All Posts
終於可以四條友出街食飯（yeah!）
不過舖仔細細
只能夠一齊逼晌張檯仔度（哈） 蒲燒鰻魚（全）＋定食
定食係有埋珍珠米(飯)、味噌湯同前菜好豐富
當然個主角係呢條燒！鰻！魚！
魚肉味香唔會好鹹嘅醬汁
條魚唔係超厚身但係好大條咩都搭夠（大大心）
黯然銷魚飯
即係「黯然銷魂飯」舊叉燒轉為鰻魚版
脆邊太陽蛋 x 蒲燒鰻魚
好好食啊佢～
牛肉壽喜燒＋定食
大大片又香又甜嘅肥牛片sss
加埋生蛋黃同菰菰們
真係好すき焼き呢
鐵板牛舌
見有牛脷就梗係會叫嘅
燒好切粒粒豪氣盡失
但係咬落都夠韌，OK啦~
蜂蜜梳打
啊！用SINGHA唔錯喎…
執好晒行李去到機場
臨上機前都係要食返餐
天ぷらそばと広島菜ご飯セット
唔係好餓嘛咪食得清淡啲 @そば処 菜の里
然而又飯又麵咁都咪話唔飽！
就咁又完一個旅程，死返去返工喇又…
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
行車站商場成日兜過呢間BAGEL&BAGEL
不過次次要食嘢都冇食到佢
今朝奔廚終於終於輪到喇
豆乳枝豆 クリームチーズサンド プレーン
啱啱開舖啲bagel香軟熱辣
加埋啲cream餡好好味
brunch set會有埋湯加嘢飲
嗌咗蔬菜湯同蜂蜜牛奶
好飽飽呢～
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
朝早行去かき船前途經呢間焼肉 牛腸鉄平食堂
就講畀同行人聽「啊～ 啲燒肉放題都幾抵喎仲係稀少部位㖭」
然後條友就建議嚟呢度食晚餐
神泡のザ・プレミアム・モルツ
「とりあえず、生で」（總之先嚟杯生啤）
炭爐is ready～
特選ハラミ | 中落ちカルビ | ハラミ | 鶏せせり | イカゲソ
先全部揀啲咩稀有部位數量限定嘅先
燒完一碟先再嗌，唔嘥嘢！
厚切りねぎタン塩 | しま腸 | ヒレ
擒日牡蠣屋公休食唔到蠔餐
但都唔會令旅程有遺憾
因為今日係嚟かき船 かなわ食返夠（哈）
仲要响「沙田畫舫」咁嘅船食哂靚景呢！
揀咗1楷瀬戸
望出去係河景，對岸係平和記念公園
本身間嘢响慶応3年（1867年）已經係養殖蠔
再响昭和38年（1963年）開呢間船型蠔料理店
坐低又係飲杯嘢先嘅…
かきのランチコース & かきフライ御膳
係好豪氣咁食蠔
所以食lunch set係會抵啲嘅（笑）
小鉢や茶碗蒸し
係一碟仔小菜加超滑滑滑滑蛋
生かき
生蠔course以外另嗌嘅
店員會拎個手寫白板出嚟話是日生蠔品種咁
最細細兩隻係岩カキヴァージン
係一個月"處女品種"蠔仔
微微甜嘅清爽味道
比佢大少少嘅係三個月貨仔嘅先端
飲完啤飽飽哋返宿hea
到宵夜時段先落街食拉麵 @元祖 広島牛骨醤油ラーメン 大嵐
レモンハイボール
坐低先飲返杯先
用檸檬直接雪做冰嘅lemon highball
超清香嘅檸檬味，正！
広島牛骨醤油ラーメン 牛骨醤油＋黒マー油
呢個湯底係牛骨加A5和牛脂肪整成
好Q香呀頂！
但係碗麵唔係我嘅，黐咗幾淡嚟食啫…
因為我食沾麵哈哈～
肉盛りラー油つけ麺
嚟廣島就梗係會想試吓辣油沾麵嘅
麵爽身肉香辣油麵汁更提香
雖然唔及得上面嘅廣島牛加牛脂咁濃郁厚重
但係兜麵嘅香氣都好凌厲
太夜食 x 飽得滯 x 今日食過 = 今晚冇雪糕食就去瞓！
冇特定諗到食乜
兜到嚟見到間叫米米食堂嘅舖靚靚哋咁咪入去囉
懶得諗食咩就叫個人氣冧巴溫嘅鶏唐揚げ定食
炸雞球外面脆身唔油膩
裡面啲雞肉仲流汁漏油咁好juicy
（難怪係呢間舖嘅名物）
啲飯閃令令咁鬆軟又飽滿
仲可以無限添食喔！
カキフライ
响廣島食炸蠔就最正常不過
只不過係食唔落飯就咁嗌單品就OK
牛タン定食
well, 又係牛脷控出沒注意
個味都香嘅不過薄咗啲囉（遠望）…
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
好懶嘅晏晝 x 唔打邊爐又想幫襯…
友酒棧台式火鍋專門店
當台式火鍋嘅晏晝換上港式佬飯嘅餐單
痴孖根已經係個超抵嘅價錢
仲要塞到發泡膠盒都滿晒咁係咩玩法？
鹽焗雞飯
台式火鍋嘅燒味部？
唔會好鹹肉嚡咁都唔錯嘅
咖喱牛腩飯
哈哈哈，好火鍋湯底加啲料咁
樣唔夠靚啫但係微辣兼好味
魚香茄子飯
勁勁勁多料茄子同肉碎食到落底都有
係漏咗「魚香」，即係嗰陣鹹魚味
係鍾意挑骨頭啊吹咩？
芙蓉蛋飯
Mmm… 呢世人食過嘅芙蓉蛋飯都唔超過五碟
（只係最深刻中學嗰陣有人大聲落單話要食「芙蓉反彈」）
然而呢兜係味道唔錯嘅煎蛋飯，not芙蓉蛋
好彩冇pat pat痕落樓
出面行雷落大雨ing呢…
搭電車由頭站到尾站
（用visitor pass：広島駅駅 → 広電宮島口駅）
到咗宮島嘛二話不說就去隊碗星鰻飯
時間fit到漏！啱啱開門冇幾耐
位都唔駛等就即刻入座
只係等佢燒好鰻魚（嘻嘻）
あなごの白焼き
炭火直燒嘅鰻魚
齋配わさび就已經減膩勁提鮮，正！
あなごめし特上
由醬汁顏色唔深就知道
主要係食鰻魚而唔會比其他味蓋過
魚質肥美香軟少少醬汁已經夠味，好好食！ 難怪從明治34年（1901年）創業至今已過百年
都一直係長期排隊店！
広島菜などのお漬物
爽口嘅拌飯漬物，唔會太鹹
お味噌汁
色深唔太濃嘅赤麵豉湯
食堂嘅左面嘅待合所「上野商店」
裡面有手信（飯呀壽司嗰啲都有）買
不過唔太想一早就買嘢拎成日，算～
响aeon mall冇乜點買嘢都叫買咗啲啲嘢
返宿擺得嘢就去車站搵食
波平キッチン
唔係非常肚餓就去咗居酒屋
（有超鍾意嘅ヱビス）
雨後の月 にごり梅酒
広島相原酒造嘅濁梅酒
酸味帶甜又夠香，好好味呢～
刺身3種盛
新鮮！新鮮！好很新鮮！
穴子生ちり
広島嘛，冇理由唔食穴子
仲要係最最最新鮮先做到嘅刺身喎（吞口水）
坐bar枱嘅好處係睇到師傅整緊乜
又可以望到隔離枱嗌咗啲乜
咁樣同師傅講一模一樣都容易啲
就好似呢個menu冇嘅鹽燒魚頭咁
要食到佢嘅方便～
サザエ利・つぼ焼き・バター
爽口牛油燒螺，完美（拇指）
穴子骨せんべい
超超超推介嘅美味！
炸河鰻骨！！！
牛脷控又去唔到仙臺住嘛
去food court食囉唯有…
（雖則擒日都有食過吓）
仙臺たんや利久
想食厚身啲就揀咗利久セット トマト
個味道係幾好嘅
不過話晒都係food court想有驚艷嘅感覺就欠奉啦
牛タン丼たれ
唔食咁多都有得揀淺嚐嘅牛脷丼
相對抱期望有啲過高嘅set
呢碗都算唔錯嘅（笑）
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
旅行嘅美好清晨
都仲係由一個靚早餐加個靚河景開始
43 (キャラントトロワ)
就算唔係住呢間酒店都會特登嚟食
飲品自己揀，無限添飲（心）
モーニングセット
morning set有自選餡料法包
乳酪、生果同任斟嘢飲light得嚟都幾豐富
鴨ハム ラズベリー | Duck Ham & Rasberry
濃味嘅鴨火腿配酸酸地rasberry
加埋脆卜卜熱辣辣法包好好味
自家製ジュレバター | Gelee Butter
香之餘帶著甜甜嘅味道
呢個超超超好味，讚絕啊！
