All Posts
好L好笑呀你老味 XDDD
個劇情好八十年代港式搞笑片咁
有勁多滑稽笑位打鬥位熱血位反思位
再撈埋啲炸雞喪屍當年情共冶一爐
冇悶場唔拖劇笑足全場
對笑片真係毫無抵抗力啊！
題外話，原本有人提議食韓國炸雞
問起嗰陣先發現係自己有日講過話要去睇炸雞喎…
哇呀辛苦晒總監特登拎過嚟！
兩個鐘頭前先整起嘅新鮮芒果拿破崙呢~
厲害嘅六期啊！
將件嘢完美解體（拍手）
…俾著我切一定會整爛晒
超脆嘅多層薄脆酥皮
夾住香軟微甜x滑溜嘅吉士忌廉
外邊係大大片焗過嘅金黃色杏仁片
加少少開心果碎
最最最重要當然唔少得嗰塊又大又甜嘅呂宋芒
完全慰藉到個下午茶食cake之靈呢！
悶熱嘅天氣… 都真係要爽一吓呀…
抹茶tiramisu味
即係平時去日本餐廳嗰啲tiramisu
個咖啡轉咗抹茶嘅甜品
一般係木仔盒夾心上下層裝住
（封面嘅右下角個樣）
而呢個就四格格仔綠白白綠
爽得嚟軟滑好似食緊雪咁
但係又唔會太清似齋食緊冰咁
抹茶個味都嘅濃
亦唔會太甜
至於個mascarpone味嘛…
唔特登睇返個盒蓋都唔知原來係芝士味
（加上認知嘅tiramisu係必含芝士啦）
以為係香甜牛奶呀煉奶嗰啲味咋
我明白mascarpone係啲淡味芝士
然而唔會冇味到呢個程度嘅…
就咁當抹茶牛奶雪糕咁食係幾爽嘅（笑）
嘆返杯烘焙茶先…
吖~ 個茶味幾香喎
唔會太甜亦唔會有任何奶味冚過佢
雪糕底算滑身
不過就唔係好厚身㗎喇都OK
食得過食得過嘅~
勁勁勁好飲嘅捷克黑啤！
只有淡淡苦味加超濃郁麥味
厚身嘅質地飲落有幸福嘅感覺
然而之後又同平時啲啤酒咁好清爽
層次太豐富，好味呀（大大心）
三月咋喎熱到癲咩天氣呀頂… @#+&#？_-@+！
細個嗰陣都幾鍾意飲奶茶
大大吓就突然戒咗
而家一年都可能飲唔到一杯
（包括台式奶茶）
不過見到呢個寫住「期間限定」又「土炮」咁吖嘛
咪買支試吓囉…
個味係香嘅，好似茶記啲冇冰奶茶再凍啲咁
唔算非常甜咁個味都唔錯
然而港產雪糕都會有嘅弊病：雪糕base唔靚
唔滑身食落似陣風
嗱平日呢啲雪糕連奶味都冇
呢個會有嘅，因為奶茶本身嘅奶味
係㗎喇就係呢十蚊八蚊仲要明知大部分都係俾租金仍然會對佢有要求，吹咩？
嚐鮮試吓個味算唔錯
但係就唔會再買囉（微笑）
廣島Last Day！
岸本3.5牛乳
最後一朝，起身先隊盒廣島牛奶
行車站商場成日兜過呢間BAGEL&BAGEL
不過次次要食嘢都冇食到佢
今朝奔廚終於終於輪到喇
啱啱開舖啲bagel香軟熱辣加埋啲cream餡好好味
執好晒行李去到機場
臨上機前都係要食返餐
唔係好餓嘛咪食得清淡啲 @そば処 菜の里
然而又飯又麵咁都咪話唔飽！
就咁又完一個旅程，死返去返工喇又…
-----------------------------------------------
延伸閱讀：広島！食紀行（8D7N） Day1：尾道らーめん 三公 | 季節料理 なかしま
Day2：e's time cafe & ANDERSEN | 酔心本店 | 幸せパンケーキ | 徳ちゃん
今日食得飽but唔想行街
搞到個行程有啲hea（+少少無聊）
擒日牡蠣屋公休食唔到蠔餐
但都唔會令旅程有遺憾
因為今日係嚟かき船 かなわ食返夠（哈）
生蠔蒸蠔煮蠔炸蠔都有齊，好滿足～
仲要响「沙田畫舫」咁嘅船食哂靚景呢！
SUNTORY×LOTTERIA BOSS SHAKE
大雨商店街漫步中
响Lotteria唞陣飲杯crossover咖啡奶昔先
因為儲夠印花，可以減價買嘢食
就坐低响 みのりカフェ（Mirori Cafe） 食返杯parfait
朝早行去かき船前途經呢間焼肉 牛腸鉄平食堂
就講畀同行人聽「啊～ 啲燒肉放題都幾抵喎仲係稀少部位㖭」
然後條友就建議嚟呢度食晚餐
LOTTE食感・新発見スライスアーモンドアイスバー
雖然食完燒肉放題而且放題係有雪糕食
因為今朝要「遠行」…
所以出發前先嚟大大個桃，超juicy～
あなごめし うえの
搭電車由頭站到尾站
到咗宮島嘛二話不說就去隊碗星鰻飯
時間啱啱好！佢開門冇幾耐
位都唔駛等就即刻入座
只係等佢燒好鰻魚（嘻嘻）
食完鰻魚一出嚟就係岩村菓子舗
老闆一嘢就塞咗個もみじ饅頭俾我
雖然已經好飽但係舊嘢熱辣辣好適合趁熱食
好喇，坐船去厳島喇～
當然有鹿啦！
參觀厳島神社is a MUST
豊国神社
& 五重塔 ，係嚴島戰役嘅古戰場之一
行得攰攰哋又熱喎咪坐响宮島珈琲
食杯咖啡軟雪糕同慢慢嘆呢杯凍齋啡囉
もみじ堂本店
本身對もみじ饅頭（楓葉饅頭）零興趣
嗱~ 咪話我去旅行只係周圍食嘢喇…
43 (キャラントトロワ)
然而呢個旅行嘅美好清晨係都仲係由一個靚早餐加個靚河景開始
就算唔係住呢間酒店都會特登嚟食
係簡單但好好食嘅款式
加埋個景真係心情會超好呢~
縮景園
食飽就行吓遊覽吓廣島市喇
淺野長晟廣島成為藩主(諸侯)後
之後一年(1620年)起參考中國杭州西湖景嚟整嘅別墅庭園
広島城
係豐臣秀吉身邊五大老之一毛利輝元建造嘅典型平型城堡
江戶時代嘅福島一族，之後嘅淺野一族都住過呢個城堡
天守閣响昭和6年(1931年)被指定為國寶
因為原子彈轟炸冧咗
响昭和33年(1958年)城堡外圍修復完成
平成元年(1989年)復原城堡內部
而家係介紹武家文化為主嘅歷史博物館
広島護國神社
主要用嚟供奉二戰身故廣島籍嘅亡靈同原爆遇難的公職人員
お城の茶屋 ソフトクリーム
個神社最值得我“參觀”嘅地方
星期日同紅日先有得買嘅印尼嘢食
（同姐姐們爭飯食乎？）
一包過方便裝，帶去野餐都得
裡面分好一包包菜同汁
蝦片釘紙袋外免濕氣
有齊椰菜白菜青瓜芽菜
簡單烚新鮮菜有淡淡嘅味道
糯米飯球上有tempeh (發酵黃豆天貝)同豆卜
配埋超濃味含果仁嘅香辣醬汁辣得好過癮
印尼蝦片當然唔少得
脆卜卜蝦味又夠濃郁鮮炸版冇油臆味喎
食幾多次都唔厭呢~
加埋軟糯帶韌嘅糕點就超滿足
綠色椰波裡面仲係椰糖
咬出嚟係糖水唔係固體餡好特別啊！
終於校園唔係只係得純愛青春奮鬥劇～
畢業禮前十日美術課老師炸Q咗離開班房嘅路
為求幫班人渣學生上最後一課
熱血嘅老師用最瘋狂嘅方法令學生長大、面對真相
同埋學識要為自己嘅言論與及所作所為負責
畢竟高中生轉眼就已經係成年人
唔可以再好似小朋友咁㗎喇
有老師有學生有刑警
個故事節奏明快
雖然結局都預咗係喊晒口人生大哲理嗰啲
但係無損成套劇嘅張力呀
加上去班房裡面有片寄涼太、古川毅、鈴木仁喎
（已經未計新八阿SIR喇）
如果當年同班嘅有咁高質真係日日返學都願啊～
