[韓] The Joomak
又去食唔辣嘅韓國嘢~
韓 • 仙人掌果酒
話係「冷霧鮮果特飲」
真係有啲白煙响度（個樽中間嗰層）
微微嘅甜味 x 極淡嘅酒味
當係detox water咁飲囉…
反正裡面都係啲生果呀有片仙人掌咁
韓式烤美洲巨鰻扒
衝住呢樣嘢而嚟
因為今日係加一蚊多一份
（呢碟已經係兩份喇）
大大片好厚肉魚油滿滿好滿足
已經調過味就咁包埋葉食啱啱好
呢盤唔係花槽係包菜葉
kimchi們，大兜嘅係熱嘅好新奇
酥炸芝士魷魚桶
佢個炸漿同魷魚之間有好大嘅距離
有住同韓式瀏海一樣嘅空氣感
不過芝士有拉絲魷魚都算新鮮
其實幾好食嘅…
個鰻魚實在太重份量
搞到叫唔到芝士方包炸雞嗰啲飽肚嘢食
無啦啦食咗個海鮮餐㖭，哈哈~