All Posts
响酒店（嘅food court）鋸件西冷
逐gram計錢嘅平價牛排
得返較~ 貴~ 價~ 嘅西冷咁咪嗌呢樣
（哦係呀即係嗰啲一係食一係唔食轉身走嗰種）
一啲都唔高大上
呢件300克都只係百五啫
food court嘛當然係冇加一嗰啲啦
新鮮度真係唔識分
因為店家啲牛本身係經三日乾成熟成
反正以呢個價我又冇要求太高
不過呢度嘅自家蒜油就要佢加足三倍（一樣價）
牛排汁唔係平時啲黑椒汁洋蔥汁而係柚子酸汁
會覺得冇咁漏喎
不過一大件蛋白質又點會唔漏吖？
上鐵板前會煎到三成熟
個肉食落都OK嫩
算有啲肉味嘅但我每啖都會配蒜油食
所以牛味同淋汁味有九成俾佢冚晒
蒜油好食呀因為係蒜蓉麻油撈麻油又香又濃
之後食完仲去隊咗罐有氣酒
香港牛奶品牌嘅雪糕
雪糕質地真係mamaday
不過既然有特別啲嘅口味嘛
又不妨滿足吓對食物有些微冒險精神嘅自己
接骨木果（Elderberry）味
同平時啲莓味雪糕咁有微酸嘅味道
再多一種淡淡花香嘅感覺
連埋唔太濃郁嘅牛奶味
就唔會覺得成個雪糕過於清爽
而雪糕base就唔好奢求好軟滑濃厚喇
但係過吓口癮咁都OK嘅…
快閃嘛，話咁快就最後一朝喇…
송정3대국밥（松亭三代豬肉湯飯）
依據上次釜山行
最最最想encore嘅會係天安嘅雪濃湯
然而今次旅程係機張海雲台同西面
冇南浦洞呀，咁咪揀都好想食嘅豬肉湯飯
又係開24小時，想幾點食都得
咁佢又响住嗰度附近嘛，做早餐啱啱好
冇喇個旅程話咁快就完（嗚呀）
最後响機場嘅 설빙（雪冰） 食少少嘢
黃豆粉雪冰一直都覺得好好味
諗都冇諗就嗌咗呢樣先
再加個會飽飽肚嘅芝士年糕
年糕係有三重芝士，勁好味呢~
雖然短暫，但食得燦爛！
-----------------------------------------------
延伸閱讀： Day1：機張 기장 ⇀ 海雲台 해운대
Day2：海雲台 해운대 ⇀ 西面 서면
瞓醒又去食嘢喇…
住嗰間宿係包早餐
有牛奶麵包嗰啲
亦都有家庭必備即食麵（要自己煮）
個麵底幾夠韌湯底都唔錯
不過碗麵唔係我嘅，黐咗一啖嚟食啫
（我只係沖咗杯勁多鮮奶嘅咖啡）
因為唔想塞呢啲嘢嘥個肚嘅quota
等佢食飽洗埋碗就正式出發喇
금수복국（錦繡河豚）
今次嚟釜山最主要係食上次嚟呢度冇食嘅嘢（彌補遺憾）
好似稻草盲鰻機張蟹嗰啲
同埋呢一樣：河豚
間嘢開咗超過40年又24小時營業
想幾時食都得，所以就揀一朝早去食
最緊要試係韓式鍋煮嘅版本
然而鍾意茹毛飲血嘅我亦都有貴一貴試咗冇咩人嗌嘅刺身
視三高為無物仲叫咗份煮白子
好滿足~~~
食得飽又係要行吓行吓嚟消化 @해운대해수욕장（海雲台海水浴場）
去到西面（서면），呢邊入宿係self check-in嘅
不過一直入唔到密碼…
是但啦！拎埋行李走去食嘢先！
嚟一趟週末小(食)旅行…
…朝早機下晝到
check埋in搭程車就go to食食食喇！
기장곰장어（機張稻草烤盲鰻）
個樣好衰黑炆炆一碌碌咁
係盲鰻 x 釜山只此一家嘅稻草起火直燒版
燒好再黑啲所以上枱前店家會剝好晒皮
盲鰻肉超爽兼彈牙
真係慶幸自己特登搭唔識睇字嘅巴士都堅持要嚟！
롯데 프리미엄아울렛 동부산점
（Lotte Premium Outlets - Dongbusan Branch）
荒山野嶺最適合起間outlet
由盲鰻行過嚟唔駛五分鐘超級近
食飽未隊得落第二餐就行返個圈仔消化吓先
기장시장 - 기장대게（機張蟹@機張市場）
好濃好濃嘅抹茶啊啊啊啊啊！
兩倍濃嘅抹茶雪糕
香甜微甘苦嘅味
軟滑唔多氣感覺好足料
雪糕上仲灑上超幼身嘅抹茶粉
但係又唔會入口覺得有粉粒
成個抹茶味比濃郁更濃郁
真係好L好食呀~~~（淚）
今朝留彌於起身同繼續瞓之間
個腦一路响起"What’s in your head, in your head? 生啤, 生啤, 生啤-ie-ie”
好啦，起身出發去飲返杯啦…
gwei•lo - Pale Ale
港人港啤嘅鬼佬
個味好清，伴隨著淡淡果香同微苦味
冇討厭嘅味道又好易入口
Little Creatures - Pale Ale
嚟多杯pale ale，南半球嘅
冇咗日本師傅駐場嘅日本鰻魚飯連鎖店
其實keep唔keep得返日本嘅水準呢？
… 去日本都冇食過，點知啫？
鰻魚重 特上
自私食隊唔落原條鰻魚
唯有退而求其次食呢份四分三條嘅版本
好~ 厚~ 肉~
汁都夠甜；肥漏漏；邊位微微燶夠焦脆
飯唔會爛而且有韌性
可惜我年紀輕經驗唔夠（淚）
佢本身係可以無料加飯
但只係落單前叫先有
咁睇menu嗰陣冇啦啦係唔會知原來佢係得咁少飯
個平面仲薄過塊鰻魚呀陰功
所以食到最後嗰排魚我係要空口食
好L漏囉頂！
鰻魚飯 三食
都係一淨食二加料三加湯咁啦
個魚同飯同上面一樣
壺裡面嘅湯都幾香唔錯唔錯
e？呢支韓清酒唔係真露火酒嗰種咁喎…
飲落微甜再有少少清香嘅米味
似日本清酒咁都幾好味呀
15度但係好易入口冇咩強烈酒精感
唔錯喎佢！
配燒巨大牛脷啱啱好（yeah）
…仲有豬腸豬皮牛肋排，超豐富呢~
難得遇到會嚟呢頭
唔會唔試吓想試好耐嘅布丁燒嘅~
原本只係想買個原味
不過見到menu有Baileys就轉呔
响order前一刻
個小山園抹茶味啱啱出爐
好啦！呢個即叫即(立)食啦~
即食就唔建議倒扣出嚟直接潷嚟食
咁就可以眼望住徹底摧毀logo隻鹿嘅一刻嘿嘿
入口唔會太甜，抹茶味好出
熱辣辣嘅souffle pancake輕身
掂到布甸位會有啲濕
但係都唔會濕到漿口咁，可接受程度
布甸係超熱而滑得骨碌骨碌跣入口
都有好香嘅綠茶味
然而綠茶味都幾強勁
所以除咗甜味(糖) 同綠茶味之外
咩蛋呀奶呀嗰啲味都係食唔出
整體嚟講幾好食，都值得試
咁當然想試Baileys嘅我係唔會唔買轉身走
買外賣都不失為一個好辦法（聰明的孩子）
雪凍嘅就實身啲不過都仲係滑嘅
糖呢家嘢凍食冇熱食覺得咁甜
好一條長長波浪形薯片
冇用錯量詞㗎！
咁佢真係長方形㗎嘛
鹹鹹嘅芝士粉配微酸嘅洋蔥粉
薯片薄而脆不過個薯味唔算好出
長同波浪嘅造型食得幾過癮
唔駛咬兩啖又要伸手入袋
慢慢咬慢慢嘆~~~
意大利菜做法簡單材料新鮮純粹且味美
最緊要係食嗰陣夠隨意嘛…
堪稱完美嘅candle light dinner~
Welcome包，配最最最基本嘅橄欖油同陳醋
包包係韌身唔實的的又唔係只得陣空氣嗰種
點油醋已經夠晒好味
頭盤cold cut
芝士係鹹淡韌硬都有嘅parmesan同teleggio兩種
意大利豬有兩種parma ham同salami
咁叫得做pasta bar當然pasta係主打啦
主菜先嚟碟ravioli
個雲吞皮係店裡面鮮製嘅
同平時屋企啲袋裝乾意粉唔同
乾意粉係粉同水；鮮製嘅係粉同蛋
所以香同軟身，比乾粉更要拿捏好個起鑊時間
個餡係三文魚同mascarpone
香濃味道一咬爆發囉咪就係！
因此個汁好簡單lemon butter
配返番茄仔同比較少見嘅連條條大酸豆 (capers)
