All Posts
話說酒店嘅welcome drink係自己响雪櫃度揀
擒日冇飲今朝又渴渴哋就睇吓有咩好飲
鳥取産 二十世紀梨 チューハイ
4%酒精啫朝早空肚飲都OK
因為星期二境港魚市 （境港さかなセンター）冇開
諗唔到做咩咪望吓地圖有咩好去，不過都係去醫肚先…
四六時中 - プレミアム花籠 （季節の天ぷらと蟹海鮮丼花籠）
見到店頭企牌有呢個一千円花籠
諗都唔再諗就走入去食
成籠嘢都好好食，仲有時令嘅蟹肉啊！
坐餐廳當然會撳撳手機
發現原來自己想去嘅係大漁市場なかうら
而唔係境港さかなセンター（哈哈）
因為兩度都係响境港市嘅竹内団地所以睇錯
好啦，慢慢食飽飽去搭JR出發啦 yeah
遠遠望到大山
今程係搭ねこ娘列車
mama級同事們嘅其中一樣好康
無酒精嘅hand sanitizer
仲係小朋友會好願意用嘅泡泡
用完對手仔仲唔會䃶歰歰
加上其實聞落唔覺但係話有嘅橘子味
（另有無味以供選擇）
通常就係通勤後一返到自己位就即刻用
點知搭車嗰陣掂過啲乜喎
至少洗吓手先拎飯盒出嚟啦
每樣嘢少少少少咁做，安心啲好
（啊！同事們網購嗰陣訂嘅，好抵買！）
雖然疫情仲未係「到了 最危險的時候」
不過任何細節都唔可以掉以輕心
嗱～呢排已經唔係戴棉mask保暖mask保濕mask嗰啲
乖乖地戴返醫學用濾細菌口罩
然而有時會剝一剝食吓嘢飲啖水
（飲水係非常非常重要！）
所以戴前 & re-戴前會噴一噴呢枝嘢
唔係咩Q嗰啲咩生物科技乜乜七唔知咩成份
就只係最傳統嘅抗菌成分：酒精
not純酒精而係三種複方成份（精製水都係其一）
噴落唔算超大酒精味，唔錯
仲係made in Japan較放心嘅品質
吖！最正係呢支細細支只係响Seria 同 Can☆Do買，100円（税抜）
一買就唔小心買定幾支喇…
啊！擒晚annual dinner飲嘅～
（多謝幸運被抽中嘅同事們無私分享，muah）
本身係英國最大連鎖酒吧Greene King
呢支IPA係其下樽裝啤
酒精度3.6%，望數字都知道唔會濃
果然以啤酒嚟講個酒味真係淡淡然咁
清新甜美，有住幾飄香嘅麥芽味
飲落唔似酒似有啲氣嘅果汁
不過500ml好大支
飲落兩支落肚之後都算夠飽肚
（八道菜仲有兩樣係甜品真係唔夠飽呢）
臨出發前一星期先話廚叉可能釘牌喎… -_-
米子鬼太郎空港到着，呵呵
嗨（揮手揮手）
印仔time
巴士係2-3倍JR嘅價格…
所以就慢慢拖行李去搭JR
（米子空港駅／「べとべとさん」駅 → 米子駅／「ねずみ男」駅）
哈哈哈！一上已經係鬼太郎列車
抬頭望天花都係鬼太郎同目玉親父
啲凳都係鬼太郎同爸爸
落車再繼續影影影
呢程係兩卡車，另一卡係目玉おやじ列車
米子駅／「ねずみ男」駅
個月台都有好多角色啊啊啊
境線全部都有鬼太郎角色名做站名㗎
先告別呢個0號月台，去酒店check in
然後就行去搵食
話說呢條係午後六時嘅商店街
荒蕪到一個點…
終於嚟到大山黒牛処 強小亭
嘿嘿嘿，上機嘅防曬係做得非常足！
SPF 50+防曬霜
綿口罩、太陽眼鏡再加防曬物料嘅帽
仲將頂帽戴落半個頭問你死未？！
今次呢頂唔係上幾個月入手嘅ニーズ帽子
而係新買嘅同牌子嘅遮熱クールキャスケット ブラック（撒花）
包包頭款好睇好多～
訂咗然後向便利店 (@台灣)收貨好方便
同樣係布料係UVカット率99％ 紫外線保護係数 UPF50＋
SHADAN布料一嘢就摺得埋塞入袋完全冇問題
coolmax技術，有-4.8℃遮熱功能
太完美喇！
好掛住响沙巴過新年嘅日子啊啊啊啊啊！
香港都有好嘢啦～ 呢間好嘢嚟架（真心大大力推薦！）
一坐低叫完嘢唔係求其俾無味茶而係滿滿香氣嘅肉骨茶
藥材味足唔會過鹹又有肉味，good
其實唔辣只係諧音叫辣死你嗎嘅Nasi Lemak椰漿飯
全盒咁多嘢但係樣樣都唔錯
蝦片夠香脆辣醬 (this is 辣) 食得出個心機連塊青瓜都新鮮爽脆
馬來西亞拉茶 就係呢隻熟悉嘅味道喇
平日係唔鍾意飲甜嘢但係拉茶唔甜唔好飲嘅
何況呢杯又唔係非常甜的說
講甜點都唔夠呢杯檳城白咖啡
但都係呢句啦：唔甜唔好飲
又係諧音叫法：愛他愛她 Otak Otak 燒蕉葉魚蓉
魚漿 x 香料 x 蕉葉香氣
咪講咁多，飲啦！！！
响荷蘭機場特登托呢個梵高紙盒樣返嚟㗎～
即刻文藝升格好有藝術感係咪？
哈哈哈ignore用清酒杯裝啦
同梵高cheers吓先
個草藥味好出，飄飄香咁好好味
易入口到完全唔覺佢有55%酒精哈哈哈
好啦我唔會drink like Van Gogh就OK啦想學都學唔到啦
唔祝願啲咩喇，各位平安就可以喇（合十）
只有全聯先有得賣㗎咋～
Skippy 花生鹽之麻糬
圓滾圓滾可愛麻糬
（咬～）
裡面係滿滿嘅花生醬餡
唔太甜又爆香
以預先包裝嘅麻糬嚟講個皮已經算幾QQ煙韌
喂正喎呢包嘢（心）
有木村拓哉嘅戲就係好睇囉！
劇情係老掉了牙嘅走向啦：
之前身敗名裂過嘅廚師遇上滿腔熱誠想摘星嘅大媽廚師
一齊去努力奮鬥blablabla…
當中梗係每集一難題又哎吔可以解決得到嗰種啦，好熱血嗰種啦
但係木村真係演乜似乜
至少啲法文應該請教過呀Kōki啩聽落都算順耳
嗱～ 除咗睇人當然會因為有好多嘢食睇啦
而且配得木村，個個演員都係重份量
鈴木京香澤村一樹及川光博（表情100分）個個都做得好自然
（啊原來老是常出現嘅玉森裕太被排除）
哈哈哈搵富永愛做木村嘅ex感覺好新奇…
唔錯嘅秋季日劇吖！
Last day 喇（T-T）爬起身先浸個溫泉先
溫泉旅館嘅自助餐式早餐
咩都拎啲食吓咁啦
食完嘢唞唞，浸多最後一次溫泉哈哈哈
（一泊浸到四鑊真係好爽呢～）
爽爆後就pack嘢check out喇
啊！响官網訂房係有小禮物送㗎
拎咗支碌碌精油啦（冇晒蜂蜜殘念呢）
搭返旅館專車落苗栗高鐵站
bye喇泰安
返到高鐵站諗唔到去邊好
就搭火車由豐富 → 苗栗
再一枝箭飆去傳家堡餐館食客家菜
（果然諗唔到做咩就會走去食嘢）
左手邊壺酸梅湯唔係單點
係坐低已經整壺供應
然而客家菜實在太可怕
以為簡單叫一兩個餸再加碗飯仔就應該夠飽
嗌咗豬腳筍乾、梅汁魚片、傳家滷肉飯
chimagun碟碟都超大碟根本係成家人食嘅份量
响等好疏嘅公車同步行30分鐘路程之間…
…係會揀一路向前行嘅！
google話行30分鐘
都意味著唔會用同等時間行到
因為會行行吓坐低食早餐 @找餐 - 薑燒豬肉米漢堡、蜂蜜番茄汁
厚片豬肉好juicy菜夠新鮮米飯夠煙韌
現打番茄汁好清新蜂蜜量足好美味
貓狸山功維敘步道（功維敘隧道）
沿路無咩睇所以覺得行咗好耐咁先終於到
but… 施工中closed T-T
話說係行到嚟個隧道口先知
旅社呀鄉鎮的哥們都唔知
唯有走囉都無計㗎啦…
bye喇隧道（揮手）
其實佢本名叫苗栗隧道
建於1902年响1903年啟用
而因為北口呢邊個匾額上刻有日治時代台灣總督兒玉源太郎的題字「功維敘」
所以先被誤稱功維敘 or 功維敘隧道
