All Posts
介紹返隻船先～
佢叫Friesland，係隻1956年出世嘅郵輪
而家身處嘅係IJsselmeer（愛塞湖）
隻船同頭先架蒸汽火車一樣咁有歷史感
今日都仲係未正式食過嘢
船上有小食食吓都幾好（有啲外國團有船包餐啊）
特別推介呢隻番茄醬Oerhollandsche
極！級！好！食！！！
可惜之後响超級市場都見唔到佢嘅蹤影
冇太陽嘅話天氣都叫涼涼地
再食返件蘋果批同飲杯熱熱嘅朱古力奶Chocomel就啱啱好
食咗嘢又有啲陽光就梗係上甲板睇風景
清風送爽，真係荷蘭正～
雖然係大風到吹到頭都甩
不過見到咁靚嘅景真係乜都值得
Zuiderzeemuseum
呢程船嘅中途站，向Amsterdam北邊郊外嘅一間博物館
因為呢個城市要起好多堤壩
所以好多岸邊嘅村落都要遷移
而個博物館就係將每一個村落嘅屋都搬一間嚟展示
但行程所致就冇落船去睇
好值得去嘅一個地方：下次一定要再嚟！
到Enkhuizen，落船～
Drommedaris
呢頭捕獲嘅paling（鰻魚）
重陽先慾望登高？ Too Late～
中秋就要上山賞月喇！
港島人上太平山
九龍新界人梗係去獅子山
話晒都係叫「獅子山精神」not「太平山精神」嘛…
登頂冇咁易，要同睇演唱會咁一早霸位
所以行到幾多就幾多
反正都大把人同我齊上齊落
又有歌聽仲有激光匯演，好happy㗎
逼就逼啲，但係見到有咁多個缺一不可嘅香港人
就更突顯最應節嘅：
八月十五殺韃子 ！！！
同過往嘅中秋一樣收到好很多月餅
奶黃月居多啦，咁我又對呢樣冇咩喜好
but呢隻加埋Earl Grey嘅好食喎
有茶香味唔太甜亦令個餅唔會好漏
係嘅，似食蛋糕咁嘅但係WFC吖咪又係一舊甜嘢
好食就得啦仲有畫得幾靚（with醜醜嘅字）
公平啲，原味奶黃味就一般般
係嘅畢竟今年收到嘅奶黃月水準有啲高啊…
因為好興奮，忍唔住要推薦一吓～
（又）買咗部新電腦！！！
個size係咁細細，响公司收貨都唔覺眼
無睇錯，佢就係部電腦嘅真身
嗱～ 佢個spec都夠堅㗎 ↓↓↓
Broadcom BCM2711, Quad core Cortex-A72 (ARM v8) 64-bit SoC @ 1.5GHz 1GB, 2GB or 4GB LPDDR4-3200 SDRAM (depending on model) ← 財大氣粗買4GB 2.
唔駛排隊咪食囉…
抹茶卷、軟雪糕、日本煎茶
諗緊要呢set定係full set（即係再加埋蕨餅）
但係間嘢要每人點一份嘢
咁仲要嗌嘢嘅話就too much所以呢set算喇
抹茶卷嘅海綿蛋糕鬆軟
中間pat cream唔會太重身
幾香抹茶味嘅雖然甜咗啲啲
軟雪糕就好出色（讚）
雪糕濃郁且滑身茶味出
紅豆蓉唔算爆甜OK㗎喇
兩粒団子夠晒韌非常好食
煎茶… 頭頭唔出味但係食完再飲就泡過籠
點飲都唔係right time，唉～
北海道哈密瓜沙冰
個牛奶雪糕極之好味
厚身兼奶味重
個沙冰嘅哈密瓜味一啲都唔假，唔錯唔錯
仲有呢三粒新鮮哈密瓜波
個甜度唔輸俾甜品，good！
呢隻牌子嘅地域版本
今次係嚟自土耳其
佢個樣好似多香料會辣辣咁
殊不知係一陣熟悉嘅味道（哇卡卡卡）
熱！浪！味！！！
之不過個辣度仲比熱浪低少少
唔好食咩咁？又唔係喎
香料複合味又比熱浪多啲啲
所以好食㗎佢
但之後要懷念呢包嘢嘅味道就要買返包熱浪喇（哈）
札幌燒肉店金獅子出品嘅北海道牛牛
係喇係喇…（攤手）我認係為咗蛋黃哥ぐでたま而9衝嚟嘅！
金獅子烤牛肉配日式滑蛋丼
當然，啲嘢要睇得都要食得嘅
嚟自札幌金獅子のヤキニク嘅牛肉片
配有用北海道3.6牛乳炒嘅滑蛋
有個奶白色酸酸地嘅汁再淋埋日式辣油
Mmm… 牛肉都算～ 新鮮嘅…
因為係半熟，如果啲牛質素唔好就不得了
可惜唔太肥嘅佢牛味又都唔濃郁
然而份量多夠豪氣加返一分啦
滑蛋稱得上滑溜溜不過無咩蛋味咁
（細細聲：有心機嘅茶記整得好食過佢好多）
個白色汁微酸食落無咁漏
辣油微辣而幾香，成碟嘢最出色第二位
飯唔濕嘅普普通通咁啦
所以，成兜飯最出色嘅係插响飯上面嗰張蛋黃哥咭紙！！！
梳乎蛋玉子卷
哈哈個店名崩壞咗
隻蛋黃哥仲係依舊樣衰
舊嘢OK嘅，無咩蛋味咁啦都係
唔會過鹹過甜咁… 是但啦
d meh gin hong ar tung ngoh hang maai 1 bin la
faan jing ne gau yeh gum sai sai
sik joh dou ng wui dim chiu biu arrr
yo～ 又嚟一早出發…
搭火車去搭火車！
Hema - Biologische halfvolle melk
哎吔吔，火車站間希麻得半脂奶
有好過冇啦講真呢盒半脂都比牛奶公司維記十字啲全脂濃味…
（外國月亮特別圓？）
移動中… 多雲 x 運河，雲上有藍天
Hoorn，落車
Museumstoomtram Hoorn-Medemblik
去蒸汽火車博物館（心）
1804年有第一架火車响英國誕生
計英國之後，第二個有火車同鐵路嘅地方就係荷蘭
哈哈，架車好似Thomas啊！
唔係睇資料館咁就算嘅
真係有蒸汽火車睇㗎
呢啲車點整點保養都有得近距離睇
對於隻Ryan係零熱愛
買呢兩包完全係因為裡面啲嘢
兩隻都係芝士波
分別在於藍色係原味紅色係辣味
藍色嘅入口就已經覺得好甜
食多陣先有鹹味
食好多之後終於有芝士味
紅色嗰隻入口先係甜味
隨之以嚟係有辣味
個辣味唔係辣到嗌呀媽嗰種
不過就冚晒咩鹹味咁
芝士味… 完全食唔出嘅
唔計芝士味嘅話
紅色係好食過藍色
至少紅色送酒會唔錯
要計埋初心芝士味
咁就兩包都NG喇~
香港手工啤です。
好sharp醒嘅桃紅底黑字包裝
向茫茫啤酒櫃海一定見得到佢
甜甜柑橘味同啤酒花香
泡沫細密，味道因冷發酵所以甜而清
之後就係手工啤特有嘅苦味
層次唔算豐富不過就適合任何時間飲用（笑）
哈哈啲畫個樣好衰～
香港友，加油！！！
一直以嚟總認知到風暴前夕會相對平靜
而家嘅局勢，要真正打風先最和平（唉）
咁咪可以坐低玩吓囉～
好易玩嘅card game
冇咩技巧，越有知識就越易贏
就係要估每樣嘢嘅時間順序
先抽一張放中間然後大家出牌一路估&擺個手上嘅card啲時序，完。
本身有唔同theme：由Inventions（呢副）、Science & Discoveries、Historical Events、General Interest、Music & Cinema去到Star Wars I-3 and 4-6以致British History都有
好多invention係改變到人類嘅生活
令到世界進步係一件美好嘅事
只係希望有啲唔好嘅發明唔好用拎出來用
從歷史中不斷學習同時創新
可以繼續安穩開快樂咁生活就好（遠望）
