All Posts
唔講係咪響應世界地球日乜乜乜
屋企冇斜孭袋而要用嘅時候佢出現就想買
黑色布料刺繡台灣黑熊又有幾隔好放嘢
（隻熊拎住杯咖啡！）
個star乜logo又夠低調喎
長帶斜孭直孭都好睇
短帶手拎就怪怪的
中間係超磁力啪鈕好睇又好駛
就係平日行街啱啱好去旅行貼身袋超perfect咁
最最最要特別鳴謝親愛嘅秘書K
（好同事呢家嘢真係可遇不可求）
因為呢個袋係台灣限定嘛…
對於歲月唔會响我到着跡嘛…
除咗就咁搽面玩機抗皺去皺呢啲基本嘢
仲會加多少少細節位啊！
布質順滑嘅金屬色嘅眼罩
織布裡面加咗氧化銅
廠商聲稱可以抗皺
有啲人又話戴咗好瞓啲…
是但啦！反正冇皺同要瞓覺兩樣嘢都係必須嘅
點知周圍搵都見唔到搶唔到
竟然响飛機度先買到
買完當然係即用！！！
（機艙乾燥嘛會戴定保濕口罩維持濕度）
軟綿綿咁比一般眼罩面積大啲
眼底位再加多一浸布
都幾貼面而且遮光度一流
又未到啲人講到話戴咗易入睡咗
不過連後頭連橡筋同扣都仲好舒服
呢樣嘢都值得一讚
戴咗一排係都算感覺良好
去皺呢… 額頭眉心嗰啲位好似明顯啲
但係亦唔知係佢嘅功效定係護膚品or家用美容機嘅能力
係㗎喇我份人好心急
就係鍾意用複方去解決問題
然而作為眼罩佢係夠舒服同好遮光
呢個世界冇咩嘢比起食好嘢搵啱嘅人食更好嘅一餐…
响香港食日本嘢，料夠新鮮酒就好飲friend夠夾就已經perfect
（係喇食超好日本嘢再同佢去日本囉！）
白象拔刺身
細細個食象拔蚌刺身已經係粒切
而呢個係條切嘅試吓冇壞
（如果係片切已經覺得唔入流果段KO）
香味有嘅又夠爽口唔錯唔錯
海膽魷魚卷
魷魚夠鮮黏黏比澳州海膽唔好預好濃味
（雖然friend子覺得海膽比魷魚濃味的說）
都算香送酒會幾好
but… 酒呢？
終於終於到嘅酒：山丹正宗 純米吟釀
仲要“奇特”地拎白酒杯嚟裝
入口幾甜然後微微辛口
金線魚刺身
厚切魚生 x 火炙過嘅魚皮
身嘅部分軟香順滑
魚尾位油脂豐腴帶韌性
（but食到一兩小片魚鱗扣少少分）
因為食評榜排位高所以月巴HIM拉我去試吓喎…
間嘢位於M1酒店1樓
鄰國人入住嗰啲咁啦
所以地面lobby係絕對可以用恐怖嚟形容
餐廳樓底極高裝修都唔錯
至少唔似置身於油麻地旺角
而啲枱細細張間距又超窄可以好清楚聽到隔離枱傾緊啲咩
（一邊嘅隔離枱勁講旅行，好想join埋一齊講）
house water係檸檬蝶豆花茶
話加咗檸檬飲都有檸檬味
不過好神奇個色都仲係藍色而唔係紫色
hot dish係水牛芝士焗菠菜大啡菇
同字面一樣啦大菇中間夾咗菠菜蓉再面頭加mozzarella去焗
味道… 淡咗啲
可能因為菇出水太多啩
咁個菠菜蓉又冇話俾好濃味落去
Mozzarella又係淡味芝士嘛
成碟嘢係沙律菜嘅陳醋醬最濃味
（之後嘅主菜們都有佢嘅身影）
主菜之一嗌咗尋日的羔羊
（香煎澳州法式小羊架配脆薯條）
叫五成熟切落去似三成熟
香港地方細細，但都有唔少位置係列為世界地質公園
仲要係响近在咫尺搭程火車上個船就去到呢！
hea式街渡遊船河…
由馬料水開船
右手邊係馬鞍山
過一陣大埔嘅八仙嶺已經响左邊
仲有條好~~~ 長~~~ 嘅 **大尾篤水壩**
即係攔住個 **船灣淡水湖** 嘅堤壩
過埋船灣淡水湖副壩
就進入赤門海峽部分
黃竹角咀
係香港暫時搵到現藏最古老低層
源於盆地紀嘅沉積岩
（Devonian period：距離而家3.5億至4.05億年前）
灰白 x 鏽紅色嘅沉積岩主要係由砂岩、含礫砂岩同礫岩組成
垂直裂開好靚 (?)咁露出
每次經過舖頭揭兩吓menu之後都轉身走
終於都响七仔買到件嚟試…
軟滑又帶少少啫喱嘅韌性
個cream cheese味都幾香
然而sour cream個味再濃啲
甜度還好，至少冇想像中嘅美國嘢咁死甜
餅底食落勁麥維他味
加返湧出嚟嘅肉桂香氣
可惜係話晒叫擺响便利店賣唔係即賣版
個餅底有啲濕微微起一舊舊咁
完成度始終唔及新鮮即場嘅
不過七仔版平舖頭版一大截嘛
好啦今次就慳少少食渣啲啦…
啲嘢好好食啲酒又好飲喎
勁高質嘅給食酒吧呢～
咪講笑咁L熱嘅天氣唔會唔先隊返杯啤先諗嘢
Adlerkönig Draft：呢度嘅house draft
清涼夠氣入口微苦後續清甜
任何時間都啱飲嘅味道
Bucket of Wings
啤酒配油膩炸嘢實在冇得輸
一桶即叫即炸嘅香脆雞翼
外層勁酥脆裡面超juicy
個雞味聞落已經夠香
咬落去食落更濃
簡單食呢件炸物嘅完成度已經好高
加埋特製沾醬又食出另一美味嘅層次
Slim’s Crab Cake
頂上招牌嘅菜式
雞翼係就咁蘸粉直炸
呢件蟹餅就係加麵包糠炸嗰種
極！度！足！料！
根據杜牧話齋「清明時節醉醺醺」（咦？）
冇酒精好似唔太應節…
然而個天氣熱到以為係炎夏都有人信
有氣嘅酒「ahhhhhh………..」咁爽先得喎~
檸檬嘅清香，聞落同飲落都有
日本仔呢家嘢就係明明無果汁都充滿住生果嘅感覺
冇咩甜味，少少咁啦至少佢係爽到唔覺漿口
檸檬過後就係有個衝上嚟嘅酒精
8%比啤酒多少少所以有個搶啲嘅味都唔出奇
不過又因為呢個酒味而冇咁單調咁啦
爽得嚟又解渴仲帶少少涼意
杜牧嘅清明idea真係唔錯呢~~~
即場杯裝同買盒裝返屋企嘅都冇咩差別呀…
maple walnut係我最鍾意嘅味道
香軟嘅雪糕上有條條嘅楓糖漿
再加粒粒好咬嘅碎核桃
食咗好多年喇呢隻味但係點食都唔厭（心）
冧酒提子都好好食
一入口就爆濃濃嘅酒香
牙買加冧酒個味一食就食得出
提子皮唔會過軟都仲帶有韌性，正！
瑞士朱古力味嘅瑞士雪糕
個朱古力味極級濃郁
同其他朱古力專門店出嘅雪糕有得揮
而且佢嘅雪糕base仲係完勝嗰種
四球雪糕… 如果都係重口味係NG嘅
呢球檸檬 x 青檸真係啱啱好
味道超啡薯又夠香
唔會被啲濃味嘅比下去之餘亦有最佳清喉嚨嘅作用
食得好開心，好滿足喔！
芝士 x 麻糬 x 雪糕嘅組合
呢杯下午茶會唔會太美好呢？
呢個樣係ShinYoung Kim設計嘅
揭開色彩繽紛嘅杯蓋
撕埋張膠紙就已經聞到陣陣芝士味
一貫厚實嘅雪糕底
芝士味淡淡哋少少甜咁都唔錯
底下啲係一細粒一細粒嘅mochi
夠韌性得嚟微微硬身
不過成杯嘢嘅敗筆都係出喺呢啲魔池度
實在太甜喇！係甜到之後食唔返啲芝士味
成杯嘢得返個甜字然後就沒有然後了…
冇好結尾㖭… 唉… …
呢個食譜係for啲同我一樣窮到出骨髓嘅社畜們嘅（共勉之）
方包 適量（切粒粒備用）
牛油 適量（都係切粒粒啦）
牛奶 適量（冇得切粒喇呢樣）
雞蛋 適量（連蛋殼可加強吸收鈣質）
糖 適量（唔想食甜嘅就落鹽啦）
*今次我手頭上全部有0克0塊0毫升，啱啱好！
全部倒晒落個耐熱杯攪勻
放入微波爐叮到OK為止
食得！趁熱食！
認真返工中嘅苦中一點甜啊…（淚）
未揭menu前我係想食鰻魚飯
點知見到蟹丼喎…
（個實物同menu張圖幾乎一模一樣！）
仲要有pat蟹膏呀
嗱~ 蟹膏係濃味嘅蟹肉都一舊舊咁
鮮味就一般般啦咁蟹膏個味好搶嘛係會比下去嘅冇計吖
啲料係凍嘅不過個飯溫熱有啲遺和感
OK嘅，至少比十勝豚丼個完成度好啲啩
話說同行嘅係一齊去過十勝元祖店ぱんちょう食
佢食前食緊食完都開住個電話張相响度睇 XD
差得遠就預咗嘅
咁作為一碗烤豬肉飯佢算OK咁啦
所以… 好想遲啲蟹季飛轉去食呀！
