All Posts
早餐都未食，就 (又)搭假日六折火車出發…
今日向東行
冇去到都幾東吓嘅Liège（列日）
只係近近地嚟Leuven（魯汶）
落咗火車行段小小嘅路就去到市中心
文學家Justus Lipsius嘅雕像
Sint-Pieterskerk（聖伯多祿教堂）
响986年本身係一間木教堂but 1176年燒清光
然後再用石頭嘅羅曼式建築replace返
而家見到嘅歌德式樣係建於15世紀
由1425起到1497超過半個世紀
題外話：右邊個Stella Artois好搶眼
YES！Leuven呢度就係佢嘅故鄉喔！
經過兩次世界大戰嘅破壞
（1914年火燒冧咗屋頂；1944年炸爛咗教堂北部）
雖然係咁，裡面仲有好多藝術品啊！
其中有Dieric Bouts畫嘅The Last Supper真跡
（呢張唔係真跡啦come on）
呢隻韓版KitKat有同Etude House crossover眼影
對嗰盒platter冇興趣
咪睇吓同期出嘅堅KitKat囉…
一打開包裝就聞到strawberry jam同甜芝士味
陣陣爆甜嘅味道聞得出都食得到
個士多啤梨果jam味好出
跟住係芝士飄飄吓咁
當然唔少得KitKat中間層威化
嗱！我係好強調係strawberry jam而唔係純士多啤梨味
因為真係好很好很好很甜
雖知道食KitKat就預咗甜㗎啦
但係真係甜到嘔嘛食半條都夠患糖尿嗰種
不過甜還甜，隻士多啤梨味唔假唔化學
算係咁啦好過隻芝士味話散就散不帶走一片雲彩…
可惜真係甜到伏喇，冇可能再回購（揮手）
一年都冇化幾多次妝
而一向唇色夠,，呢世人冇點買過唇膏…
但就係因為用過嘅所有人都推薦
再加上俾我搵到心水限定色（！）
唔係小女孩嗰隻淺粉紅（心）
超自然嘅顏色實際上同我嘅唇色一模一樣
搽咗上去唇紋會消失咁滯同都幾保濕唔易甩
同埋有啲細細閃粉們唔會誇張閃
勁正囉支嘢（絕對明白點解個個都鍾意佢）
好喇… 平日唇色夠就咁用潤唇膏就夠
咁幾時先可以派佢上場呢？
化咗妝用嚟完妝係會嘅
最緊要出動係：狀態唔好個咀連色都冇嗰陣
因為講過啦佢基本上同我本身隻色無分別
唔掂嘅時侯加返少少色唔好嚇親自己嚇親人嘛！
買咗火車飛同有咁好嘅陽光梗係唔好嘥！
回程火車途經Gent，留低腳毛係必需嘅（握拳）
咪睇個火車站外表咁有歷史感
佢裡面嘅新翼嘅現代感超強
咁舊翼啲壁畫依然證明到佢嘅風霜
有火車站行出嚟沿路都見到啲人食住一模一樣嘅雪條
原來係有免費雪條派！
嗱！拎咗嚟食就影低幫人哋賣吓廣告先
Magnum嘅White Chocolate & Cookies脆皮雪條
面頭個朱古力皮加埋啲朱古力餅粒好似orea咁
裡面係vanilla雪糕，味道當然係甜啦～
不過响呢個烈日當空嘅大熱天時食係都有輕微降溫作用嘅
由火車站入市中心可以選擇行20分鐘嘅路程
咪癲啦咁鬼熱梗係坐路面電車啦啦啦！
搭程車幾分鐘之嘛話咁快就到
雖然都唔少人但點都唔及Brugge
加上啲路又闊啲嘛，感覺好舒服多
好適合周圍遊蕩
仲要咁天朗氣清嘛…
好似兩棟樓其實係同一建築物嘅Stadhuis Gent（市政廳）
响1515-1539年文藝復興時期起嘅哥德式建築
零食牌子おやつカンパニー同Cheese tart店PABLO嘅“賴尿牛丸”
當然係PABLO嘅芝士撻味
外面係好似早餐粒粒咁包住裡面cream餡咁
聞起嚟係有芝士味嘅
第一啖擺入口都有少少呢種味
不過咬多啖就已經得返甜味
同一路落去好甜嘅味
就係唔好味囉！
就算有幾鍾意PABLO都千！祈！唔好買！
伏到癲！！！（妖）
話說飲果汁唔係咁健康喎…
好啦！我自動減51%（即刻有益咗係咪？）
橙 x 提子 x 桃
三隻味都好出飲落聞落都有香味
酒base係vodka
份量唔多酒精度得4%
所以飲落有啲水水咁
啊係呀，過咗陣果味就已經好淡口
當飲detox water呀果味水咁都OK嘅
至少夠凍飲落涼快吖~
襯未俾人整爛同地氈好污糟之前
都係早少少入館睇啦…
經過梵高一役，我死都上網訂飛
反正上網訂抵啲
加上，今日嘅門票騷歐冇即場飛
不過個展擺足兩個月
平日嘅話唔會咁多人去嘅
着好鞋套就一嘢飆上三樓
同一般認知嘅彩色花花唔同
本冇咩介紹嘅場刊係用暗黑系concept
三樓黑色風格入口
呢層有兩個展廳
「分別係宇宙初生的啼聲 The Birth Cry of a Universe」
同「藝術家收藏 The Collection」
當然係先直入宇宙初生的啼聲 The Birth Cry of a Universe
响周圍充斥住濃郁味道嘅夏天
去「體驗」吓啲香味先！
啲霓虹光管顯得同個牌子唔太夾咁嘅…
先去創意前廳
呢度係三位founders嘅靈感泉源
首先係嚟自越南嘅打開窗門嘅清新花香
然後係撳制會開門嘅升降機
裡面係以剃鬚膏做靈感嘅香水
行李裡面有住希臘無花果樹影像
香水係帶有前調草香跟著撲鼻係新鮮無花果味
極級fresh又夏天嘅味道
下一個房係創作總監嘅辦公室
牆身嘅畫作，佢哋啲香水樽都係畫晒兩面畫
而每個味道嘅貼紙都係唔同嘅
試聞吓隻“剃鬚膏”味演變嘅過程
插畫室
成地都係畫
有本身三位已故founders嘅畫作
呢張係明信片複製品
係其中一個創意總監嘅朋友寄俾佢
之後就叫埋個fd去創作呢幅之後嘅樽身貼紙
一樽二樽，原材料實驗室
聞吓啲香水嘅原材料味咁啦
睇完，有得任揀post card仲包郵呢
雖然唔係住响九龍城
不過因為土瓜灣十三街呢邊太有特色
就嚟試吓將佢嘅景致放入個小小燈箱度
呢個係九龍城主題步行徑嘅其中一個活動啊！
好！工具準備好晒就開始喇~
首先係將構圖畫落五張薄咭紙度
一啲都唔易，因為十三街有好多嘢都好突出
條街啦景啦建築物啦
仲要諗吓係咪畫到同cut到喎…
即係咁，畫好就cut出嚟呀挑通呀咁
彎位考手力位置準確唔好整斷等等啦
然後就黐好啲牛油紙上框
跟住鋸好齊輯輯嘅竹籤黐去做腳
同埋做埋上下兩邊
黐好晒四邊
立起嚟就係咁
同埋咁
職員會幫手用熱熔膠黐好盞燈响底
搞掂咗黐埋個頂就完成㗎喇（yeah~）
成品梗係要用黑底先睇得清楚
先嚟「十三街轉角位」
cut死我嘅「煤氣鼓」
（起個稿太求其之後怕整錯位會爛好彩最後冇事）
構圖後覺得唔太靚嘅「街景連車房」
well，啲車唔講應該唔會睇得出
就算有風吹嚟都仲係又濕又熱嘅天氣…
飲爽快嘅嘢飲就最啱！
個strong係因為佢有成9%酒精
含多啲啲vodka嘛係咁上下
西柚味清香唔甜真係堅正
最重要係飲完透心涼呢家嘢feel so good呀~
爽呀！
Suntory嘅啤酒一般都唔會令人失望…
入口果味香濃
不過慢慢個味有啲水水咁（淡！）
但之後就留返酵母同麥嘅味
pale ale本身嘅感覺出返晒嚟
中度嘅苦味，有微微响比利時飲draft嗰陣嘅氣息
整體嚟講唔錯嘅~
