All Posts
話說年頭差啲搭到EVA新幹線
最後因為行程改動錯過咗
點知我唔搵佢；佢都會飛過嚟見我哈哈
等位期間當然响門口附近影吓看板
初号機真係點睇都咁靚
餐牌都係佢
啲樣流流地嘅 使徒、襲来。
膠樽就不必了（耍手）
第4使徒の牛肉チーズライス
哈哈哈都算似樣嘅
芝士牛肉飯嘛… 味道一般般啦咪都係平時沙嗲王嗰啲味囉
初号機のあつあつスキレットデザート（碟豆花（バタフライピー）練乳）
初号機（蝶豆花煉奶金磚）即係雪糕奇異果加炸饅頭
最簡單嘅嘢冇話好唔好食嘅
最緊要係嗌嘢食同甜品都有呢支ロンギヌスの槍送啫呵呵
店內當然有動畫場景
有冇人記得啲台詞？
綾波レイ
埋單前再影吓啲企牌
碇シンジ
惣流・アスカ・ラングレー
真希波・マリ・イラストリアス
渚カヲル
話說今日又到呢個blog嘅週年誌慶
依然係冇抽獎冇嘢送冇嘢睇亦都冇人睇
有時懶得寫就由得佢哈哈…
不過冇咩所謂，已經係足夠自high咪OK囉
其實由半年前就已經係想將呢度轉型
好可惜懶癌發作唔好話將啲文搬屋
就連字都變成唔想打
搵一日冇咁懶嘅話（？）
可能就會有新嘅嘢出現
網址唔改，所以應該冇咩會變
自己期待吓自己會有真係改嘅一日啦
（因為冇人會有呢個期待）
而同一日，係我繼續响呢間混帳公司做嘅第八年
同初初入職嗰陣嘅好上司唔同
如果要講調咗部門嘅情況下
貼切地形容同上司嘅關係就只有呢首歌…
嗱，本身首歌嘅旋律幾好聽
啲妹妹跳得好型兼好睇
最最最重要都係啲歌詞啦
↑↑↑
懶得搵翻譯，有台版字幕
係嘅，又係收好多果籃同月餅嘅時節
今年一如以往又有林林總總味道嘅月餅同生果食呀食
而呢個Starbucks嘅禮盒有埋個月亮燈籠玩
一嘢就做咗門口個燈罩…
因為就咁擺老老實實咁做燈籠其實唔靚囉
已經開咗燈但係一啲氣氛都冇呀
唔… 冇咩我返入屋繼續剷月餅先喇（嗝）
我深信食雪糕同飲寒涼嘅綠茶都可以降溫
拎得monde selection金獎
唔使諗㗎拎起走去畀錢啦點會唔好食吖
monaka個皮唔係脆身嗰隻
中規中矩嘅韌度啦
個味係好在個九州產嘅八女抹茶雪糕餡
爆香濃帶微苦嘅抹茶味
雪糕嘅質地厚實
茶味中有平衡甜味嘅牛奶味
吖～ 係幾正喎，仲微微凍返啲
不過一出返無冷氣嘅地方又熱返喇（淚）
浮世絵 － 源於17世紀嘅日本畫風
用色同風格都好獨特
直到而家嘅日本
都仲有大多數嘅傳統紋身師
要學習一定程度嘅浮世絵之後
先可以夠資格去幫人紋身
然而當代藝術得以承傳
梗係唔少得新舊交融呢個階段
噏完一輪無聊嘢，入去喇… 終於～（嘻）
有幾位artist嘅作品
雖然都係浮世絵但係畫風好唔同
幽默感十足嘅一系列畫作
去澡堂玩嘅美人圖
點解係玩？有水槍有黃色膠鴨仔
一路睇一直忍唔住笑咗出嚟囉
著nike食抹茶扭紋軟雪糕同扮聖母
玩得幾盡吓喎老細，哈哈
响浮世絵中廣為人知嘅一幅
葛飾北斎嘅《神奈川沖浪裏》
藝術家當然唔會放過
硬插個驚訝表情嘅美人落去
不過唔算好突兀嘅
即係咁，個身一熱就咩都諗唔到
只係諗辦法降溫降溫降溫
見到佢寫住「長期低温熟成」
心裡面嘅os好自然就係：
佢大部分時間都處於涼浸浸嘅狀態
飲佢嘅話移植少少涼感俾我都好
加上呢隻係奇怪地超親民價格
所以就算係平時都幾嫌棄嘅Kirin
都俾個機會大家
果然唔錯！
唔鍾意Kirin啤其中一樣係唔知點解有浸強加上去嘅苦味
呢隻個苦味唔太出
取而代之係微微飄出嘅麥味
講唔上好香不過比之前嘅Kirin好
都算幾好㗎喇
至少下次冇嘢揀可以考慮佢
至於散熱問題
响街飲，唔覺得真係涼咗好多
六月都未到就熱到咁好Q難頂呀呀呀～
唔同人睇嘢嘅角度都唔同
咁五呎二同萬一呎望嘅香港
梗係好大分別啦！
係就係YellowKorner
不過今次Le French May擺嘅唔係呢邊
個展係响PMQ嘅
（不過YellowKorner先有張大燈箱poster嘛）
同Le French May最大關係
除咗YellowKorner呢間法國相舖之外
梗係法籍攝影師Alex Reyval嘅作品
攝影高人响咁高空影嘅香港
俯瞰呢個香港感覺較整齊
唔似得平時睇落周圍都巖巖巉巉咁
果然換個角度，睇嘅嘢完全唔同…
夏天咁鬼熱出去游吓水
唔去泳池飲氯氣不如去海灘
不過要小心唔好打攪啲鯊魚呀！
唔係嘅話佢就咬咬咬㗎喇～
玩家出數字牌
炒咗冧巴就唔游得
然後有得游嘅就跟次序游上去
游得最慢排最後嗰位
就要俾鯊魚咬甩手手腳腳
（再掉返去最前）
直至游泳隊其中一員俾鯊魚食晒
屍骨無存咁就gameover
排最前嘅就贏喇（耶）
哈哈哈，都幾好玩喎！
個game裡面啲鯊魚係衰就衰啲一路食人
但係都唔代表現實中要以牙還牙咁食魚翅喎！
作為唔識正確地運用腦袋嘅我
係冇玩過咩密室解謎嗰啲game
何況係設計一個遊戲
不禁懷疑自己其實參加緊啲乜（笑喊）
但係玩完個相對簡單
而又能夠take message嘅game
再聽埋個後續講解嘅實境遊戲
同呢個創作室計劃簡介
又好似唔係想像中咁難咋喎
（呢個女人係非常容易落搭嘅）
呢種社區遊戲創作
based on樂施會講嘅社區議題
配合boardgame x 密室逃脫 x 野外定向玩法
務求有得玩之餘學到嘢睇到嘢
要堅去參加成個創造歷程
就要上多幾次堂
同埋飛去臺灣實地試玩幾日！
個價好抵又唔駛請好多假
（平日嘅話，成個計劃只需請一日假咁少）
「究竟我去咗個咩地方呀？」
係一路响場裡面行嗰陣嘅os…
一堆有燈嘅裝置同俾細路家長放吓電嘅空間
啲公家凳仔係要爭嘅
絕對係塊考驗公民教育同家教嘅現形鏡（笑）
咁除咗啲即晚已經壞燈唔著嘅搖搖板氹氹轉
仲有呢種踩呀踩仲未壞嘅七八十年代舞池
踩得夠大大力咪變色囉
如果以九十年代跳舞機跳butterfly嘅力度
個sensor就感應唔到㗎喇
呢邊廂那些年代嘅玩兒
那邊廂仲有呢種哎吔吔唔好掂到呀嘅通電條條 《考驗》
响熱到癲嘅天氣下
肯用力踩單車去動力發電嘅人堅厲害
空蕩蕩嘅area
有落力抱頭打碟炒熱氣氛嘅DJ
可惜音響壞壞地，時有時窒時停咁啦
場內signature藝術品係呢件
《怪獸》－ Jay Hofmann-Forster
無得入去玩嘅吹氣公仔一隻
再加一系列LED藝術裝置
《母》、《蛇》、《樹》、《獸》、《靈》 香港嘅空間設計師葉小卡
向來迪迪尼啲咩美式卡通人物都唔係我嘅菜…
只不過見到佢係玫瑰味又平平地
（100円only但唔係百円店入手貨）
由樽蓋到樽身嘅設計都幾靚
仲係made in Japan爛船都有三斤釘貨色
就算唔係噴頭噴身
買嚟噴衫噴屋噴廁所都值得入手
正所謂一床不能藏二女之下
呢隻sleeping b__chy應該同我唔算好夾
隻玫瑰味俾好似細路泡泡浴冚晒
是但啦，唔用嚟噴自己就OK
講開睡美人，又不如講吓白雪公主
件事係响1937年開始
有住美妙嘅聲線同歌聲嘅演員Adriana Caselotti
以970元美金嘅酬勞幫白雪公主配音
（換算而家嘅幣值大概1萬6千幾美金咁上下）
同迪迪尼簽約中有呢個條款：
「未來唔可以再接演其他電影嘅配音或演出。」
（包括電台節目同其他會出到佢把聲嘅一齊演出）
原因係迪迪尼唔希望大家對白雪公主嘅幻想破滅
所以就算當年首映嗰陣
自細唔鍾意寫毛筆字
因為覺得啲墨搞到周圍好污糟
收拾起嚟非常麻煩
但係，由最黑嘅液體
造成令人有安心平靜嘅字
就咁睇，都係件賞心樂事吖～
