All Posts
港式日食唔係求其貨，其實都幾難得…
仲要「太陽花」中有『香港加油』
呢啲咁囂張嘅店點可以狠狠地懲罰佢（！）
米粉班戟 | 和王牛漢堡咖喱
味香肉滑嘅熊本產100%和王牛肉 x 日式超微辣甜咖喱
配甜滋滋菠蘿乾同菠蘿醬
米粉pancake唔會極重蛋味唔會漏
微微鬆軟度唔講唔覺就好快清碟
粒粒車厘茄都好新鮮，伴碟嘅蕃薯片超脆
所有嘢加埋令成碟嘢完成度極高，好好味嘅心機菜～
海膽和風卡邦尼烏冬
海膽新鮮味濃；烏冬韌度足火候啱啱好
厚切日本煙肉鹹香夠提味
個醬係和風版就冇本身西式咁膩
剷一碟又係無難度（哈）
甘酒美人軟雪糕
濃郁嘅甘酒味 & 滑滑軟身雪糕
滑溜程度簡直認唔出佢係冇蛋冇奶純素呢（心）
米粉班戟 | 蕃薯甘栗
又濕又熱，食吓black bloc bear熊本熊雪葩降鬱躁先…
くまモンのシャーベット 洋なし
隻black bloc bear轉圈轉圈手揈揈咁
梨味清新唔假，雪葩爽爽咁都幾消暑
係甜咗啲啫… 好在唔大杯都唔會甜到喊嘅
くまモンのシャーベット メロン
雖然隻black bloc bear俾like
不過呢隻咩撚味好Q假
一食就係嗰種添加蜜瓜味料嘅味道
唔好食囉～（藐）
同過往嘅中秋一樣收到好很多月餅
奶黃月居多啦，咁我又對呢樣冇咩喜好
but呢隻加埋Earl Grey嘅好食喎
有茶香味唔太甜亦令個餅唔會好漏
係嘅，似食蛋糕咁嘅但係WFC吖咪又係一舊甜嘢
好食就得啦仲有畫得幾靚（with醜醜嘅字）
公平啲，原味奶黃味就一般般
係嘅畢竟今年收到嘅奶黃月水準有啲高啊…
唔駛排隊咪食囉…
抹茶卷、軟雪糕、日本煎茶
諗緊要呢set定係full set（即係再加埋蕨餅）
但係間嘢要每人點一份嘢
咁仲要嗌嘢嘅話就too much所以呢set算喇
抹茶卷嘅海綿蛋糕鬆軟
中間pat cream唔會太重身
幾香抹茶味嘅雖然甜咗啲啲
軟雪糕就好出色（讚）
雪糕濃郁且滑身茶味出
紅豆蓉唔算爆甜OK㗎喇
兩粒団子夠晒韌非常好食
煎茶… 頭頭唔出味但係食完再飲就泡過籠
點飲都唔係right time，唉～
北海道哈密瓜沙冰
個牛奶雪糕極之好味
厚身兼奶味重
個沙冰嘅哈密瓜味一啲都唔假，唔錯唔錯
仲有呢三粒新鮮哈密瓜波
個甜度唔輸俾甜品，good！
d meh gin hong ar tung ngoh hang maai 1 bin la
faan jing ne gau yeh gum sai sai
sik joh dou ng wui dim chiu biu arrr
落銅鑼灣搵大阪嘢
蜂蜜とバター 厚焼きパンケーキ | 橘子蜂蜜班戟
唔係平時食陣風嗰種輕飄飄班戟
佢係似舊式餅店嗰啲雞蛋糕鬆糕咁
蛋味濃郁成舊嘢又夠香甜
加埋隻發酵牛油同橙味蜜糖就啱啱好
話說做得好，材料都好重要
有來自廣島嘅雞蛋
愛媛縣小池養蜂園嘅蜜柑蜂蜜
宮崎縣高千穗發酵牛油
就係每樣都用心咪整到啲嘢好食囉
Uji Matcha Milk
因為pancake製作需時（大概15－20分鐘啦）
咁咪飲杯嘢坐低慢慢等
宇治抹茶加埋濃滑霧島牛奶
完全冇唔香嘅道理
不過係唔記得嗌走糖
之後食埋pancake就變得甜咗少少
土佐黃金生姜氷 | 高知縣黃金の里生薑 かき氷
夏雪，呢間好好食嘅waffle有兩間舖
今日梗係去大圍分店啦～（哈）
皇家伯爵茶窩夫
勁！Earl！Grey！嘅味道！
waffle外脆內極韌，茶味每啖都有冇走失
用少少糖漿調吓個味就已經perfect
雪糕都係濃郁Earl Grey味
奶味茶味甜味完美地响口裡面三分天下
配埋waffle就齊晒唔同感覺嘅茶味
焦糖菠蘿更加係畫龍點晴
面層塊脆糖好食就不在話下
燒焦過嘅菠蘿再爆甜味
除咗好食！都仲係好食！
紫薯窩夫
只係蕃薯愛好者又未至於紫薯甜品控
但見到係招牌貨都會嗌吓嘅
甜薯味香，將薯蓉塞响waffle裡面
就變成外脆內韌中間軟滑
相比已經預咗好食嘅waffle個豆腐雪糕先夠驚艷
豆腐花雪糕咁，又香又甜又滑
哈蜜瓜都好甜絕對唔會輸比球雪糕
牛油果及煙三文魚窩夫沙律
waffle當然有鹹有甜
個waffle即整梗係新鮮
因為唔點駛排隊所以食
作為soufflé pancake就好似唔太鬆鬆厚
（已經係即叫即整等咗約干分鐘都仲係唔升高高…）
而crème brûlée其實係個焦糖面
不過加埋pancake嘅香甜蛋味
就真係齊晒crème brûlée所需嘅料
味道係正面嘅，有蛋香又足甜味
鬆厚唔夠個浮雲感爭少少咁啦
pat仔cream唔錯不過只係得嗰dd
雪糕ok la不過不失生果都係新鮮嘅
以港產日系pancake嚟講算係咁
但如果要排長龍食呢就真係唔值喇～
意大利菜係樣衰衰求求其咁
但係好好食嘛，樣有時真係唔太緊要
Bresaola
pizza材料有最痛恨嘅火箭菜
白芝士Fior Di Latte，即係半軟新鮮嘅mozzarella
同埋意大利綿羊奶芝士Pecorino
番茄醬base香得嚟帶微酸好開胃
火箭菜當然係苦
不過份量唔多啱啱好中和兩種芝士嗰少少漏
餅底唔會好似麵包咁厚
亦唔係薄身脆餅嗰種
加埋炭香味足又極為煙韌
好好味呀（超讚）
Colatura di Alici
雖然睇落唔係好多嘢
佢混合咗水牛芝士mozzarella、紫洋蔥、anchovy、辣椒、Gaeta橄欖等
清爽中帶微辣，本身洋蔥嘅辣加辣椒
零油膩感卻唔乾身，味道都好讚！
Gragnano Dellapenisola Sorrentina, D.
喫茶去~
抹茶喫茶去パフェ 抹茶芭菲 Matcha parfait
一杯乜都有嘅甜品
上面插住條唧滿抹茶cream响裡面嘅抹茶繪巻
（哎吔吔唔係抹茶曲奇但係都唔緊要啦）
固定响抹茶味濃郁嘅滑滑軟雪糕度
雪糕上仲灑咗抹茶粉同玄米粒
落啲係一原味白一抹茶綠嘅超煙韌白玉
白玉側跟係同抹茶最夾嘅甜甜煮到起晒沙嘅粒粒红豆蓉
墊住佢哋嘅有玄米早餐脆片
對落嘅係一圈又一圈輕身抹茶cream
配埋中間啲抹茶味濃厚嘅蛋糕就啱曬
最底層係味道濃烈嘅抹茶jelly
成杯嘢就係抹茶抹茶好抹茶咁
吖～ 又出奇地唔會好甜，勁正呢！
抹茶かき氷 宇治金時抹茶刨冰 Matcha shaved ice
熱嘛… 食刨冰好正常
將「奇跡」擺上枱…
KISEKI PANCAKE PLAIN（原味班戟）
稱為「奇跡のパンケーキ」
鬆軟高高嘅pancake
入口香鬆軟甜蛋味重
pat cream有奶味唔會好厚身
完美咁配搭响好似浮雲咁嘅班戟度
好好味真係好好味（打緊post一直流口水）
BACON & EGG PANCAKE（煙肉煎蛋班戟）
原本嗌三文魚牛油果班戟但係嚟錯咗
唔緊要啦佢個樣都係好吸引
同甜pancake唔同，係較薄身嘅班戟
麥味非常香濃，配埋半熟煎蛋同大大片煙肉
個butter cream都係輕輕嘅
煙肉班戟夾唔會勁甜嘅糖漿啱啱好
有咗糖漿個pancake就唔會太乾身
啊！新鮮菜salad同個沙律醋都係簡單而好食
酸菜唔會好酸食落中和返所有油膩感
雖然好鍾意台灣牛肉麵啲香濃湯底
但係咁鬼熱嘅天氣真係唔想蒸住塊面啊…
招牌麻辣牛肉撈麵
托埋塊招牌出嚟
超～ 嫩～ 一嘢就咬得開嘅牛腱
微微川燙過嘅牛肉薄片
兩種濃郁牛肉味中又帶麻辣味
要吸麻辣味當然唔少得蜂巢豆腐
微細窿嘅豆腐，一咬就咇咗微酸麻辣豆味
係嘅，麻辣嘢係唔可以冇鴨血
唔腥又夠韌，麻辣 x 鹵水美妙嘅組合
闊身白麵好掛湯，唔食得辣嘅我叫中辣就啱啱好
韌性足好好好好咬
成碗麵嘅完成度太高喇！正！
叫撈麵會配埋蛋花湯
唔會好鹹又有絲絲滑嘅蛋花
不過習慣港式麵檔撈麵配湯嘅我
都係唔敢將啲湯一飲而盡
滷肉飯
响食麵嘅地方叫飯有時候係會有伏
不過幸運之神今日企响我呢邊
