All Posts
夠鐘食飯又啱啱咁近中央駅
梗係要試吓行過路過千祈唔好錯過嘅屋台村啦！
かごっまふるさと屋台村
木造嘅牌檔樣
一共25檔，每檔細細間店外坐OK
內內外外都充滿住懷舊風味
見到D酒波波燈籠就想飲番杯
個格仔backdrop有咁多食材
樣樣都好似好好食咁
點揀好呢點揀好呢…
（已經有頭緒喇～）
-———————————————-
延伸閱讀：Happy Days！鹿児島宮崎！ (10D9N)
今日响阿西郷隆盛個像面前兜咗好多好多次
但係同佢可能冇乜緣份
真人遇唔到就梗㗎啦
）））遇到就真係驚喇！（（（
而响唔會嘥時間落車慢慢欣賞呢個銅像之下
（well我又同佢唔熟又唔識欣賞唔駛特登為佢走班車喇嘛）
呢個像真係點都影唔得好
雖然呢個銅像有成五米高
加上佢又唔係瘦喎
不過… …
睇到啦，架車震震震一係就鬆郁矇
再唔係就影到細細粒綠公仔咁囉
佢個死人洞西郷洞窟就清楚好多
（都係車上面影啫）
是但啦都盡咗力㗎喇
都叫有睇過吓囉算罷啦。
去食嘢！！！
-———————————————-
延伸閱讀：Happy Days！鹿児島宮崎！ (10D9N)
今朝誤打誤撞去咗城山観光ホテル睇日景嘛
而家係咪都去返城山公園展望台睇返個夜景啦 一架停十五分鐘嘅巴士； 兩條驚死miss咗班車嘅傻仔…
結果就係一落車就雞咁腳一口氣跑上山 （run 3B run, run hi-D run… XDDD)
但原來話咁快就到（喘氣 x 噴血）
影吓左D
又影吓右D
個夜景好～ 普～ 通～
無桜島就當然啦
然而D燈都唔算好靚
所以都係快快腳响都幾陰暗嘅路落返山上車去搵食嚕
by the way，今朝hotel嗰邊個桜島感覺上靚過呢邊….
講吓今日响市內周圍去嘅觀光巴士先
用welcome cute就可以免費坐到
基本上咩所謂旅人必去隱世紫薯芝士拉絲排隊店嘅景點都去到
線，有三條：
一次過睇鹿児島歴史嘅「城山・磯コース」
沿鹿児島湾睇水嘅「ウォーターフロントコース」
同埋睇鹿児島夜景嘅「夜景コース」
日頭行陸路同『水』路嘅車係唔同樣：
陸路嘅「城山・磯コース」レトロな路面電車風バス有紅黃綠色；
或者藍白色呢兩種好似火柴盒嘅樣嘅車
沿海嘅「ウォーターフロントコース」就海豚咁樣樣
（海とイルカをモチーフに青空を基調としたバス）
今日就三種車都搭過
主要係「城山・磯コース」線
鹿児島中央駅 ≫ 維新ふるさと館前 ≫ ザビエル公園前 ≫ 西郷銅像前 ≫ 薩摩義士碑前 ≫ 西郷洞窟前 ≫ 城山 ≫ 西郷洞窟前 ≫ 薩摩義士碑前 ≫ 南洲公園入口 ≫ 仙巌園(磯庭園)前 ≫ 石橋記念公園前 ≫ かごしま水族館前(桜島桟橋) ≫ ドルフィンポート前 ≫ 天文館 ≫ 鹿児島中央駅
話說我係會誤以為放喺天文館通嗰個來自高知嘅坂本竜馬係佢
因為阿竜馬插隻手入件衫到又帶住把刀
不過當然以武家為主嘅時期邊Q個武士都係帶住把刀架啦 XD
嗱～ 呢個就真係帯刀喇
佢係真・小松帯刀呀
又冇話真唔真嘅咪又係銅像一個
只可以話阿帯刀佢真係帶住把刀囉…
（鬼知咁多咩銅像D樣個個都差唔多，仲要鬼咁遠影邊個分得到呀？！）
-———————————————-
延伸閱讀：Happy Days！鹿児島宮崎！ (10D9N)
真係唔買都睇吓～
（咁鬼貴點買呀，哪有錢…）
薩！摩！切！子！
靚到吖～ 玻璃造嘅藝術品
睇得又用得
切割精細顏色又夠鮮艷
不過响入面真係要小心D行
一陣嚟個哎吔狂風掃落葉就賣腎賣膶賣埋眼角膜都賠唔起
但係都只係輕輕的我走了正如我輕輕的來
因為太晏喇入去嗰陣人哋都就嚟閂門
（閂門前十五分鐘入去，都一路話趕時間㗎啦see？）
所以，薩摩切子工場見学コース 残念ね TT
個頭頂都係島津家個圓圈plus徽號丸十字家紋
日落喇，真係要走喇
再再再同桜島講byebye（（（ 揮手
（仙巌園篇 終わり）
-———————————————-
延伸閱讀：Happy Days！鹿児島宮崎！ (10D9N)
兜過個神社，就到咗呢個集成館嘅area
直望嘅係別館；右手邊先係宜家要去嘅本館
長長一條～ 個本館都OK大座
終於行到去門口
裡面係唔影得相嘅
係咁意講吓有D乜啦
有呢個仙巌園主人島津家嘅族譜
同埋集成館當然有嘅工業嘢
不過比起製造業都係個庭園吸引D
而响庭園逗留嘅時間已經非常之耐
（真係慢慢行慢慢睇仲有去唔晒睇唔晒研都冇得研究嗰隻喇）
加上真係有少少晏
因為仲仲仲有想睇嘅嘢未去
所以有dd匆忙兜個圈睇過吓就出返嚟
呢個係別館
入都冇入真係別提了。
（つづく）
-———————————————-
延伸閱讀：Happy Days！鹿児島宮崎！ (10D9N)
法國五月梗係睇吓D法國嘢啦
仲要咁鬼抵廿蚊雞睇羅浮宮嘅展品喎
入場前好影低張飛喇
唔係票務姐姐摵咗飛幅圖就唔完整㗎喇…
小冊子係羅浮宮前面貝聿銘設計嘅透明金字塔形狀
介紹吓入面部分展品咁
同睇返今次展館分嘅（六個）主題
而長方形就直頭係展品說明
都係部分啦無可能全部講晒啦咁鬼多件
加上呢次文化交流blablabla
可以慢慢研究
***
記得好多好多年前去過一次羅浮宮
裡面實在太多展品
唔好話睇晒連行晒都有難度
尤其D出名畫好似Mona Lisa嗰D
直頭係等咗陣先行到近去睇
（當年仲要唔係好多人嘅日子）
今次雖然都唔可以慢慢續件續件睇晒全部
但都叫做唔太走馬看花有D可以睇清楚
呢個都算係得少量展品嘅好處啩
…只係相比羅浮宮係少量，今次展覽都唔少嘢睇。
哈！條banner同盞燈又幾襯喎…
一出咗個仙巌園出入口就見到個大鳥居
鳥居… 唔通又係… …
（唔好再單手揸機好冇？）
無錯！又係神社！
呢間鶴嶺神社
係用嚟葬島津斉彬個3女暐姫（攪神式also）
响有錢就係任性嘅前題下
佢鍾意咪起個大神社紀念吓囉～
又唔係我祖先又唔係神
連入去睇吓嘅意欲都無
加上個天開始暗暗地
仲有地方未去呀走喇走喇
（つづく）
-———————————————-
延伸閱讀：Happy Days！鹿児島宮崎！ (10D9N)
响庭園，有山有水有建築有花有竹
當然唔少得宜家呢個天氣特有嘅紅 x 黃 x 綠葉啦
呢張就一次過集齊晒
親近D，有呢種
除咗柔和色系，仲有呢種好深好實嘅色
紅葉 x 竹嘅組合，好大對比呢～
（つづく）
-———————————————-
延伸閱讀：Happy Days！鹿児島宮崎！ (10D9N)
究竟呢個園裡面有幾多個神社㗎？
兩座仔嘢係供奉山神同水神
1700年代興建，好耐歷史咁啦～
繼續無欲無求…
不過竟然俾我無啦啦高咗對腳長咗
真係好神奇（大誤）
（つづく）
-———————————————-
延伸閱讀：Happy Days！鹿児島宮崎！ (10D9N)
鮮豔黃色嘅克灰袋係鹿児島先有
用嚟裝街上D火山灰
裝完，就擺响呢D收集站
但係真係會有人特登將D灰帶嚟呢個園放低？
應該唔會啩，因為個園本身都掃得到D灰啦～～～
（つづく）
-———————————————-
延伸閱讀：Happy Days！鹿児島宮崎！ (10D9N)
