚飯時間
計埋時差好快過咗一日喇…
原本諗住去手打ちうどん 鶴丸食咖喱烏冬
點知做research唔夠全面撞正公休日
是但啦求其响瓦町見到咩吸引就食咩啦
海賊浜焼き 豊丸水産 高松ライオン通店
呢種屋台風感覺夠晒放鬆隨意
鶯宿梅スペシャル お湯割 | ハイボール
坐低梗係先嗌嘢飲
有熱梅酒同highball
飲啖嘢先慢慢睇menu
浜焼き 縞ほっけ 半身
嚟得食濱燒嘅地方當然會嗌啦
條𩸽魚都幾大碌要慢慢燒
等食期間先搵嘢送酒
あん肝，新鮮唔會腥嘅軟滑鮟鱇魚肝
食嘢一定要揀睇顏色
講黃色嘛，蛋(黃)咪黃色囉！
Double芝士豬柳滑蛋盒子吐司
未食之前諗點解要用盒裝住
拎出嚟就發現唔係咁裝嘅話啲料會爆開件厚多士
啲蛋唔係剩係得面頭呢浸
係一路落到底都有
至於豬柳，傻仔嘅我以為係日式炸豬柳
望到先至係金拱門豬柳蛋漢堡件豬柳
然後哦咗聲「原來係漢堡扒」
問衰tak點解唔叫佢做漢堡
佢就話叫漢堡啲人會認為係牛肉漢堡
又係喎，長知識了thanks～
between，啲流蛋又香又滑個包又夠脆
即叫即整等廿分鐘係完全值得
滑蛋餐肉厚切三文治
無得輸嘅餐蛋治，滑蛋鬆軟麵包都係軟軟
少有地唔抗拒唔係喪烘底嘅白麵包
牛油果吞拿魚牛角酥
牛油果夠熟吞拿魚沙律個味校得唔錯
牛角包外酥脆內香軟好好食
不過成日都無牛角包賣，可遇不可求呢
然後，呢個包冇蛋… 呢度有蛋嘅嘢會更好食
蒲燒鰻魚飯 | E-FOR-EGG芝士黃金蛋包飯
通常好少晏晝過後飲咖啡
除非… 好好飲～
就算只係杯跟餐加十蚊嘅Milk Coffee
個啡底夠香，微苦唔酸
奶味都幾濃奶泡又綿綿滑
US Angus Oyster Blade with Truffle Mayo
咖啡唔錯，啲嘢食都好出色
牛腱肉又香又腍，蛋黃醬配肉配薯角都OK
沙律菜夠新鮮要挑剔嘅就只係啲薯角唔夠熱唔夠脆
Avocado & Beetroot Hummus Tartine
揀手牛油果非常香軟
紅菜頭 x 鷹嘴豆醬磨到滑滑顏色又靚
好掛住响沙巴過新年嘅日子啊啊啊啊啊！
香港都有好嘢啦～ 呢間好嘢嚟架（真心大大力推薦！）
一坐低叫完嘢唔係求其俾無味茶而係滿滿香氣嘅肉骨茶
藥材味足唔會過鹹又有肉味，good
其實唔辣只係諧音叫辣死你嗎嘅Nasi Lemak椰漿飯
全盒咁多嘢但係樣樣都唔錯
蝦片夠香脆辣醬 (this is 辣) 食得出個心機連塊青瓜都新鮮爽脆
馬來西亞拉茶 就係呢隻熟悉嘅味道喇
平日係唔鍾意飲甜嘢但係拉茶唔甜唔好飲嘅
何況呢杯又唔係非常甜的說
講甜點都唔夠呢杯檳城白咖啡
但都係呢句啦：唔甜唔好飲
又係諧音叫法：愛他愛她 Otak Otak 燒蕉葉魚蓉
魚漿 x 香料 x 蕉葉香氣
凌晨响機場冇嘢做梗係去食宵夜啦～
Short Rib Burger
即係呢，食得呢間冇理由唔試下個British short rib beef嘅
呢個包同Heathrow Airport應該係一樣
至少材料都係英國貨
個包係油面內軟糯嗰種，包味濃郁就咁食都唔輸蝕
啲生菜番茄都好新鮮
舊肉有香又juicy，唔會過韌亦唔鬆散好好味
而醬汁係香濃卻唔會過鹹搶味嘅芝士
同越食越開胃嘅Chimchum mayo
配埋杯冇樽裝同罐裝咁鏽水味嘅啤酒就啱啱好
食飽就去瞓覺～（呵呵）
港式日食唔係求其貨，其實都幾難得…
仲要「太陽花」中有『香港加油』
呢啲咁囂張嘅店點可以狠狠地懲罰佢（！）
米粉班戟 | 和王牛漢堡咖喱
味香肉滑嘅熊本產100%和王牛肉 x 日式超微辣甜咖喱
配甜滋滋菠蘿乾同菠蘿醬
米粉pancake唔會極重蛋味唔會漏
微微鬆軟度唔講唔覺就好快清碟
粒粒車厘茄都好新鮮，伴碟嘅蕃薯片超脆
所有嘢加埋令成碟嘢完成度極高，好好味嘅心機菜～
海膽和風卡邦尼烏冬
海膽新鮮味濃；烏冬韌度足火候啱啱好
厚切日本煙肉鹹香夠提味
個醬係和風版就冇本身西式咁膩
剷一碟又係無難度（哈）
甘酒美人軟雪糕
濃郁嘅甘酒味 & 滑滑軟身雪糕
滑溜程度簡直認唔出佢係冇蛋冇奶純素呢（心）
米粉班戟 | 蕃薯甘栗
好想去台灣呀呀呀～～～
川味紅燒三寶牛肉麵
即係有牛鍵、牛筋同牛肋條
個湯色幾靚牛味都出
不過本身鍾意藥材同辣啲嘅味
就稍稍覺得唔夠濃
麵條爽滑唔過腍加返啲分咁啦
川味紅燒牛肉麵
哎吔吔個辣油再少啲㖭…
塊～牛～好～～～厚～～
肉唔會韌又夠牛味，讚！
台式泡菜
新鮮爽脆好好味！！！
點睇都係台灣直送飲料啦哈哈
貼心位：紮起個頭慢慢食
都仲係好想去台灣呀呀呀～
札幌燒肉店金獅子出品嘅北海道牛牛
係喇係喇…（攤手）我認係為咗蛋黃哥ぐでたま而9衝嚟嘅！
金獅子烤牛肉配日式滑蛋丼
當然，啲嘢要睇得都要食得嘅
嚟自札幌金獅子のヤキニク嘅牛肉片
配有用北海道3.6牛乳炒嘅滑蛋
有個奶白色酸酸地嘅汁再淋埋日式辣油
Mmm… 牛肉都算～ 新鮮嘅…
因為係半熟，如果啲牛質素唔好就不得了
可惜唔太肥嘅佢牛味又都唔濃郁
然而份量多夠豪氣加返一分啦
滑蛋稱得上滑溜溜不過無咩蛋味咁
（細細聲：有心機嘅茶記整得好食過佢好多）
個白色汁微酸食落無咁漏
辣油微辣而幾香，成碟嘢最出色第二位
飯唔濕嘅普普通通咁啦
所以，成兜飯最出色嘅係插响飯上面嗰張蛋黃哥咭紙！！！
梳乎蛋玉子卷
哈哈個店名崩壞咗
隻蛋黃哥仲係依舊樣衰
舊嘢OK嘅，無咩蛋味咁啦都係
唔會過鹹過甜咁… 是但啦
今日係土用の丑の日
典故唔重要，記得要係食鰻魚就OK
呢間舖係由愛知縣豐田市五十嵐修先生主理
雖然主打拉麵不過我覺得鰻魚飯更吸引
CP值高到癲！
幾廿蚊一碗連麵豉湯
兩碗已經係一！整！條！肥厚厚鰻魚！
汁又夠香甜魚又油脂豐腴
飯稍硬唔會濕笠笠
汁望落唔多但已經夠晒唔需要太多
平實樸素，味道好已經夠好～
牛，牛內臟，仲要係串燒
酒，有啤酒，仲一牆焼酎
Suntory - The Premium Malts
咁Q熱嘅天氣坐低都係嚟杯draft先再睇menu
酸汁牛舌筋
先响menu嘅酒肴部門搵食送酒
用酸酸醋嘅汁煮牛脷條筋
平日牛脷係肥漏漏
不過一嚟佢係筋，仲用醋煮所以好清爽
牛筋腍但係甘筍係硬嘅
唔似一齊炆咁…
笹焼酎 パンダのまんま
係我懶唔睇日文睇中文，個menu寫「山竹」
我真係以為係山竹mangosteen
然而友人話個樣係熊貓幾得意
個腦又load唔到熊貓同竹嘅密切關係
傻傻的真係覺得「山竹釀」咁過癮
哈哈，係山嘅竹bamboo not山竹啦（日文寫明係笹）
清香嘅味道，雖然25度酒精但唔會一入口就衝酒精味
就算同一樣嘅材料
用心做，就能成為美食
All Day Breakfast
有炒蛋、白菌、茄汁焗豆、蕃茄甘筍、沙律、薯餅、牛角飽
除咗陳醋醬沙律之外
全部嘢食都係熱辣辣嘅
炒蛋fluffy；薯餅香脆；牛角包酥落滿滿牛油香
係㗎！明明好多餐廳都係呢啲一模一樣嘅材料
就係個廚有心做同求其整嘅分別
Rooibos crème caramel
唔飲啡飲茶，呢隻香香甜甜唔錯啊！
話名慢遞館出菜當然唔會係澳牛速度
但係啲嘢食樣樣都畀心機煮
絕對值得等～
食完就去附近商場嘆冷氣（啦啦啦）
夏雪，呢間好好食嘅waffle有兩間舖
今日梗係去大圍分店啦～（哈）
皇家伯爵茶窩夫
勁！Earl！Grey！嘅味道！
waffle外脆內極韌，茶味每啖都有冇走失
用少少糖漿調吓個味就已經perfect
雪糕都係濃郁Earl Grey味
奶味茶味甜味完美地响口裡面三分天下
配埋waffle就齊晒唔同感覺嘅茶味
焦糖菠蘿更加係畫龍點晴
面層塊脆糖好食就不在話下
燒焦過嘅菠蘿再爆甜味
除咗好食！都仲係好食！
紫薯窩夫
只係蕃薯愛好者又未至於紫薯甜品控
但見到係招牌貨都會嗌吓嘅
甜薯味香，將薯蓉塞响waffle裡面
就變成外脆內韌中間軟滑
相比已經預咗好食嘅waffle個豆腐雪糕先夠驚艷
豆腐花雪糕咁，又香又甜又滑
哈蜜瓜都好甜絕對唔會輸比球雪糕
牛油果及煙三文魚窩夫沙律
waffle當然有鹹有甜
個waffle即整梗係新鮮
