All Posts
凌晨起飛清晨落機
班機delay咗差唔多兩粒鐘所以好夠瞓！
同埋天光落機個人已經ready to run～
羽田出發去邊都好就近
落機慢慢去counter拎張免費sim card
再去撳撳機買車飛就上火車直奔去三浦
响三崎口駅落車後轉車
車飛係包埋三浦地區巴士
所以就咁一嘢過埋城ヶ島大橋
抵達三浦最南端： 城ヶ島
咁樣直衝三浦為咗乜？食！吞！拿！魚！囉！！！
因為呢度都係吞拿魚拍賣地
近廚得食嘛…
正所謂飛返轉日本食個早餐
就係要食當地嘢，呢間叫まるか
吞拿魚有好多做法，除咗刺身仲有食到唔同煮法
新鮮嘅嘢簡單整就已經好好味～
食完少少吞拿魚周圍兜吓
見到有懷舊樣嘅蛋糕們賣就揀嚟試
點知見到呢件マグレーヌ
係舊式蛋糕裡面有吞拿魚肉碎，好特別呢
佢係一把非常之好嘅長遮！！！
セブンプレミアム ライフスタイル
SEVEN&i Premium Lifestyle出品
日本七仔好物，美妙嘅黑色唔似港版紅綠橙白7到爆
修長嘅身形，手柄粒制遮骨遮身遮布都係滿滿設計咁
唔只係得個樣㗎，遮風擋雨樣樣都做到
所以佢有拎咗Good Design Award 2016 BEST 100
然而風雨不改陪咗兩年嘅佢（正確嚟講係一對）捐軀了
硬硬淨嘅佢唔係爛咗，係要嚟擋更加重要嘅嘢！！！
至少要擋到幾多得幾多，加油啊你哋～
你哋唔係best 100，係我嘅THE BEST！（敬禮）
夏雪，呢間好好食嘅waffle有兩間舖
今日梗係去大圍分店啦～（哈）
皇家伯爵茶窩夫
勁！Earl！Grey！嘅味道！
waffle外脆內極韌，茶味每啖都有冇走失
用少少糖漿調吓個味就已經perfect
雪糕都係濃郁Earl Grey味
奶味茶味甜味完美地响口裡面三分天下
配埋waffle就齊晒唔同感覺嘅茶味
焦糖菠蘿更加係畫龍點晴
面層塊脆糖好食就不在話下
燒焦過嘅菠蘿再爆甜味
除咗好食！都仲係好食！
紫薯窩夫
只係蕃薯愛好者又未至於紫薯甜品控
但見到係招牌貨都會嗌吓嘅
甜薯味香，將薯蓉塞响waffle裡面
就變成外脆內韌中間軟滑
相比已經預咗好食嘅waffle個豆腐雪糕先夠驚艷
豆腐花雪糕咁，又香又甜又滑
哈蜜瓜都好甜絕對唔會輸比球雪糕
牛油果及煙三文魚窩夫沙律
waffle當然有鹹有甜
個waffle即整梗係新鮮
平日較鍾意泰式海南雞
不過新加坡式嘅間唔時食吓都幾好
天天海南雞
寫例牌但係超大份
雞唔肥，雞皮薄薄皮肉之間無肥膏
肉香滑唔乾柴又夠雞味
配埋特色辣醬非常夾
平日鍾意點點醬油膏嘅我都一秒轉軚
雖然應該會更相輝映但都冇嗌油飯
好啦！搵日lunch嘅時候再試吓
酒糟四寶
細細聲講，我覺得呢兜嘢比海南雞更！出！色！
有醉雞翼雞尖雞腳雞腎雞膶
樣樣都勁足花雕味
酒味濃郁又唔鹹之餘仲要勁入味
太好食喇實在，超讚！！！
鹽磚和牛
响佢同牛骨茶之間揀
侍應哥哥話茶會漏啲同埋呢碟受歡迎啲
不過其實啲牛都幾多吓，好飽呀
和牛軟滑切細粒，上面爆多木魚碎咬落脆身帶微微魚香
牛肉底有炸紫菜同軟牛肉好夾
本身已經夠味不過都會沾少少下面塊粉紅岩鹽版
送飯送酒就揩多少少鹽齋食就唔駛
加返辣椒碎食就再突出啲
諗住睇吓有咩書好，見到《我想吃掉你的胰臟》
（君の膵臓をたべたい by 住野よる）
就變咗搵吓邊度有好食嘅內臟（哈）
坐低未嗌嘢就有前菜冷番茄
好新鮮嘅清甜番茄浸响柚子醋度
絕對係美好嘅開始！
食串燒飲啤酒就最爽～～～
呢度除咗有Suntory ザ・プレミアム・モルツ
仲有甜甜唔會苦嘅Suntory ザ・プレミアム・モルツ〈黒〉黑啤
日本啤最專注佢層綿滑細密嘅泡
所以好多日本啤機都係會有一條出酒一條出泡咁
呢間係食豬串燒，仲有好多係內臟㖭
先嚟串豬喉軟骨串（フエナンコツ）
簡單灑鹽就燒，勁爽脆cop cop cop嘅感覺
仲有啲豬香味好正呢！
豬顎骨肉串（豚のアゴ肉）
啲肉同我塊面一樣咁彈吓彈吓
西班牙產豬肩肉串（スペイン產イベリコ）
イベリコ只係ibérico咋喎，點解唔譯埋個膊頭嘅？
因為唔點駛排隊所以食
作為soufflé pancake就好似唔太鬆鬆厚
（已經係即叫即整等咗約干分鐘都仲係唔升高高…）
而crème brûlée其實係個焦糖面
不過加埋pancake嘅香甜蛋味
就真係齊晒crème brûlée所需嘅料
味道係正面嘅，有蛋香又足甜味
鬆厚唔夠個浮雲感爭少少咁啦
pat仔cream唔錯不過只係得嗰dd
雪糕ok la不過不失生果都係新鮮嘅
以港產日系pancake嚟講算係咁
但如果要排長龍食呢就真係唔值喇～
細細盒，一盒memo一盒貼紙好抵玩
係18’ 嘅日！版！呀～
仲有日版出真心安慰
裡面有45張貼紙仔
同40張memo紙
啲memo咁鬼靚
俾人撕咗嘅話會好心痛㗎（淚）
…but撕一貼百，用返辦公室黃memo再貼過啦啦啦～
唔係樣樣嘢都食唔返以前嘅味道啊…
BB鴿
紅燒嘅白鴿小寶貝（muah～）
皮脆餡香鴿肉味香又juicy
當然唔少得軟軟滑滑乳鴿頭
即係個腦呀，嫩嫩滑咁太好食喇！
招牌雞粥
粥面雞油香粥軟綿而雞肉比粥更滑
滑得嚟唔會冇雞味
同細個果陣食嘅一樣：啲生蔥都仲係好辣好難食 XD
豉椒炒鵝腸
Mmm… 唔係好覺眼啲豉去咗邊
由賣相到味道都係洋蔥彩椒炒鵝腸
鵝腸量都唔算少，冇臊味唔臭爽爽咁囉
不過同頭先兩樣比就真係比下去
咁間嘢响我未出世嘅70年代就只係靠乳鴿雞粥就撐起半邊天嘅
呢隻唔好食，Don’t BUY！
唔香脆嘅焗餅乾條
裡面有完全唔出味嘅芝士餡
食完都唔知食咗啲咩落肚
係絕對嘥肚容量quota、時間同錢嘅行徑，就咁！
最後一日响比利時喇（淚）
搭電車去兜吓先…
Parc du Cinquantenaire | 五十週年紀念公園
落車行幾步就見到佢
不過好似冇咩嘢睇咁唔過去喇
歐盟區好大，啲建築物都係大大座
Parc Léopold
呢個公園先係要嚟嘅地方
House of European History
要認識歐盟，先要認識歐洲
入到去所有嘢都有種似曾相識嘅感覺
即係呢，以前上堂讀history都有係咁意聽過下書嘅
（殖民時期長大讀世史就即係歐洲史啊）
呢度有好多實物同相呀文獻嗰啲
直頭係溫故知新囉～
好好玩好Q多嘢睇，玩到肚打鼓迫住要搵嘢食…
（未食過嘢話咁快就到中午 >-<）
冇得搭程機去奈良志津香
咪留响香港食慰藉吓心靈同五臟囉…
越淡麗同梅酒
清甜嘅純米酒同甜味飯後酒咁啦
炸日本池魚仔
Aji條條肥嘟嘟咁
新鮮唔會腥甜味香味濃郁
淺炸魚就爽好多唔會好油膩
好味呢～
唐揚墨魚咀
已經灑咗滿滿七味粉
好夠辣完全中和炸漿應該有嘅油度
爽軟爆汁墨魚咀嘛
好難唔一口接一口接一口接一口咁風暴吸入
但係要忍住啊！呢啲只係小食咋…
跟釜飯會有嘅刺身
有俾咗人哋食嘅三文魚
都好新鮮漿漿地口嘅帶子同蝦
わさび係有埋纖維即磨嗰隻而唔係唧唧貨
除咗刺身跟飯仲有六味前菜（好豐富）
有啲for送飯；有啲真係前菜啦
特別想講中間呢杯茶碗蒸
有齊新鮮蝦蟹肉三文魚籽黑松露冬菇雞肉
啲蛋仲係極！級！嫩！滑！！！
視覺同味覺都非常滿足！
用有閃粉嘅指甲油
一般嚟講洗甲嘅時候都會先以洗甲水敷一敷再抹走
平時敷面呀都唔想接觸咁多non-護膚成分嘅嘢
何況仲要拎嚟敷？
好彩，100均嘅Can☆Do完美地解決到問題…
浸暖水就可以自己剝除嘅指甲油！
OK好啦，其實試過搽足一個禮拜齋撕都撕得甩
不過咁樣會有啲傷甲面層膜
無咩就用返暖水卸啦
啊！用足一個禮拜先剝
即係佢係完美咁keep住成個禮拜都冇走過樣
搽一浸就淡咗少少（色號：1710 ピーチソルベ）
我自己就上兩層夠閃又唔稱得上浮誇
唔算極速乾透不過都算可接受範圍嘅一分鐘之內
仲要稅込都只係108円，抵到癲！！！
就算去旅行上得閒換吓款都完全唔成問題
唔駛拎咩洗甲水卸甲棉嗰啲
咁剩返嗰啲難卸嘢又唔駛即時捨棄嘅
拎呢支做base然後用返嗰啲衰but靚
唔搽超出個底嘅範圍
之後一樣可以輕鬆剝落無煩惱
又抵又好用，諗唔到有咩理由唔推薦
連最後防線唔用MIC嘅（but百円店老是常出現）
呢支都仲係跌落安全網… MIT嘅呵呵 ～台港友好yeah～
