All Posts
香港牛奶品牌嘅雪糕
雪糕質地真係mamaday
不過既然有特別啲嘅口味嘛
又不妨滿足吓對食物有些微冒險精神嘅自己
接骨木果（Elderberry）味
同平時啲莓味雪糕咁有微酸嘅味道
再多一種淡淡花香嘅感覺
連埋唔太濃郁嘅牛奶味
就唔會覺得成個雪糕過於清爽
而雪糕base就唔好奢求好軟滑濃厚喇
但係過吓口癮咁都OK嘅…
好濃好濃嘅抹茶啊啊啊啊啊！
兩倍濃嘅抹茶雪糕
香甜微甘苦嘅味
軟滑唔多氣感覺好足料
雪糕上仲灑上超幼身嘅抹茶粉
但係又唔會入口覺得有粉粒
成個抹茶味比濃郁更濃郁
真係好L好食呀~~~（淚）
難得遇到會嚟呢頭
唔會唔試吓想試好耐嘅布丁燒嘅~
原本只係想買個原味
不過見到menu有Baileys就轉呔
响order前一刻
個小山園抹茶味啱啱出爐
好啦！呢個即叫即(立)食啦~
即食就唔建議倒扣出嚟直接潷嚟食
咁就可以眼望住徹底摧毀logo隻鹿嘅一刻嘿嘿
入口唔會太甜，抹茶味好出
熱辣辣嘅souffle pancake輕身
掂到布甸位會有啲濕
但係都唔會濕到漿口咁，可接受程度
布甸係超熱而滑得骨碌骨碌跣入口
都有好香嘅綠茶味
然而綠茶味都幾強勁
所以除咗甜味(糖) 同綠茶味之外
咩蛋呀奶呀嗰啲味都係食唔出
整體嚟講幾好食，都值得試
咁當然想試Baileys嘅我係唔會唔買轉身走
買外賣都不失為一個好辦法（聰明的孩子）
雪凍嘅就實身啲不過都仲係滑嘅
糖呢家嘢凍食冇熱食覺得咁甜
响農曆新年感覺中秋節嘅氣息…
鹹鹹地嘅流沙鹹蛋黃醬
真係沙沙地而且味道香濃唔假
因為味道實在太濃郁
本身個雪糕就已經食唔出味
唔知佢係牛奶定vanilla喇
不過都冇阻佢嘅滑
哈… 食落甜甜地又帶少少鹹
凍冰冰咁仲幾香鹹蛋黃味
同食凍嘅流沙奶黃月餅差唔多
個分別應該係平時啲奶黃月凍咗個餡唔會流
既特別又熟悉嘅味道咁，試吓無妨
但係同月餅一樣唔好食咁多（笑）
睇佢個樣其實我冇諗過佢係朱古力囉…
見到「禁断」呢兩個字就買咗
相對女色會更親近藍色
買波子汽水 (梳打)味好正常吖
（另外一款係綠色提子味）
外層係酸味嘅汽水粉
中間係含爆炸糖嘅汽水味朱古力
可可脂嗰啲白朱古力混合物
唔係咩幾十%純黑朱古力
爆爆吓咁都幾爽㗎
最裡面嘅係汽水味糖
非入口即溶嘅散散粉糖
亦都唔係平時汽水糖嗰種硬糖
易咬開又唔算快溶嗰隻啦自己領會吓
好少食呢種嘢不過食落就覺得都幾邪惡
佢唔係好甜但係有好強嘅吸引力
嗰種食完會忍唔住又開袋拎一粒擺入口呢家嘢
真係好考驗個人嘅定力同忍耐力呢~（握拳）
因為之前食咗個冇綠茶味嘅綠茶雪糕
真係要食返杯有料到嘅中和返吓…
好深綠嘅顏色啊！
佢好滑好滑聞落冇乜但入口超~ 濃~ 郁~ 抹茶味
唔會甜仲帶微微甘苦
食每一啖都一直感嘆住：好濃抹茶味呀~
適合所有雪糕黨especially抹茶控呢！！！
喂呀！涼得嗰幾日又熱返喇（汗）
繼續食雪糕消吓暑囉…
間嘢個signature嘅popcorn配雪糕
啲綠茶焦糖popcorn外脆夠晒焦糖味
雪糕滑滑牛奶味非常濃郁
但佢個問題係…
e？又話濟州綠茶嘅？
有綠色㗎佢哋不過好似食唔出咁嘅？
哎吔吔~
早餐時間食花生醬好正常吖~
個朱古力脆皮係有啲甜咗啲嘅
裡面個雪糕硬硬地正常Häagen-Dazs雲尼拿味嗰啲
然而入面混埋嘅花生醬先係重點！
咬第一啖，就算個朱古力皮已經好出味
都及唔上個花生醬味飄香
終於食到雪糕位嘅時候
哇哇哇！估佢唔到真係好Q花生味
個醬係唔係齋甜而係間唔時有鹽味
雖然係有少少雪硬咗啲嘅花生醬嗰種感覺
（喂大佬佢係藏喺雪糕入面嘅花生醬囉）
但係入口會溶返啲就會食到花生醬本身嘅幼滑感
加上佢仲有粒粒硬脆又唔細粒嘅花生粒
成個組合就係好食囉！
朝食嘛，係要攝取吓糖分嘅…
我深信食雪糕同飲寒涼嘅綠茶都可以降溫
拎得monde selection金獎
唔使諗㗎拎起走去畀錢啦點會唔好食吖
monaka個皮唔係脆身嗰隻
中規中矩嘅韌度啦
個味係好在個九州產嘅八女抹茶雪糕餡
爆香濃帶微苦嘅抹茶味
雪糕嘅質地厚實
茶味中有平衡甜味嘅牛奶味
吖～ 係幾正喎，仲微微凍返啲
不過一出返無冷氣嘅地方又熱返喇（淚）
行咗咁耐Palácio Nacional de Sintra之後
跳上車前就行一行皇宮對面個鎮仔
gogogo～
兜一兜去郵局睇吓有咩啱
不過冇咩特別嘢咁
咁就唯～ 有～ 早啲搵地方坐低嘆下先啦
本身諗住去响1862年開業嘅Piriquita
不過總店未開所以去咗Piriquita II
Travesseiro da Casa Piriquita
嚟得呢度當然係要食Sintra名點之一嘅Travesseiro
酥皮加雞蛋 x 杏仁奶油餡嘅組合
無花巧純粹嘅香甜美味
除咗酥皮嘢都有其他嘢食嘅
軟綿綿pancake皮，裡面都係甜嘅
逛逛吓，又搵個地方坐低食吓雪糕飲吓咖啡先…
杯gelato只係揀個size
想要幾多款味都OK
所以一口氣揀五種味
完美地治療選擇困難症
（12點順時針）
朱古力：濃帶微苦，同杯濃味咖啡超配
passionfruit：又香又甜又好味
西西里橙：清甜再有少少微酸，好清新
開心果：食咗會好開心㗎～
榛子：好香滑，即係冇咁甜同更濃榛子味嘅繽紛樂餡
舒舒服服坐多陣先再起行！
-----------------------------------------------
延伸閱讀： Day1：Hello Lisbon
Day2：Lisboa → Porto
Day3：Porto ↔ Vila Nova de Gaia
放低完行裝又係周圍兜吓
之後當然係食嘢啦
去到一個隔條街都聞到香味
全Lisboa第二好食嘅葡撻店Manteigaria
食～ 葡～ 撻～～～
全custard嘅正宗葡撻呀
超香又流心嘅內層呢
舖裡面嘅玻璃窗係睇到啲葡撻嘅making of
因為焗爐都係响度
所以由店內到街外都成陣葡撻味
自己任加嘅糖霜同肉桂
不過其實就咁食已經好夠味！
-----------------------------------------------
延伸閱讀： Day1：Hello Lisbon
Day2：Lisboa → Porto
Day3：Porto ↔ Vila Nova de Gaia
