All Posts
情人節玩收花呢家嘢就真係咪搞我
不過見到張七仔印花幾靚keep吓都得嘅…
當然因為呢個鬱金香造型嘅大口仔兜已經入手（撒花）
係完全唔襯大口仔嘅深橙色底啊！
不過見到佢個樣都已經夠開心
繼續笑口常開啦哈哈~
…些些HIMHIM（嘻）
冇酒牌就冇得嗌酒
drink menu裡面有果茶台式甜嘢同咖啡
覺得果茶唔夾食台式嘢飲太甜
夜晚唔想飲咖啡
仲有礦泉水同有汽嘅水
就係冇一個侍應老闆有諗過斟杯house water出嚟
驟眼睇，真係以為自己係去緊啲比花園金鳳更低層次嘅地方食嘢
然而… 唔係囉diu~
頭盤嘅生蠔，新鮮嘅有蠔香同海水味
唔需要落咩檸檬茄醬都啪得落
都係頭盤嘅忌廉青口
高質呀！個汁唔係一pat白色厚麵粉同牛油base嗰種
而真係稀身鮮忌廉嘅汁
講緊嘅高質其實唔只講個汁
係隻青口本身真係好掂
佢並唔係一般平時啲全熟青口
半生嘅，咬落帶香兼軟滑
配埋個唔會過濃味嘅汁就just right
是日例湯係甘筍湯
夠滑而唔係heavy嗰隻
麵包OK啦，唔驚艷嘅配湯包咁
因為工作而好很嬲
但係如果只係為朝九晚五生活去死腦細胞就實在太唔值
好啦！咁食返碗凍嘢冷靜吓同cheer up吓~
特上北海道海鮮丼
有齊劍魚吞拿魚腩帶子三文魚籽同海膽
刺身同帶子都係肥厚厚貨色
口爆子味道香卻唔會過鹹
海膽味唔係非常濃不過都夠香
醃蘿蔔同牛蒡爽脆
就連wasabi都唔算求其管裝唧出嚟嘅貨仔
飯夠同唔會濕黏度啱啱好
成碗嘢料新鮮底扎實冇嘢唔鍾意
生活嘅嘢就係咁
就算唔想做嘢食白果
然而响menu見到鹽燒白果串都係會嗌嚟食
新鮮嘅食材同烹調方法就係純粹又好味
（後面碗鰻魚丼都唔錯呀）
食完嘢隊埋啤雖然都係消唔到工作啖氣
畢竟都放咗工，要嬲都聽朝九點先準時嬲啦…
一到立春就踏入豬年
搵隻金豬賀一賀佢！！！
3D砌圖一副
有皮有肉有骨有內臟，完美！
豬殼砌入內臟
再放好棚肋骨
擺埋啲肉入去
閂埋個金豬殼就完成喇～
仲有個架擺火腿，正！
之前黒豚嗰陣已經想買
不過嫌佢一半黑一半啡冇咁靚
今次呢隻福字金豬嘛
咁好意頭冇理由唔買嘅… 嘻嘻嘻
响農曆新年感覺中秋節嘅氣息…
鹹鹹地嘅流沙鹹蛋黃醬
真係沙沙地而且味道香濃唔假
因為味道實在太濃郁
本身個雪糕就已經食唔出味
唔知佢係牛奶定vanilla喇
不過都冇阻佢嘅滑
哈… 食落甜甜地又帶少少鹹
凍冰冰咁仲幾香鹹蛋黃味
同食凍嘅流沙奶黃月餅差唔多
個分別應該係平時啲奶黃月凍咗個餡唔會流
既特別又熟悉嘅味道咁，試吓無妨
但係同月餅一樣唔好食咁多（笑）
去首爾嗰陣都有食過呢間炸雞
不過當時就唔覺得非常驚艷
BUU-LINKLE
居然會俾呢兜雞深深咁吸引
脆身嘅皮被滿滿嘅芝士粉包覆住
裡面啲雞肉嫩滑多汁仲留有好香雞味
個炸漿做得太好
食雞食到最後一件
裡面啲肉都仲係又嫩又熱㗎！
點唔點個乳酪醬都OK呀
齋食炸雞好悶嘅
啲炸薯條細細條咁
加蜜糖芝士醬，鹹鹹甜甜咁少少怪
夾埋杏仁片食嘛…
我極力地响食薯條嗰陣避開啲汁
而右手邊嘅波波好正呀
（咬～）
係芝士波呢！
小心咬開硬脆嘅外皮
就食到融化咗嘅韌韌芝士
漏嘅程度唔會輸俾芝士炸雞
但係實在好好食，漏就漏啦哈哈
set裡面嘅salad
大大兜幾足料
味道唔錯嘅冇咩特別咁啦
新年冇得去日本嘛
咪食吓寿司就當自己去咗囉…
（反正去日本都冇食過）
壽司醬油都係用返自己名同配方
美登利 日本酒
冇咩idea飲咩好嗌house sake就最穩陣
酒精16以上17未滿
新潟米味少少甜淡淡哋都唔錯
鮟鱇魚肝軍艦
內臟尤其膶就係好好好濃味嘅嘢
魚味勁重，好似啪咗成甖kawaii咁 XD
吞拿魚筋壽司
香港冇點見過嘅吞拿魚部位
唔係咩貴嘢而係下欄嘢
不過唔好睇小佢
魚油味好重，仲係吞拿魚嘅味喎！
特上壽司組合
哇！响香港第一次見舖頭壽司上面嘅数の子（右下）唔係一片片而係成條上
爽爽嘅魚春食得好過癮
特選壽司組合
哈哈哈哈哈哈哈
真係好L正呀呢盤
Mmm… 如果唔係有個陪行嘅tour
我應該係唔會嚟呢個咁悶嘅離島
坪洲
係咪都搭船入架啦
通常啲人都會由中環去
不過其實由稔樹灣入會舒服啲
睇你點睇啦…
本身碼頭嘅指示唔會好清晰
但係船頭雞乸咁大隻字
咁都望錯梅窩船嘅話我都幫你唔到
啊！就係參加咗呢個冇嘢食嘅「日日為食坪洲團」
係香港同印度嘅藝術家交流活動咁啦
咁坪洲真係冇咩好講
係客家潮州蜑家三分天下嘅島
興盛時期係响好多年前做廠嗰陣
話說呢間好厲害嘅火柴廠
請二千幾人入嚟坪洲打工咁
而家當然冇晒啦
又會填海起堤壩起啲公共設施起吓樓咁
唔太現代又唔多舊嘢冇咩島特色
個tour guide話老島民介紹嘅舖頭涼茶
（然而佢自己係冇幫襯過）
飲咗銀菊露同手上呢支夏枯草
居然响七仔搵到捷克啤！
酒精度低但係酒味濃
深沉帶香嘅麥味
夠汽又夠凍
响濕度高少少涼意不過又出唔到汗嘅日子飲就啱啱好
個天氣再涼啲同乾啲就好喇…
响美林邨飲美林邨啤酒…
港仔嘅麥子手工啤
氣泡滑麥味夠清香
配搭香檸薄荷呢個清新嘅味道
帶香味卻冇甜味呢嘢正呀
個甜味留返晒俾啲麥，Good~
食咩要配呢種地域限定啤？
同樣係港仔嘅肉！餅！哥！
鹹香煎肉餅唔送飯送就更合拍
清熱又清新嘅感覺呢 -———————————————-
延伸閱讀：麥氏釀酒廠 - 公利啤酒
睇佢個樣其實我冇諗過佢係朱古力囉…
見到「禁断」呢兩個字就買咗
相對女色會更親近藍色
買波子汽水 (梳打)味好正常吖
（另外一款係綠色提子味）
外層係酸味嘅汽水粉
中間係含爆炸糖嘅汽水味朱古力
可可脂嗰啲白朱古力混合物
唔係咩幾十%純黑朱古力
爆爆吓咁都幾爽㗎
最裡面嘅係汽水味糖
非入口即溶嘅散散粉糖
亦都唔係平時汽水糖嗰種硬糖
易咬開又唔算快溶嗰隻啦自己領會吓
好少食呢種嘢不過食落就覺得都幾邪惡
佢唔係好甜但係有好強嘅吸引力
嗰種食完會忍唔住又開袋拎一粒擺入口呢家嘢
真係好考驗個人嘅定力同忍耐力呢~（握拳）
因為之前食咗個冇綠茶味嘅綠茶雪糕
真係要食返杯有料到嘅中和返吓…
好深綠嘅顏色啊！
佢好滑好滑聞落冇乜但入口超~ 濃~ 郁~ 抹茶味
唔會甜仲帶微微甘苦
食每一啖都一直感嘆住：好濃抹茶味呀~
適合所有雪糕黨especially抹茶控呢！！！
