All Posts
食完少少嘢又係到食晏嘅時候喇（？）
然後就行咗去和商市場隔離嘅釧路丹頂市場
魚醤味ラーメン @らーめん工房 魚一
唔… 講開北海道拉麵
通常而又最出名都係札幌旭川同函館
畢竟三大拉麵係有佢獨特之處
但係講真香港都容易食到
嚟得呢度就試更有特色嘅味
釧路拉麵相比以上三個都叫做排第四
可惜就無咁出名喇
佢嘅特色係細曲捲麵
湯底更特別，係魚！醬！
即係唔鮮就要byebye先嗰種啦啦啦
エビ醤味ラーメン
鮮魚餚湯底清香；用蝦餚製嘅鮮香味濃
兩款都好食（魚蝦蟹都愛！）
吖～ 食到肚撐撐（超！飽！）
又係時候返酒店拖行李走喇
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
買完駅弁同羊羹又行返去和商市場
見到有鹿肉食就忍唔住喇
鹿肉バーガー @喫茶ポラリス
同麥記靚啲嘅包咁上下嘅價錢
買到兩塊厚厚鹿肉漢堡肉嘅包包
（蝦夷鹿鹿鹿鹿鹿，唔係馬！）
juicy之餘個味一啲都唔羶
究竟要啲材料幾新鮮先做得到咁呢？
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
嚟和商市場唔係為咗行街市啦
今朝嘅早餐係食又係釧路發祥嘅勝手丼
所謂嘅勝手丼即係求其啦鍾意咩就咩啦丼
（呢碗有甜蝦吞拿魚帶子蟹肉同海膽）
先買個熱辣辣嘅白飯
然後見到咩海鮮們想食嘅就叫店員擺入去 覺得夠喇（新鮮嘅海鮮係永遠都唔會夠）就計數
我呢碗有蝦有蟹有魚有海膽
係好好食同抵食嗰種
好滿足囉咪就係～（大大心）
要多碗滿滿蟹肉麵豉湯，完美！
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
牛角包牛角包牛角包～
八月堂
買五送一加上唔使排隊（一個人都無）就買啦！
黑糖麻糬 | 蜂巢可頌 | 金沙芋泥
矅黑芝麻 | 焦糖布丁 | 黃金流沙
根據指示焗返熱會好食啲喎
啲包夠香夠甜夠脆又多層係幾好食嘅
內餡嘅麻糬超Q芋泥勁香滑黑朱古力芝麻醬極濃
焦糖布甸嫩嫩滑又滿滿蛋香
個黃金流沙比月餅嘅奶黃啲唔係蛋黃咁啦
不過一次過咁食法係會sweetness overload嘅哈哈哈（飽～）
食完兩餐晚餐做咩好？
去鳥松食消夜囉！
反正入夜嘅釧路係咩都冇得做冇街行只有食（哈哈哈）
「とりあえず、生で」（總之先嚟杯生啤）
係北海道嘅炸雞配啤酒
又係去元祖店呀
北海道嘅骨付きザンギ（帶骨炸雞）
同日本其他地方嘅雞肉波波球唔一樣
佢係將雞直接斬件加粉漿去炸
即係新鮮好多炸漿薄皮好多又好味唔知幾多倍版本嘅雞記
不過咁喎，北海道人話嘅炸雞係呢種
而唔係啖啖肉嗰種喎
好一個飲食嘅文化差異
真係飲飽食醉喇，瞓覺去…
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
食完第一餐晚餐就去食第二餐晚餐 XDDD
呢間嘢就叫咁炉ばた
（六十幾年歷史）
佢係真正嘅炉ばた始祖！！！
所有嘅爐端燒食嘢就係呢個婆婆燒嘅（！）
梅サワー
出面行到一啲熱
又唔想好飽咁隊啤
就嗌咗呢杯梅酒sour爽爽口
小菜一碟
ししとう
清甜嘅小青椒（心）
ほっき（バター）
牛油燒北寄貝，太新鮮美味喇～
しいたけ
超～ 多～ 汁～ 香到爆嘅燒冬菇
加少少醬油就已經係人間美味！
はも
皮焦脆肉香醬汁甜嘅燒海鰻（流口水）
にら
juicy嘅燒韭菜，正！
睇唔到最靚嘅日落講咩安慰自己都冇用
都係去食嘢最實際同最易cheer up！！！
其實紫色嘅天都好靚
炉ばた煉瓦
話說釧路係炉ばた（爐端燒）嘅發祥地
咁冇可能唔食㗎嘛
好似昭和水產屋啲木裝修咁，幾趣緻㗎
但點都唔夠啲活海鮮咁吸引啦哈哈
呢間係要自己燒嘅
坐低就已經開始透好個炭爐
等食期間先飲番杯嘢
梗係唔少得彌補遺憾嘅夕日ハイボール
睇唔到咪飲落肚囉哈哈哈
唔用眼感受就用口感受一樣㗎啫
お刺身3品盛
懶得諗梗係嗌咩都有嘅set
話時話，北海道嘅三文魚係唔同味㗎喎
平日唔食生三文魚但係呢件係勁可以
個set叫炉ばた焼きのすすめ
唔好食咪拆招牌囉
然而覺得仲差咁啲再單點一兩樣
貝付ほたて
隻燒帶子燒完都冇點縮水
勁新鮮甜到爆好好味呢～
坐吓食吓雪糕之後又到食晏時間
嚟得帯広當然唔好可以錯過十勝豚丼！
要去就去元祖店ぱんちょう
（since1933、昭和8年）
豚丼
用炭火燒嘅道内産の豚のロース肉
炭烤味香醬汁甜肉有咬口仲爆香肉汁
哇哇哇！豬味湧住埋嚟咁真係好好食啊～～～
麵豉湯就有得揀わかめ椀同なめこ椀
咁梗係兩樣都試晒啦！
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
朝鮮廢青金仔一朝早又撳飛彈
隻彈一飛冲天去咗太平洋橫越北海道again
所以晨早就俾個警號嘈醒咗（捽眼）
咁落街食早餐啦…
あんパン @ますやパン 満寿屋本店
1950年响帯広創業
整個麵包裡裡外外都係用北海道原料製作
而就咁噏帯広可能唔易明白
其實呢度即係十勝地區
十勝產牛乳呀紅豆呀麥呀豚肉呀
係咪耳熟能詳得多呢？
食就梗係食呢間舖最古早味嘅紅豆包
麥味同紅豆味好出
個包唔會油淋淋
豆餡幼滑仲唔係好甜㗎咋，好好味～
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
嚟到北の屋台
揀咗呢間叫こころ嘅
咩idea都冇，先嚟1合半福司
話晒响北海道冇理由唔飲北海道清酒嘅
（隔離小兜仔係春雨小菜）
ゆずレモン
唔鍾意咁「酒」嘅
仲有推薦嘅柚子檸檬酒
酸酸地甜甜咁好好味
one man cook～
店主煮食中（太太就負責樓面好溫馨）
カキ酒蒸し
新鮮大肥蠔用酒蒸過全無腥味，爆香！
十勝産 ニンニク揚
抬頭見手寫menu有佢就嗌
一啲都唔臭好味喎～
ホタテ焼き
燒帶子，海鮮呢家嘢真係點食都唔會厭
しいたけ
香噴噴嘅炒菇
母ちゃんコロッケ
十勝薯仔同豆渣（おから）嘅組合
嚟帯広除咗食豚丼同甜品
インデアン
仲有呢隻印度咖喱呀！
インデアン インデアンルー
先嚟招牌十勝定番嘅牛肉咖喱
印度式嘅幾十種香料去煮，味道辣得嚟又濃郁～
エビ ベーシックルー
超推薦呢隻爆多蝦嘅款式
夠香甜勁辣好好食
啲蝦仁爆～ 多～ 而且彈彈牙咁
仲要極級抵，超讚！（大拇指）
記得加埋啲漬物
（辣油就唔使喇已經好很辣）
個樣即刻似番日本嘢
不過個辣度就一啲都唔日本！！！
「媽，好辣呀~~~」
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
列車食tea時間…
先食個凍嘅北の海 幸づくし
海膽加蟹加三文同口爆子
超超超香同鮮甜，好北海道呀！
食完凍嘅整多個熱嘅
（買嗰陣店員有幫忙加熱） 今日間舖last one嘅白老牛ロール
呢次個旅程去唔切道南
加上預計食牛嘅機會有啲微
因此要食就食北海道最靚嘅牛
係呀就係佢來自白老町嘅白老牛喇
有就咁一盒便當嘅
不過卷感覺上特別啲嘛
用一句嚟形容吓先：
加咗幾好味牛肉片嘅粢飯，完。
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
