All Posts
個trip嘅副標題係：以鏡頭搜尋灣仔魅力影像
「設計#香港地」係一個為期三年嘅program（2018-2020年）
係一個創意 x 設計嘅地區旅遊計劃
上年主題係「連城 : 給香港的情書」
今年就係「Pop ! 靈感在轉角」
呢次影相tour係由Jeremy lead住
（佢係「2017年國家地理會德豐青年攝影大賽」嘅得獎攝影師喔）
由菲林明道花園出發
即係中環中心下面
而家擺咗啲 #遊多dd 同 #坐多dd 嘅凳同裝置任坐任玩
咁樣睇好似散嗖嗖咁
如果俯瞰呢，就會隱約見到 #ddHK 嘅字樣
又去食唔辣嘅韓國嘢~
韓 • 仙人掌果酒
話係「冷霧鮮果特飲」
真係有啲白煙响度（個樽中間嗰層）
微微嘅甜味 x 極淡嘅酒味
當係detox water咁飲囉…
反正裡面都係啲生果呀有片仙人掌咁
韓式烤美洲巨鰻扒
衝住呢樣嘢而嚟
因為今日係加一蚊多一份
（呢碟已經係兩份喇）
大大片好厚肉魚油滿滿好滿足
已經調過味就咁包埋葉食啱啱好
呢盤唔係花槽係包菜葉
kimchi們，大兜嘅係熱嘅好新奇
酥炸芝士魷魚桶
佢個炸漿同魷魚之間有好大嘅距離
有住同韓式瀏海一樣嘅空氣感
不過芝士有拉絲魷魚都算新鮮
其實幾好食嘅…
其實係想試honey dijon味
不過有人買錯咗…
是但啦，反正個味都幾好
芝士嘅味都算濃郁唔假
薯片係硬脆嗰款食落會好飽到
因為真係會飽所以完美地控制食量，哈！
今日唔駛超早起身…
仲可以慢慢落樓下搵阿Paul買早餐食
佢嘅croissant呀酥皮嘢真係好L好食（推推推）
都係响Brussel Central出發
繼續用盡假日六折票，今日向西走
先去西一西嘅Brugge
個車站好醜樣，但係當時最in嘅建築風格
穿過勁靚嘅Hendrik Pickery公園
人少少感覺好寧靜
其實係假象嚟㗎
因為作為一大～～～遊客區
佢係有四通八達嘅路走入中心區域
越行就越多同路人最後就係全部都係人（逼）
Sint-Salvatorskathedraal
左邊鐘樓嘅底座係現存最古老部分
大概係12世紀嘅貨仔咁啦
好大好大座嘅教堂
基本上抬頭就會望到
本身個教堂建於10世紀
經歷過俾人拆吓燒吓嗰啲嘢
而家主要見到嘅latest updated version係1839年版本
週末係絕對可以放縱地食嘢！
Acrobrau Weissbeer Hell
食德國嘢唔飲啤酒飲咩呀？
冇咩㗎咪就係入口香囉！
一公升巨巨杯飲完有排去洗手間之嘛…
冇dunkel所以嚟咗呢杯黑啤
一公升also，呃！個味淡咗啲啲
都有淡淡香味… 嘅……
Nuremberg Sausages
豬肉味好香！
酸菜又令人一口接一口
薯仔炸得外脆內粉
完成度好高嘅菜式呢~
Strudels (Open Face)
開口雲吞咁，酥皮 x 脆芝士 w/菠菜餡
配菜嘅三色蘿蔔好好味
咁啱行過又見只係排幾粒人嘅隊咪試吓囉
（其實想試好耐㗎喇喇喇）
個牛角包仲大過我隻手！
油㗎！摸落都成手油
食croissant唔油邊好食㗎？
摸落油還油，食落一啲都唔膩
如果買多個都仲食得到
不過唔好睇我話「食得到」就代表裡面全空氣咁喎
極！足！料！呀裡面
當然一層層咬落就已經見到
只係因為佢鹹鹹哋唔係平時啲甜味咁
好容易「吓？食完嗱？」咁啫
牛角包內鬆軟有彈性
外層片片跌落角位超級脆口
每個部位都好好食
唯一會扣返少少分係佢唔係熱嘅
出爐包會再再再好食啲啊啊啊啊啊！
呢個阿John好過份，鬼死咁滑㗎佢！
有微微嘅麥香味而味道就淡淡然咁
雪到好凍好凍咁飲就幾解渴
然而佢真係非常滑身
飲到條脷都覺得滑咗喎
啱晒而家呢啲又濕又悶嘅天氣~
買火車飛當然唔可以浪費
反正仲咁好太陽點都會去多個地方
Naumr（那慕爾）
响歷史上曾經好多次淪為戰場嘅地方
不過呢次只係嚟行吓個城市
唔去啲咩城堡戰時遺跡嗰啲喇
Église catholique Saint-Loup
建於1621-1645年間
啲街好窄，好難影得晒（汗）
再沿路行呀行吓先…
Citadelle de Namur
對面岸就係呢度座城堡
個城牆好～～～ 長～～～～～
唔入城堡，抬頭見到一條條宣傳旗仔飄飄吓
當然係行過路過千祈唔好錯過啦！
FOLKNAM
朕check過吓原來係指Namur’s folkloric traditions day
雖然文化博物館間唔時都會展出大英博物館嘅展品
不過就係每次都會有唔少嘢令人吸入去
今次借咗101組館藏
標準飛嘅樣係希伯來星盤
童裝先有神奈川沖浪裏呢（残念ですね）
話時話呢本場刊做得幾好
passport size passport樣
細細本好似少啲人轉頭掉咗佢
同埋有唔同位俾人蓋印仔
（啲印仔寫arrival嗰啲唔係有咩特別我就冇特登stamp嚟整花本嘢，同埋有啲印仔响開館一日內已經消失咗）
Outer Coffin of Nesperennub
尼斯柏能納的外棺
約公元前800年當然係埃及產物
Mmm… 古埃及棺木甚至木乃伊都展過好多鑊
加上擺放入口處嘛…
超多人呀睇咗棺木啲圖案一次就唔留戀快步走喇
Egyptian Cosmetic Palette | 埃及化妝調色盤
原先部電話仲差少少先到一歲生日快樂
點知佢敵唔過白堊紀嘅岩石（淚）
冇計啦冇得唔買過部
上年年尾先換電腦
告別用咗十年八年仲有cd rom嘅mac book pro
好喇！最重要嘅換晒喇… 你哋要長命啲呀呀呀！
留返俾我買美容機同機票啦please～～～
襯博物館節咪唔去商場嘆冷氣囉…
菠蘿包
翻新前可能細個去過不過已經印象模糊
翻新完又未去過喎
講吓呢個宇宙嗰啲咁
有落手落腳玩呀試吓
又有big bang睇都嘅好玩嘅
上層講太空
當然都要啲有嘢玩
對太空人冇咩特別想法
不過窺探人哋嘅生活都幾有趣
同埋睇吓佢哋今晚食乜餸
食瞓屙同樣重要
屙出宇宙（誤）
well冇咩我都係返地球先！
科學館
咁多年都冇變過…
都仲有呢隻小飛機
想睇嘅「分子美食」冇得睇
唯有睇傳統食物紀錄片
地底有新啲嘅嘢睇
全球第一個3D print嘅鯨骨
好好咁利用假期火車票
成六折喎唔係唔買嚟周圍去呀嘛？
一早就行去布魯塞爾中央火車站(Bruxelles Central/ Brussel Centraal)
（住附近真好！）
火車到站喇～
沿途景色（太靚喇）
途經紅磚建築嘅Godinne車站
Dinant：今朝嘅目的地
一入眼簾就係沿著河邊响懸崖下面好大座嘅教堂Collégiale Notre Dame de Dinant
原建於1227年，不過分別响1446年、1554年同1914年又爛咗又起過
而家呢個樣就係1919-1923年建成嘅版本
山上面嘅城堡Citadelle de Dinant建於1050年，但今日睇到嘅都係19世紀起返嘅
貫穿整個Dinant嘅河叫Meuse全長925公里
由法國高原經比利時再去荷蘭最後流去北海
搭纜車上山
車廂有好大個窗，風景一覽無遺
