[Happy Days！鹿児島宮崎！] Day 8：砂むし会館 砂楽、指宿駅（w/駅前足湯）
鹿児島梗係要玩指宿砂浴啦～
砂むし会館 砂楽
備受遊客同旅遊書歡迎
裡面有最緊要嘅砂溫泉之外
仲有好普通公眾浴池式嘅溫泉
換好件浴衣就可以落去玩砂
沿海邊嘅砂都係出哂煙㗎
佢係因為呢帶地底嘅溫泉水熱埋啲砂
而人呢就「浸」响啲熱砂度
同浸溫泉一樣都會出晒汗
熱啦總之就係
熱砂之外，一大個海景真係好靚
仲要係咁好嘅天氣
然後入去呢間茅屋
成日响啲poster上面見到露天先有嘅遮仔冇得上場
～呢條hihi就係咁被活埋喇～
工作人員一路炒砂
唔係要炒熱啲砂
相反係要令到啲砂同空氣接觸多啲
等佢地降吓溫
越深嘅砂就越熱所以佢哋一直响度炒炒炒
當然啦活埋你哋呢班契弟都係好重要嘅工作（！）
如果唔係老細做乜要開舖做生意呀
瞓咗大概廿分鐘先起身
好鬼重㗎堆砂，起身有少少吃力
呀～ 出完呢身汗好鬼爽
離開堆重砂仲成身輕晒
堅爽皮，不過成個過程係睇唔到出面個海景嘅
起身行出嚟先再一次見到個靚海景
然後快速返入大樓剝衫沖身
去浸埋個好流又細嘅公眾浴池式溫泉
最後隊幾杯水
兜埋商店仔就搭巴士走喇
指宿駅
因為呢次咁糟糕嘅安排
感覺上成個指宿都冇點去過就要走
話說，原本我係想去たまて箱温泉同西大山駅
無啦無啦帶住遺憾仲嘥晒啲飛咁走喇
個西大山啲飛仲要係買去指宿嗰陣
賣飛姐姐知我想去而送俾我㗎 TT
指宿駅前足湯
at the end 走之前又去浸吓腳
無料，仲要無人浸
自己慢慢嘆啦… （and 嘆氣）
-———————————————-