All Posts
最後一朝喇～～～（淚人）
呢盒Kefir係要嚟提醒我屋企有盒Kefir starter未整 XD
冇乳酪咁酸牛奶味重啲
但菌種比乳酪更能留响腸道
好嘢嚟㗎！
啊～ call uber服務好又方便
@AMS喇，bag drop自己嚟
bye～ 香港見…
過咗關裡面仲有個Rijksmuseum
嘻嘻，忍唔住買…
當然唔少得海量嘅「拉jer」（Nijntje）啦～
煙鰻魚真係好好食㗎
臨走都係買埋佢啪埋先上機
唉要死返去喇……….
～完～
-----------------------------------------------
延伸閱讀： Day1：Amsterdam
Day2：Alkmaar → Amsterdam
好想去台灣呀呀呀～～～
川味紅燒三寶牛肉麵
即係有牛鍵、牛筋同牛肋條
個湯色幾靚牛味都出
不過本身鍾意藥材同辣啲嘅味
就稍稍覺得唔夠濃
麵條爽滑唔過腍加返啲分咁啦
川味紅燒牛肉麵
哎吔吔個辣油再少啲㖭…
塊～牛～好～～～厚～～
肉唔會韌又夠牛味，讚！
台式泡菜
新鮮爽脆好好味！！！
點睇都係台灣直送飲料啦哈哈
貼心位：紮起個頭慢慢食
都仲係好想去台灣呀呀呀～
諗住去梵高館碰吓運氣但唔成功（淚）
就返Albert Cuypmarkt搵吓食啦～
兜嚟兜去最後都係揀海鮮舖嘅嘢食
有希靈（herring）同「趴靈」（paling，鰻）
然後行吓街快兜式極速shop吓平
去到希麻（HEMA）喎
順便試吓佢條必吃大！洋！腸！
再去到等到開店時間嘅Vegan Junk Food Bar
明明開門都唔夠兩個字都差唔多爆場好痴線
坐低當然要飲杯啤啤佢先，有招牌VJFB嘅IPA同White
仲有右手邊杯Hemp Tea
（跟茶藍色嗰舊Tony’s 朱古力好好食）
KAPSALON，高熱量嘅齋です
特登就係嚟呢度食素食嘅垃圾食物 XDDD
Carrot/Ginger
食油膩嘢連飲啤酒都唔夠喉
隊多杯果汁啦唯～有～
內含大麻油，好香同好順滑啊
平時食cheese ball無論啲芝士會有幾美味
都會因為個base係粟米做所以頗黐牙
嗱～ 呢包就完美地解決問題
100%もち米製，脆卜卜輕飄飄又硬身
喪啪都唔會黐牙黏黏吓
芝士味又夠濃郁，好好味
超級讚！
黑色 x 紅渣古…
有今朝唔早五分鐘落樓衝去買嘅理由咩？
係呀！又係雜誌附錄品
錶底刻有紅渣古頭
好彩隻錶都係正常行冇三倍速嘅
不過隻錶係男裝嘥屎
戴到最入嘅圈都到半隻前臂（汗）
揈揈吓咁要諗諗辦法解決…
理L係咪紅太陽照邊疆吖
總之防曬呢家嘢就係做到一滴不漏！
之前買過呢個牌子嘅嘢
着咗幾年都依然完好
（絕對唔會買錯）
除咗覆蓋率高連帽又包埋手背
質地本身都係防UV物料
咪以為黑色一件過會又焗好熱咁
個身位帽位係有窿窿會透氣
再加上布料係有涼感加工又點會熱呢
布料薄剪裁俐落夠貼身
咪就係會顯瘦囉呵呵
而且輕巧夠薄塞入袋都好方便
最重要係MIT品質
着得安心真係好緊要
-———————————————-
延伸閱讀：
[brassiere] e·heart sexy v-line beauty bra
又濕又熱，食吓black bloc bear熊本熊雪葩降鬱躁先…
くまモンのシャーベット 洋なし
隻black bloc bear轉圈轉圈手揈揈咁
梨味清新唔假，雪葩爽爽咁都幾消暑
係甜咗啲啫… 好在唔大杯都唔會甜到喊嘅
くまモンのシャーベット メロン
雖然隻black bloc bear俾like
不過呢隻咩撚味好Q假
一食就係嗰種添加蜜瓜味料嘅味道
唔好食囉～（藐）
作為一枚資深嘅「保養おたく」
我係非常之注重防曬呢part！
覆蓋率超～高～嘅黑帽！！！
後面一大塊長布遮埋頸背同側面
前面仲係15cm點都曬唔到落面
隻布料係UVカット率99％ 紫外線保護係数 UPF50＋
完全做到遮擋防三重保護
以為黑色又全遮會焗住頭生熱痱？
NO！布料係SHADAN出品
coolmax技術，有-3℃遮熱功能
（買咗先知日本仲有隻-8℃囉…）
唔好睇佢咁大頂咁
布料極薄仲可以摺得埋
塞入袋都OK唔會掗拃
掉得入洗衣機洗唔驚污糟
吖～個包裝盒嘅model戴得好優雅
我戴就成個村姑 x 行山亞嬋咁（淚目）
本身想買包包頭型嗰頂
但係唔見有得賣唯有買呢個頂住先啦哈哈哈～
冇咩嘅… 分享吓去韓國daiso入手嘅好物啫～
3M Nexcare 순면마스크(블랙)
（黑色純棉口罩啊啊啊）
3M嘅出品一般都有品質保證
100%純棉，罩位好薄兩層都唔覺厚
舒服貼面吸汗又透氣
條繩唔會好箍，戴足一日都OK
最緊要係佢唔係MIC而係made in Korea
咁貼身嘅嘢真係安全先最重要
₩2000，日日用完拎去洗重複使用好鬼抵！
係可惜在只見韓國daiso有售
唯有飛多幾轉資金外流咁啦～
今個周年誌慶撞正星期五
咁就冇出街食飯慶祝（其實從來冇慶祝過…）
星期五罷買！唔出街食嘢！！就係唔消費！！！
（星期日都係！！）
唯有兌吓戶口裡面啲錢
然後撳吓撳吓每個禮拜撳啲咁啦
HIMHIM啊，生日快樂啊
响呢間公司做咗9年喇叉雞飯
今年繼續聽欅坂46
除咗《不協和音》、《サイレントマジョリティー》仲有《黒い羊》
歌詞寫得好好唱就一般啦舞跳得好睇搭夠晒
撳得外幣，諗吓去邊樹資金外流先～
平日算注重口腔清潔衛生
又會用佢嚟減少食零食
香港要買香口膠呢家嘢基本上得嗰個美國牌子
美國嘢本身冇咩㗎
不過間嘢一直課金去黨視
所以我就連一粒香口膠都唔再食佢！
雖然去旅行嗰陣都會買
（手頭其實有日本韓國荷蘭等）
但係都會有食晒嘅時候嘛…
傻啦，呢個小土地仲有呢間國貨公司M&S啊
仲係瑞士製造我就係鍾意歐洲嘢呵呵
繼續樣衰衰chew個gum先～
啊～天氣好好好好啊！
响屋企先食個顏色豐富嘅早餐先～
搭metro去接駁站
未買飛仲可以响呢架車仔買飛
不過已經訂定飛唔駛响呢度再排隊買飛
直接排隊去等接駁車就得
但係都係晏咗少少出發
所以條隊要排九個字先輪到上接駁車
Keukenhor
花季喎花季喎花季喎唔係唔嚟睇花呀嘛？！
拎本地圖仔就行得
盛放中嘅鬱金香們
都係花
花呀
唔同顏色嘅花
仲係花
好彩冇花嘅密集恐懼症
影啲樹啦（雖然下面都係花）
配色幾靚
落櫻… 鬱金香季就係櫻花季後啊
話說荷蘭都有好多櫻花樹
又睇多陣花
搵個草地位响樹蔭底開張墊唞吓兼野餐
（張野餐墊同食物自備啦梗係）
