All Posts
喂呀！涼得嗰幾日又熱返喇（汗）
繼續食雪糕消吓暑囉…
間嘢個signature嘅popcorn配雪糕
啲綠茶焦糖popcorn外脆夠晒焦糖味
雪糕滑滑牛奶味非常濃郁
但佢個問題係…
e？又話濟州綠茶嘅？
有綠色㗎佢哋不過好似食唔出咁嘅？
哎吔吔~
早唔到起身去搭船
風暴過後啲冧樹未清理得晒
落完雨又唔想行到成腳泥
但係終於有啲秋意
冇理由唔出去行吓嘅…
嚟到搭吓車就去到嘅赤柱
（啲花開得好茂盛）
避開行商場走去攤檔舖仔嘅赤柱市集
賣遊客嘢居多
所以就咁齋睇唔買都冇咩咁大不了
反正就係想穿過吓呢邊
然後沿路望吓山望吓海咁
有卜公碼頭同美利樓
堆舊建築配埋周圍50%以上外國人種完全毫無違和感
遛狗嘅入餐廳可以泊狗（我冇狗）
放空呢家嘢
坐响度吹吓海風咁過日晨咪幾好…
（不過啲穿雲嘅陽光有啲討厭）
食嘢飲嘢，當然係要坐埋邊慢慢嘆啦~
caffè latte
慢慢嘆得嘅梗係唔少得咖啡呢樣嘢
house blend嘅係混種咖啡
香醇唔點帶苦澀，配奶唔錯吖
bread combo with miso & pickles
話晒呢度係bakery，叫返個包set先
角落厚多士個邊好脆而包位軟軟咁
連埋啲牛油就係啱啱好
我係指送湯啱啱好
平日麵包配湯嘅會係西湯
估佢唔到原來同味噌湯都咁夾
同埋啲唔會太鹹嘅漬物
爽脆鬆軟都齊好出色
尤其隻醃青瓜… 好正！
意大利香草包就散發微微香草氣息
乾面微軟嘅包唔花巧咁食到原味
台式嘢飲除咗珍珠奶茶
當然唔少得黑色一舊舊嘅黑糖飲
四物飲係方便嘅
不過同真正嘅四物湯功效差好遠
而薑飲就會穩穩陣陣
因為係原料係嗰啲就嗰啲
唔需要驚加一大堆不知名材料
（本身包裝係膠樽所以已經轉移去玻璃甖）
手炒薑片再响上面黐住啲風乾龍眼黑糖
入口甜甜哋龍眼味唔算重
然而薑味就好足
官方就係話放幾片加熱水沖泡啦
嘻嘻我就鍾意直接食薑片
好好味㗎，喉嚨暖暖咁
咁佢係有一定嘅熱量
但係相比其他零食口立濕應該會養生啲又冇咁肥膩
搵日先試沖水飲啦~
早餐時間食花生醬好正常吖~
個朱古力脆皮係有啲甜咗啲嘅
裡面個雪糕硬硬地正常Häagen-Dazs雲尼拿味嗰啲
然而入面混埋嘅花生醬先係重點！
咬第一啖，就算個朱古力皮已經好出味
都及唔上個花生醬味飄香
終於食到雪糕位嘅時候
哇哇哇！估佢唔到真係好Q花生味
個醬係唔係齋甜而係間唔時有鹽味
雖然係有少少雪硬咗啲嘅花生醬嗰種感覺
（喂大佬佢係藏喺雪糕入面嘅花生醬囉）
但係入口會溶返啲就會食到花生醬本身嘅幼滑感
加上佢仲有粒粒硬脆又唔細粒嘅花生粒
成個組合就係好食囉！
朝食嘛，係要攝取吓糖分嘅…
一般嚟講，啲戲食過翻尋味之後
通常第二集都會令人好失望…
不過絕對唔適用响呢部戲！！！
繼續由一開場笑到播完片尾曲
角色都係嗰啲啦然後再加一啲咁
忠於動漫內容係有啲完全唔出得街環節冇咗
已經夠爆笑喇好冇？！
玩其他動畫呢樣必然事（隻浣熊呀哈哈哈）
喂呀！仲玩埋啲角色本身嘅真人
好癲㗎不過就係咁先好睇㗎嘛
比上集再少啲齋講嘅片段
唔搞笑真打鬥嘅位剪接得好好
連上集因為個角色睇到出戲嘅堂本剛
唔肯定係接受造型啦唉定係今舖佢坐低咗
又或者純粹同小栗旬冇對手戲啦
感覺都比之前順眼咗
完全唔知點解兩個幾鐘話咁快過咗
開心嘅時間果然係過得特別快！
都係呢句：非常推薦去睇嘅戲，就咁~
-———————————————-
延伸閱讀：《銀魂》
美妙嘅早晨係由一杯好咖啡開始
＠倉式珈琲店
個咖啡好似响lab做實驗咁嘅虹吸式
有鐵板蛋沙律同多士
滿足又醒神嘅早餐
THE OUTLETS HIROSHIMA
落緊大雨冇咩好做就去遠啲遠啲嘅地方
個outlet今年四月先開
都算幾好行（…雖然最後只係敗咗三樣嘢咁大把）
加上個visitor pass係咁遠路程都包
反正得閒咪去兜吓囉～
麦とろ瀬戸内物語
响outlet裡面搵食
唔油膩又好味嘅地道嘢
天ぷら・宝
去完outlet搭返車出嚟
係時候食個元氣滿滿嘅大大碗天婦羅飯
chisin㗎嗰兩條穴子咁Q長長長嘅？！
今晚食雪條！
LOTTE カルピス アイスバー マルチ
広島同名古屋一樣係有洋食朝食文化
所以係唔需要擔心早餐食乜
反而要諗諗去邊間同忍痛捨棄邊間
因為擒晚發生咗啲小插曲
今日又返到本通商店街
抬頭見到呢間好英式
裡面仲充滿住Beatles嘢嘅珈琲店
個名都叫イエスタディ (Yesterday)
好一個和洋食早餐！
行行重行行之後又到食晏時間
唔想食太heavy就揀呢間田頭茶舗
田舍風味，睇落簡單但每樣都食得出嘅用心製作
個茶漬飯啲茶極！好！飲！
如果唔係自己有太多茶我一定會買買買
個set仲可以加埋抹茶甜品，超正（大心）
不過食得light嘅結果都係出走多時會好肚餓
咁今晚就可以剷得到広島風お好み焼き
＠みっちゃん総本店
嚟広島冇理由唔試嘅嘢
而佢嘅飽足度係令我今次旅程只係會食一次
夠喇夠喇堅飽！
7-11 金のワッフルコーン ミルクバニラ
個行程除咗食就冇咩嘢plan過…
所以就可以得閒到去剪頭髮 ＠AUBE hair vicella
反正間嘢响住嘅地方隔離
平平哋嘅連鎖店（香港都有但唔算平嘢）
剪埋染埋修埋眉連稅唔駛五千円
個零鐘就搞掂新碌出發咁行街食飯去
襯仲係早餐時間隊埋個奔廚
＠イースタイムカフェ&アンデルセン (e’s time cafe & ANDERSEN)
最簡單嘅honey x cream cheese真係冇得輸
間嘢本身賣麵包，個包都唔錯
因為新開，仲有袋UCC拎走飲～
食飽就買個pass周圍走
一千円搭三日仲覆蓋唔少地方同工具㗎！
late lunch去咗酔心本店食釜飯
出發前兩日關西俾颱風吹散咗
出發嗰朝北海道地震到癱瘓咗
雖然兩個月前呢度都雨災過
有啲地方到而家都未修復好
不過只係留响広島市中心同去轉宮島啫
去行吓食吓完全夠食冇難度
朝早上機晏晝落機check-in埋就搞掂食碗麵
尾道らーめん 三公
尾道唔係重災區但係今次唔會去
相比廣島沾麵同冇汁擔擔麵
覺得湯嘅吸引啲
加上啲豬油粒真係好Q香
麵條幼身索到唔少湯汁
唔錯唔錯～
剩係食碗麵同餃子就滿足？
NO啦！係食癲前要限・制・飲・食！
因為晚餐係去感受 (食)おもてなし
＠季節料理 なかしま
Michelin Guide広島唯一一間拎三星嘅食府
唔止歪國人覺得好
就連國民食評網食べログ
話說上次飲咗個唔鍾意嘅美國啤
响仲有少少陰影之下…
…都依然都係會試嘅！
呢隻係India pale ale
嗱嗱嗱~ 佢入口有陣花香同橘類嘅甜
氣泡感覺似手工啤嗰種
最後就先有微微嘅苦澀味
好味喎佢！
之後朕check咗吓，原來佢拎過World Beer Championships銀獎㗎
即係唔止我覺得佢好味（就係要拉其他人落水）
Happy Friday呢~
放完假返工成個working dead咁樣
搞到近期坐隔離位嘅座位暫借問經理
都忍唔住同我開心些牙啲提神下午飲實行補一補咁話
一打開個樽就爆！香！紅棗味撲入鼻
因為裡面係極濃郁嘅紅棗蓉呀
然後一沖啲熱水入去
啲人蔘味就彌漫响空氣中
聞落已經好猛料
飲埋就更不得了
嗱~ 我就冇溝到太甜啦
趁熱飲（可入口溫度）由喉嚨暖到入肚
塊面仔都紅潤咗啲啲咁
個味幾好呀，不過醒神呢就冇喇
（咁人哋都冇話係提神飲料吖）
反而暖笠笠咁更添睡意
今日都係不宜勤力做嘢
繼續扮工到夠鐘收工返屋企食飯沖涼早啲唞先~
