All Posts

bakecheesetart

Bake - Cheese Tart

基本上大部份嘢食要啱時候先好食 講嘅唔止係季節食材 仲有係出爐時間解凍後軟化嗰陣 但係當然總有啲係例外嘅… 好似BAKE呢個cheese tart咁 啱啱出爐撻皮又脆又熱牛油味好香 裡面啲芝士餡面層薄如蟬翼 咬開就係溶化流心芝士漿 聞到亦食得到嘅芝士香 真係大大滿足～ 然而好漏㗎嘛未必一次過食得晒 放入雪櫃啦！佢凍咗又有另一種風味 個皮嘅牛油味依然封存 凍咗都唔會硬，唔錯 芝士餡同熱嗰陣嘅流心唔同 變得軟滑嘅質地 個芝士味依然爆香 唔會因為唔熱而冇咁香 雖然熱食真係會飄香咁啦啦啦 好出色嘅cheese tart 但係唔值得排長龍去買嘅 不過香港人係鐘意排 排排吓就唔排㗎啦

2017 年 10 月 17 日
leafdessert

[糖水] 玉葉甜品 - 海帶綠豆沙

好一碗滋潤身體又滋潤埋心靈嘅糖水 一上枱，心裡面個os： 「哇！啲海帶使唔使咁大塊呀？」 差啲想問人拎刀叉 實行優雅地食呢塊海帶囉 响香港呢個淘汰比任何嘢都嚟得突然嘅情況下 呢個檔仔過咗成百年居然仲屹立不倒 （第五代喇都未溏心風暴） 價錢唔貴（仲要講緊喺中環食嘢） 味道樸實用料充足 綠豆沙經長時間熬煮 軟綿至於起足沙 糖水唔會超甜 大大塊嘅海帶軟滑但唔會煲爛 真係就算响屋企好用心都未必煲得出咁靚 雖然擁有住虛寒嘅體質 不過天氣咁熱加上又唔係成日食 偶爾先嚟一碗之嘛無所謂啦

2017 年 9 月 25 日
jinenya

[和菓子] 薩摩 じねんや － 花林糖饅頭

鹿児島菓子：かりんとう饅頭（花林糖饅頭） （右上）花林糖饅頭 ロ笑×ロ笑 軟滑帶甜嘅紅豆餡 （右下）抹茶花林糖饅頭 同樣香軟帶點嘅抹茶x紅豆餡 （左邊）花林糖上々饅頭 黑糖風味嘅白生餡（煉奶） 花林糖饅頭同一般饅頭嘅分別在於個皮嘅黑蜜 所以個皮係光滑令身啡啡色咁 黑蜜都係從鹿児島喜界島産嚟嘅 但係個皮都唔係好甜嗰種 個餡就同平時啲和菓子差唔多甜啦 雖然紅豆係好香，不過都幾甜 有綠茶嗰隻就有微微苦味令個甜味平衡啲 煉奶個味都幾特別有點奶香 都係適合送茶啦唔係就太甜喇… -———————————————- 延伸閱讀：Happy Days！鹿児島宮崎！ (10D9N)

2017 年 7 月 13 日
klndairygudetama

[icecream] 維記牛奶麥芽雪米糍

香港便利店除咗有七仔當然唔少得OK啦 七仔有佢嘅限定發售雪糕 OK都唔會俾佢專美嘅 前者sell材料極致 後者直頭賣萌兼賣懶賣到年三十晚 YES！佢係呀，蛋黃哥gudetama～ （Circle K x gudetama 梳乎寫意 雪米糍） 有香港牛奶品牌維記出品 個皮韌韌嘅軟軟滑滑 裡面個OK滑嘅雪糕係牛奶麥芽味 係好立克（Horlicks）咁嘅味 喂！呢隻都唔錯幾好食喎喎喎

2017 年 7 月 12 日
kitagawahanbeeice

[icecream] 北川半兵衛商店宇治抹茶雪糕

好熱呀，去隊個劉華先！ 吖唔係劉華，係道地綠茶出嘅雪糕 呢杯嘢唔係平日嗰啲道地綠茶味 係嚟自京都150年老店北川半兵衛商店嘅抹茶粉 加埋北海道牛乳嘅雪糕 最特別之處梗係响香港製造 同埋只係得香港七仔有售 個雪糕抹茶味濃郁 味道香帶微甘 有牛奶味嘅不過差唔多俾抹茶味搇晒 咁隻牛奶又唔係完全無用嘅 至少令到杯雪糕滑滑咁吖 after taste都係一浸抹茶味 唔會好甜呀，真係唔錯 雖然有少少係為咗「期間限定」呢四個字而買 不過又真係值得食喎～ （係貴咗啲囉一般人唔會用廿七蚊去買道地綠茶㗎嘛…）

2017 年 7 月 11 日
yamafukuseika

[洋菓子] 山福製菓 かごしまスイートポテトン

鹿児島、黒豚、さつま芋… 左邊黃番薯右邊紫番薯（紅芋） 黃軟甜；紫實香 食落成口番薯味連after taste都係咁薯 個樣仲要得得意意咁 唔錯唔錯！呢款值得推薦（拇指） -———————————————- 延伸閱讀：Happy Days！鹿児島宮崎！ (10D9N)

2017 年 7 月 11 日
birouenroll

[お菓子] 美老園 － 知覧茶スイートロール

雖然當時好唔情願咁去咗知覽 不過無可否認知覽茶真係好好飲 美老園係當地嘅靚茶舖 有茶嘅舖頭通常都有茶糕點 就好似呢袋咁 軟軟嘅知覽緑茶蛋糕皮包住香甜嘅cream 加上用茶撈埋紅豆蓉嘅緑茶あん 雪凍咗都係好香軟 茶味濃郁，成舊嘢都唔會好甜 裡面啲cream軟軟滑滑 好好味呀～（心） -———————————————- 延伸閱讀：Happy Days！鹿児島宮崎！ (10D9N)

2017 年 7 月 7 日
miyazakipudding

[pudding] 壽康庵 - 宮崎マンゴーぷりん、日向夏ぷりん

以宮崎盛產嘅芒果同日向夏柑製作嘅布甸 不過相比起叫佢哋做布甸 我覺得質地似啫喱多啲 果味濃郁但係好清甜 甜度啱啱好唔會冚咗生果本身個味 味道好好，兩舊都好好食！ 如果硬係要俾個缺點、罪名佢： 有啲重量，唔可以帶好多返屋企 同埋貴咗啲（不過值呢個價嘅） -———————————————- 延伸閱讀：Happy Days！鹿児島宮崎！ (10D9N)

2017 年 7 月 4 日
kougetsupancake

[お菓子] 菓匠香月 － 香月のパンケーキ

平平無奇嘅叮噹餅 點解會係其中一種鹿児島名物呢？ 鬆軟嘅pancake包住煉奶同醃漬過嘅橙皮等果乾 個甜味除咗响煉奶度 最緊要係個餅係落咗鹿児島名物白熊糖漿 所以呢，件嘢係偏甜嘅 隻味係同平時啲紅豆餅有分別 但係又未到必食嘅程度囉…（遠望） -———————————————- 延伸閱讀：Happy Days！鹿児島宮崎！ (10D9N)

2017 年 7 月 3 日
karukan

[和菓子] 山福製菓 － かるかん

軽羹（かるかん），薩摩傳統菓子 鬆軟嘅白色糕，係用霧島山麓嘅天然山芋造 裡面夾有紅豆蓉 比一般和菓子無咁甜 不過食落同平日啲白糖糕冇咩分別 仲要冇白糖糕咁鬆 普普通通啦，叫做試過吓咁囉… -———————————————- 延伸閱讀：Happy Days！鹿児島宮崎！ (10D9N)

2017 年 6 月 29 日
kojkmi10a

[Happy Days！鹿児島宮崎！] Day 10： すき家 － とろーりコクぷりん、朝食

都話天文館有早餐嘅舖只係得連鎖店開㗎啦 今日食返日式嘅：すき家 係嘅，食日式頹飯好似無咩咁特別 但係竟然搵到啲好正嘅嘢… とろーりコクぷりん 超～～～ 濃～ 郁～ 奶味嘅布甸 北海道生忌廉 x 馬達加斯加產嘅雲尼拿 濃厚嘅質地布甸滑滑 真係估唔到賣牛丼嘅連鎖店都有咁好味嘅甜品 話晒呢兜嘢係拎咗2016年monde selection金獎 嗱～ 唔係只係我覺得好食㗎 ベーコンアスパラたまごかけごはん朝食 個早餐無咩特別普普通通咁啦 不過普通還普通 雞蛋飯真係邊度食都係覺得好食（嘻） -———————————————- 延伸閱讀：Happy Days！鹿児島宮崎！ (10D9N)

2017 年 6 月 23 日
kojkmi9d

[Happy Days！鹿児島宮崎！] Day 9：白熊菓琲 － 白熊の冬ごもり

「無食過白熊唔好話去過鹿児島！」 不過最最最經典嘅白熊就唔係我杯茶 真係唔太鍾意啲罐頭樣雜果同染色車厘子 有諗過skip咗呢樣嘢唔食㗎 但係食完晚餐有想食吓甜品喎 可惜芒果base嘅黃熊間嘢已經收咗檔 無計啦都係死死地氣嚟返古早味呢間食啦 白熊の冬ごもり 係㗎喇，死都唔嗌經典白熊 加上呢款係期間限定 當然又唔放過啦～ 個冰base嘅煉奶味淋醬好好味 極濃嘅香味加上唔會好甜 配埋啲白朱古力波呀小枝咁脆脆口 熊仔餅乾呀莓呀白朱古力碎响個窿度 home sweet home 所以就算又凍又飽都剷～ 得～ 晒～ 好好味！ ベビー宇治金時 3B嘅baby size綠茶紅豆刨冰

2017 年 6 月 22 日