All Posts
通常啲嘢熱潮過後就冇人搶㗎喇
又或者只係咁啱呢種天氣冇咩人食冰啩…
之前唔好話响香港
就連响韓國都賣到鬼死咁貴
咁啱見到買一送一喎
好啦好啦終於肯買嚟試吓
唔，真係好益力多
即係細個嗰陣將益力多擺入冰格
再拎返出嚟嘅一模一樣
只限想當年細路時期
因為呢枝甜椰椰嘢已經戒咗好多年
…但係會飲含酒嘅カルピス
以而家嘅物價咁大枝益力多都算抵嘅
（呃，仲係買一送一嘅價格）
-———————————————-
延伸閱讀：
[宮崎地道飲] トップ - ヨーグルッペ
[北海道代表] タングロン（tanglone）
[北海道限定] 雪印 - ソフトカツゲン
終於响葡萄牙第一次食到葡撻（感動）
咁當然都要食正餐嘅
個餐有麥包硬豬仔三款果jam同火腿芝士咁
standard味道啦即係好食嘅但係唔驚艷嗰隻
caffè latte就係caffè latte咁
歐洲嘅咖啡一般嚟講都唔難飲
最緊要都係nata（葡撻）
咪睇佢咁黑以為係燶到苦
焦焦香香其實啱啱好
澳門葡撻同葡國葡撻其實算係兩樣嘢
葡國嘅係全custard餡，爆香甜同好滑溜
澳門嘅係含蛋，相對實啲啲而有蛋香
所以味道同質地都有唔少分別
冇話邊隻好食啲只係邊隻啱個人口味啲
well，我兩隻都鍾意（嘻）
呀！唔夠分嗌多份nata x 牛油厚多士
酥酥脆嘅包加牛油味就係正囉！
食飽飽而且停雨喇
响個鎮到兜吓先～～～
-----------------------------------------------
延伸閱讀： Day1：Hello Lisbon
食個靚tea先！
睇佢個門面就知道又係舊嘢啦
唔算非常耐嘅，1926年開業啫未夠一百年
大過我同你咁上下啦
以前就係啲知識份子呀藝術家呀名媛鍾意嚟「蒲」
近代啲咪又係阿JK Rowling囉
長形嘅空間仲有大大塊長鏡
粉色牆身、木框加埋一舊二舊詭異嘅石膏雕像
望啲雕像個樣
真係笑得令人心寒
兩邊牆嘅雕像對望住
堅有少少「嚇死人咩！個心離一離！」嘅感覺
舉頭望雕像，低頭睇檯凳
大理石臺加埋雕刻皮革卡位
再有埋雕咗同系列圖案嘅木凳，都咪話唔grand
Rabanadas Majestic Style + coffee
葡式西多，煎麵包加果仁果乾再淋糖漿
OK好食嘅呢啲standard嘢
所以都係預期中嘅甜咗啲囉
咁襯杯普普通通正正常常嘅咖啡咁
氹細路用嘅朱古力
由十二月一號開始
一日一粒食到去廿四號
然後廿五號聖誕節就變得一無所有(!!!)
普通甜椰椰牛奶朱古力之嘛
一次過食晒佢啦都係
哈哈～
相對新款嘢食
睇黎我都係鍾意屹立多年嘅檔鋪
長洲～ いただきます。（仰天長嘯）
落船先去張記食碗魚蛋
魚味濃又唔太鹹
最緊要係手打魚蛋彈彈牙
相比依家新興嘅長洲（其實係新加坡）大大粒炸魚蛋
都係呢款白魚蛋好食多啲
Don’t miss the 炸魚皮呀
新鮮油炸冇油膉味㗎
食完鹹嘢就去日本人店故鄉茶寮
買返件熱辣辣嘅紅豆餅食先
餅皮唔太厚；紅豆飽飽滿滿有唔會甜到升天
又香又甜又好味，啦啦啦
再行吓行吓，就去到流動歷史遺產嘅長洲婆婆度
搵到唔知幾時期間限定嘅黑蚊蚊雞屎藤
呢仲傳統嘢同班婆婆一樣買少見少喇
個人覺得呢種甜點比長洲糯米糍更長洲嘅
微微嘅草香加埋細磨餡料
每人粒都食得出個手藝
去旅行當然要買手信俾自己啦
紅酒配芝士係一個平常不過嘅組合
但係加埋落韌身嘅糖又會有咩效果呢？
就係甜嘅提子糖
食落有啲爆珠粒粒咁
再加少少芝士味响中間
個味唔怪嘅，好似食普通提子味嘅ぷっちょ咁囉
反正個芝士味唔係好細心食就根本食唔出…
行到攰攰地，就坐低食個啲嘢先
較早前响天極堂買嘅大仏生あん葛
用紅豆蓉包住葛餅
甜度啱啱好有OK韌性
微微透心涼嘅感覺
吖～ 配樽裝嘢飲係唔錯嘅
不過原來二月堂北茶所呢度
係有無料綠茶供應嘅…（翻眼）
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
漫步吉城園之後又到咗食早餐嘅時候喇
呢間天極堂，係創業逾百四年嘅吉野本葛食肆喔（since 1870）
餓餓地，食返個set先…
采女の膳 セット（季節の膳）
兩款爽口嘅小鉢
鶏そばろご飯，有住淡淡嘅清香
しゃきしゃき水菜のきのこうどん：未加豉油已經食得出個鮮甜味
お吸い物：柚子皮昆布腐皮圈圈湯，好清甜
ゆり根饅頭と葛きりのあんかけ
用百合蓉做㗎，有餡嘅
個樣有啲似甜品但會係鹹嘅
香の物：奈良漬，yeah～（唔係屎嚟㗎！！！）
主角葛餅嚟喇喇喇
圓碌碌、暖笠笠、軟淋淋
有少少黏同彈性
咁就加黒蜜同きな粉就夠晒好食
出面個景係唔錯嘅
不過呢度望出去成個鐵窗生涯咁囉
（個BGM係「友誼之光」 XDDD）
監獄外嘅風景係好好嘅
珍惜自由嘅可貴
千祈唔好做壞事呀（！）
嘆返個滑滑嘅下午茶先…
大仏プリン（大佛pudding）
襯返奈良呢個佛寺地域嘛
肉眼睇都睇得出嘅滑溜
起泡都冇呀靚到吖～
香、甜、滑，好Q正一定要食呀
就咁。
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
Day2：春日大社 | 奈良公園と鹿 | 玄 | 春鹿 | ならまち格子の家 | 樫舎 | 大仏プリン | 亜耶
樫舎嘅店主係專業嘅菓子職人
而呢度最最最有名嘅菓子係葛焼き
但係行得攰攰地又熱熱地
加上見到数量限定呢幾隻咁有魔性嘅字
唔食就唔係我啦係咪？（哈）
樫舎の氷 わらび餅入り
宇治金時咁啦
有抹茶蜜、紅豆餡、白玉、寒天同最緊要嘅冰
反正都食梗係要有埋わらび餅啦
咁話晒都有食到本葛嘛
食到底先見到㗎
無咩嘅，一碗裡面咩都有嘛就係滿足囉～
又係影町屋嘅時候
樫舎隔離就係擒晚間栗喇
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
飲咗少少嘢呢又想食少少嘢喎
嚟返個古早味嘅よもぎ餅@中谷堂就啱啱好
軟糯中夠煙韌，味道樸實唔太甜
好好食呀嚟到千祈唔好錯過～
就咁駐足睇現場高速舂餅都係賞心樂事
屏息靜氣咁望住
勁驚訝點解咁快都唔揼親手
又要驚又要睇，當然最重要都係食啦哈哈
-----------------------------------------------
延伸閱讀：ララ奈良 | 大阪，美味しいね～（8D8N） Day1：志津香 | 興福寺五重塔 | 猿沢池 | なら泉勇斎 | 中谷堂 | 栗 ならまち店
Day2：春日大社 | 奈良公園と鹿 | 玄 | 春鹿 | ならまち格子の家 | 樫舎 | 大仏プリン | 亜耶
响酷熱嘅北半球
感受冰涼嘅南半球美味
講起咩國家有咩signature雪糕口味
第一時間會諗起紐西蘭同hokey pokey
（然後就係美國嘅肥漏漏cookie & cream）
蜜糖底雪糕同butterscotch粒粒
雪糕軟滑香甜，滲出微微蜜糖味但唔會太濃郁
加埋脆卜卜嘅butterscotch粒
香味更有層次又令個雪糕唔會太單一
點解呢個組合會好味成咁？
搵日試吓用部雪糕機整吓先，搵日啦
太熱喇呢排，咩都冇動力去做…（軟趴趴）
