All Posts
「無食過白熊唔好話去過鹿児島！」
不過最最最經典嘅白熊就唔係我杯茶
真係唔太鍾意啲罐頭樣雜果同染色車厘子
有諗過skip咗呢樣嘢唔食㗎
但係食完晚餐有想食吓甜品喎
可惜芒果base嘅黃熊間嘢已經收咗檔
無計啦都係死死地氣嚟返古早味呢間食啦
白熊の冬ごもり
係㗎喇，死都唔嗌經典白熊
加上呢款係期間限定
當然又唔放過啦～
個冰base嘅煉奶味淋醬好好味
極濃嘅香味加上唔會好甜
配埋啲白朱古力波呀小枝咁脆脆口
熊仔餅乾呀莓呀白朱古力碎响個窿度
home sweet home
所以就算又凍又飽都剷～ 得～ 晒～
好好味！
ベビー宇治金時
3B嘅baby size綠茶紅豆刨冰
食鹿児島嘅肉類除咗以しゃぶしゃぶ、蒸し、揚げ、炆、炊き烹調之外
仲有鹿児島桜島嘅火山岩石所造成嘅岩石板溶岩焼き！
較早前已經book座位嘅關係
未坐低啲小食就晌枱面
雖然個樣係ready to eat
但係都唔係就咁就擺入口食嘅
枱中間有個炭爐
嗱，我齋book位不過未order嘢食
明明係想食溶岩焼き點解嗌都未嗌就變咗炭燒呢？
因為呢間嘢嘅前菜唔係就咁一兜兜
係要自己一路燒一路飲吓酒嘅
俾炭燒過嘅蝦呀魷魚乾呀極之香
送酒堅一流！！！
今晚唔飲芋燒酎喇
嚟杯威士忌，呢杯係竹鶴
on rock無咁嗆喉
隻酒香到爆炸，難怪咁多人鍾意飲佢
本日の（特）お刺身盛り合わせ
好似咁多日都冇乜食過刺身咁
嗌個set啦！
就算3品都唔會有我唔鍾意食但係好常見嘅三文魚
太好喇實在～
話說今日同3B係各自各精彩@天文館
行行吓收到佢嘅message話呢間嘢個冬甩好好食
反正餓餓地又行得攰攰地
加上其實之前都shortlist咗要去食
入去坐低慢慢歎啦
焼どうなつ
啱啱焗起熱辣辣香噴噴（lucky）
味道香又唔會好甜
係焗嘅所以一啲都唔油膩
呢件嘢極！度！好！食！萬勿錯過！！！
かすたどん
呢舊嘢係呢間菓子屋嘅名物
圓碌碌淡黃色好鬼得意
（咬～～～）
裡面係唔太甜嘅custard
餡同個「蛋糕」一樣係好light嘅
唔甜歸唔甜，佢有好香嘅甜蛋黃味
即係明明食完pat cream都係冇罪惡感一樣
呢件就唔駛趁熱食
不過既然坐低食梗係開晒嚟食
靜靜地享受個美妙嘅tea啦～
-———————————————-
延伸閱讀：Happy Days！鹿児島宮崎！ (10D9N)
鹿児島鰻魚嘅養殖量係日本第一
但原來要食又要就腳係唔易搵
所以都係去返就近嘅天文館裡面
有80年以上嘅老店：うなぎの末よし
うな重（梅）、うな丼（小）
啲鰻魚全部細細塊咁無得食好可憐？
非也！其實特登叫最最最細嘅
一來brunch時間唔太肚餓
二來係諗住試少少嘢然後出去再食其他嘢
食多兩樣嘢梗係好過一嘢塞爆個肚啦
鰻魚香滑肉腍身
新鮮、肥漏漏、醬汁香甜
飯軟糯重米味
「重」就啲飯裡面冇汁
啱我因為我唔鍾意汁呀湯呀同飯一齊食
「丼」就係丼，上面餸下面飯with汁咁
湯係白味噌，都幾濃吓～
另外點咗碌肝串焼
鰻魚就好容易食到嘅
但佢係鰻魚膶喎
濃縮咗鰻魚味嘅鰻魚膶喎
同鰻魚飯同款嘅醬汁醃過再炭燒
濃濃鰻魚味加上膶獨有嘅味道再配埋甜美嘅醬汁仲有陣炭烤味
好好食！真係好好食！
～滿足～
前兩日食完個普普通通嘅燴鹿児島黒毛和牛
不如都再比多次機會佢
試吓其他做法會唔會特別啲同好食啲啦
而能夠食得出靚牛味
以鉄板焼加熱係其中一種最好嘅方法
最高級黒毛和牛サーロインステーキ
但係，認真嘅再講一次
有可能係因為香港都好易食到鹿児島牛
所以我絕對有理由相信我覺得唔特別唔驚艷係正常嘅
佢唔係唔好食，仲好新鮮㖭
只係可以解釋為香港都可以成日食到呢隻牛嘅味
結論就係：「好食嘅，但好普通囉。」
前菜生ハムサラダ
成碟嘢都係凍嘅
片肉硬崩崩好似仲有啲未溶雪咁喎
肉味係有嘅不過見到都見到啲雪味啦係咪
伊勢海老 （ハーフ）
唔知點解枱枱都有嘅龍蝦
我以為係嚟錯咗
用牛油煎過係唔錯嘅
龍蝦都有佢陣獨有嘅味道
雖然我本身係唔鍾意食龍蝦
不過呢一隻，我唔討厭佢
可能因為新鮮啦牛油啦同陣臭龍蝦味唔太出
憤怒嘅感覺中帶著悲傷嘅心情
所以要飲綠茶去冷靜
再食返啲甜嘢去cheer up吓先得
アイスのせ ぜんざい（緑茶付）
雲尼拿雪糕配甜死無命賠嘅紅豆蓉
就算有呢杯香濃帶微苦嘅緑茶
都阻擋唔到隻爆甜紅豆味
杯茶真係好好飲，同今朝嘅知覽茶唔同味
無得比較，兩種都好飲
左下嘅和菓子有綠色嘅よもぎもち
同白色有豆豆嘅塩豆大福
兩隻連餡都唔係好甜
餅皮唔會超厚，夠韌身唔錯呀
草餅嘅味好清新，帶微微草香
而塩豆鹹鹹哋更為滋味
食甜嘢中帶鹹味雖然可以輕輕令個甜無咁滯
可惜同時又會令個甜味更甜
係呀，個甜味又係源自於嗰碗紅豆（無限輪迴）
ぜんざい（緑茶付）
有凍嘅雪糕set
都有傳統日式紅豆湯年糕set
個即席緑茶係一樣嘅，好好飲
碗紅豆湯無因為比紅豆蓉加多啲水而減少個甜度
點解行程要急到要棄景點？
因為我要準時搭今日最後嘅呢架車
↓↓↓
指宿のたまて箱
個「たまて箱」（玉手箱）
就係好出名嘅薩摩半島故事竜宮伝説裡面
阿浦島太郎去完竜宮返上水面
人哋叫佢唔好開
但係佢死係要打開嗰個箱
個箱一開仲要出煙
然後佢就變咗做個阿伯
架車嘅logo，同平時聖誕啲禮物盒差唔多
1号車 客室
由後面影返轉頭嘅車廂內部
啲燈啲木色呀凳呀個感覺好懷舊咁
2号車 客室
右手邊啲凳係回転椅子
有埋枱嘅
門簾都係有logo
仲有啲古怪海洋生物嘅公仔
2号車 本棚のあるソファコーナー
訂唔到轉轉凳
鹿児島梗係要玩指宿砂浴啦～
砂むし会館 砂楽
備受遊客同旅遊書歡迎
裡面有最緊要嘅砂溫泉之外
仲有好普通公眾浴池式嘅溫泉
換好件浴衣就可以落去玩砂
沿海邊嘅砂都係出哂煙㗎
佢係因為呢帶地底嘅溫泉水熱埋啲砂
而人呢就「浸」响啲熱砂度
同浸溫泉一樣都會出晒汗
熱啦總之就係
熱砂之外，一大個海景真係好靚
仲要係咁好嘅天氣
然後入去呢間茅屋
成日响啲poster上面見到露天先有嘅遮仔冇得上場
～呢條hihi就係咁被活埋喇～
工作人員一路炒砂
唔係要炒熱啲砂
相反係要令到啲砂同空氣接觸多啲
等佢地降吓溫
越深嘅砂就越熱所以佢哋一直响度炒炒炒
當然啦活埋你哋呢班契弟都係好重要嘅工作（！）
如果唔係老細做乜要開舖做生意呀
瞓咗大概廿分鐘先起身
♪「…遲來一秒鐘 沿途經過和結局 其實太不同」
唉～～～～～
話說架巴士遲到
响佢冇踩行油去meet返個target之際
到達知覧武家屋敷去接駁另一架巴士
已經走到連排氣粒塵嘅影都冇
咁反正都上唔到車
又唔想去武家屋敷睇啲冇興趣嘅嘢
更甚係已經上到知覽山頭
唯有搭多一兩個站去知覽町囉唉
（廿萬個唔情願）
响憤怒當前
只可以話知覽町呢度真係一個好清靜嘅地方
而且空氣非常清新
杯知覽茶係免費試飲
清新嘅綠茶帶甘香
微微苦澀同我而家個心情一樣
「好風光、好茶；個心滴緊血欲哭無淚。」
お茶むらいグッズ
呢樹隻吉祥物
但係講真呢度真係乜都無
所以有下班車就即刻跳上去
哇～ 沿途咁鬼靚
响鹿児島天文館搵早餐
除咗啲酒店早餐之外
就只係得啲連鎖餐廳會開
好啦咁都要食㗎啦
doutor勝在穩穩陣陣
咖啡普普通通但係入得口
兩個人食早餐嘅好處係
set裡面嘅包包有唔同餡有得開心些牙
－ ハムタマゴサラダ （ham & egg salad）
－ ビーフパストラミとチェダーチーズ （beef pastrami & cheddar cheese）
-—————-hello，我係一條分隔線-—————–
若き薩摩の群像
呢班係日本鎖國時期仲周圍走去其他國家嘅日本留學生
整個銅像keep住佢等後世嘅人認實佢哋個樣（誤）
熱死辣辣，最好都係食雪糕！
個茶base夠濃郁
雪糕唔太甜又OK滑
個筒唔算非常好食不過都叫做有牛油味
最緊要雪糕係凍嘢雪糕係凍嘢
熱死人喇！而家先六月咋點捱落去呀呀呀～～～（咆哮）
-———————————————-
延伸閱讀：[臺北暴食遊] Day3：天仁茗茶 珍珠奶茶
等等等食咗十世，終於有得食喇～（好滾動）
鶏飯丼
奄美島嘅鶏飯
話說呢個島近係沖縄
之前話去屋久島已經已經好L遠
時間同去宮崎差唔多
奄美島仲要再再再南啲囉（翻白眼）
好啦呢間有正宗嘅奄美鶏飯
唔駛坐船去就有得食都幾好吖
好，講返碗飯
有雞絲啦有蛋絲紫菜呀蔥呀同飯咁
仲有最最最最緊要嘅雞！湯！
熱辣辣勁濃郁雞味嘅雞湯
個湯係好飲嘅，啲飯都好食嘅
雞絲嚡嚡哋不過都OK好味嘅
but but but其實點講佢都只係一碗好出色嘅湯飯
亦都係一碗好普通嘅湯飯
講真我真係特登嚟食呢碗飯㗎
只可以講：堅戇居囉…
～鶏飯，完～
おでん
呢個反而特別啲喎
一碌豬腳，皮爽肉腍又夠入味
