All Posts
用welcome cute嘅第2日
就嚟個鹿児島市內遊
首先搭city view嘅城山・磯コース
第一站：城山站
（鹿児島中央駅≫維新ふるさと館前≫ザビエル公園前≫西郷銅像前≫薩摩義士碑前≫西郷洞窟前≫城山）
上城山睇吓個鹿児島市
一般人落車都會走去城山公園個展望台
但係總係會有人向咗反方向行
行咗去城山観光ホテル XD
不過呢邊景仲靚啦
我！話！嘅！
酒店望出去嘅景梗係靚D啦！
嗱！你話係咪？
完完全全見晒個桜島㗎
山 + 城
風和日麗太perfect池喇實在
有天有山有水有城，靚到爆
鹿児島市，無咩特別（嘻嘻）
走之前最後殺多張先
個景真係好鬼正…
原本諗住一朝早就美肌吓買枝甘酒嚟飲
點知見到個招紙寫住奄美名產
再睇吓裡面D嘢白白哋就當係…
其實みき係米漿（汗）
仲要係好杰撻撻嗰種
原料好簡單就只係米、砂糖、さつまいも
米味香又甜甜哋咁囉
係米同糖發酵而成
枝嘢好杰，飲飲吓就好鬼難啜
飲咗好耐呀所以
同埋真係好足料囉
KO完成枝好L飽
好喇，又出發喇～～～
-———————————————-
延伸閱讀：Happy Days！鹿児島宮崎！ (10D9N)
既然胃痛過，腸胃唔好就隊D乳酸菌嘢飲啦
有鬼死咁多款可以揀
就揀隻未試過又夠吸引㗎啦
ピルクル平日見容和D日巡嘅時候呀
或者做綜藝嗰陣話去日本就一定會飲
嗱！呢個理由夠晒吸引喇
同佢飲埋同一樣嘢喎，ff吓都好吖
不過講真，同飲益力多係唔打分別無咁甜囉
加上大大盒（500ml）飲得爽D咁
唔似益力多咁少少少少咁
一枝就到喉唔到肺
飲得多又好似有輕微罪惡感咁
OK嘅，不過呢種偏甜飲料
始終唔係我杯茶
ff完喇我返出去做嘢早抖先喇bye～
-———————————————-
延伸閱讀：Happy Days！鹿児島宮崎！ (10D9N)
唔知係咪浸得溫泉多
血液循環得太好
連消化系統都運作得異常暢順
呢一刻真係好肚餓
餓到個胃好L痛 (´-﹏-`；)
食牛啦，牛快熟D嘛
加上鹿児島除咗最出名嘅黒豚
鹿児島黒和牛都好似好正咁㗎嘛
仲要一大個煎pan一鑊熟
裡面有菜呀芽菜呀咁
再加埋啤酒啦，多D營養到肚
但係個kimchi係想點呢？勁唔咩廚
點埋個汁就食得喇
食到七七八八店員就落個うどん
好，咁就完喇。
勁普通嘅嘢炒埋一碟囉
唔知關唔關前幾日食完好正嘅宮崎牛事
唔知關唔關香港都好易食到鹿児島牛事
就算餓到個肚扁咗個胃痛咗
呢D求其食碗南記都覺得係美食嘅情況下
都唔覺得呢餐鹿兒島牛有咩咁特別
同有乜咁好食到要坐飛機嚟鹿児島食
係㗎，周圍氣氛幾好
D友仔放工同上司同事三五知己
去旅行，搭車又搭船之後
行去碼頭隔離個商場仔浸吓腳先
木建築再加開晒燈咁都幾靚㗎
咪睇佢個樣咁清以為係普通熱水呀
佢係溫泉水嚟㗎，仲要免！費！喎
嚟到唔插對腳落去浸吓
真係會後悔七七七世囉
雖然宜家係夜晚睇唔到咩海景啦 XDD
浸完求其行兩行D舖頭就走喇
（賣嘅嘢唔算好吸引）
兜過正門呢邊
有棵高高大嘅燈燈聖誕樹
咩角度都影得唔靚
所以走lu，去搵嘢食先～
-———————————————-
延伸閱讀：Happy Days！鹿児島宮崎！ (10D9N)
坐15分鐘船食唔切うどん㗎喇
食柑啦～
細細一粒巧打耳
搣搣搣
又話當造嘅？
都唔係爆甜嘅？？
係有柑味，不過都幾酸
早知買包100円㗎啦 TT
-———————————————-
延伸閱讀：Happy Days！鹿児島宮崎！ (10D9N)
終於可以輕輕鬆鬆遊覽桜島
好興奮咁坐車頭～
一路睇住個桜島火山
周圍望火山嘅第一站：烏島展望所
呢邊係正正望到百幾年前「大正噴火」嘅位置
另一面係錦江灣呀
影完幾張相就衝返上車
然後到下一個站：赤水展望広場
除咗由另一個位望吓個桜島
（無咗大舊雲，清楚好多）
同埋錦江灣之外
（hello沖小島）
仲有呢個叫びの肖像
一舊咆哮樣嘅石頭有咩特別？
呢條友叫長渕剛
佢响2004年8月21日嘅呢度開演唱會
（長渕剛さんのオールナイトコンサート）
當年有七萬五千人睇
講緊當時成個桜島總居民都只係得六萬囉
哈哈哈～
今次唔駛跑樓梯就可以碌返上車喇
架車滾滾滾上山後
就到達呢個旅程嘅最高觀賞點
湯之平展望所
373米高，景色360度一覽無遺
一出門口就俾人老點（again！！！）去其他地方搭車
仲要落起毛毛雨囉（握拳）
幾經波折終於搵啱個巴士站
等上車嘅同時太陽又再次出返嚟
雨過後看見嘅彩虹 x 桜島
人生仲係充滿住希望嘅
上到桜島周遊バス喇，又再出發～～～
（つづく）
-———————————————-
延伸閱讀：Happy Days！鹿児島宮崎！ (10D9N)
無論去到天涯海角
食飽飯梗係要去行吓街
就算呢度係火山都係咁話
道の駅「桜島」 火の島めぐみ館
頭先响間嘢右手邊食飯
而家入左手邊行街買嘢
間鋪個空間幾好又冇乜人
慢慢睇慢慢揀
全部都係呢度（桜島）嘅農產品、海産物…
…同工芸品（桜島焼・桜島溶岩焼）等等
睇吓有咩過癮嘢先
熔岩糖
岩石樣嘅糖
個樣好得意嘅
不過冇買糖嘅需要…
桜島大根漬
（大過我隻手好多呢）
桜島大根係全世界最大嘅蘿蔔種
呢隻醃咗粉紅色
係特別嘅但係我响宮崎買咗好多蘿蔔喇
又要放棄唔買呢種（加上唔平呀算啦咁）
吖… 唔係完全買唔到嘢嘅（遲D先講啦）
行行吓發現差唔多有巴士
體力勞動 x 浸溫泉 x 舟車勞頓 ＝ 要能量補充。
火の島御膳
梗係食晒成set啦！！！（吼吼吼）
應該唔止因為肚餓
本身D食材都係新鮮同當地嘢
好～ 好～ 食～
炸物唔油膩又脆口
魚仔味道酸酸咁配菜又腍腍哋
薩摩魚餅彈彈牙
煮豆呀同豬肉腍身又濃味
連舊蒟蒻都好香呢
蘿蔔漬物鹹鹹哋好爽口
碗湯有濃郁豬味，真係好好飲
同個手繪menu有dd分別
右手邊杯小小桜島小みかんjuice好好味
一飲而盡呢～
而杯果汁遮住咗嗰兜菜salad
就算個天刪咗個水泵
佢都仲會留返個鏟俾你自己挖嘅…
（個鏟要畀錢買㗎，唔係個天就咁擺低 TT）
登登登凳，就係呢套挖溫泉套裝喇
膠袋裡面有指南啦毛巾同埋最緊要嘅鏟
硬身鐵鏟，好似好有實力咁
好啦好啦去挖喇挖喇～～～
…由遊客中心走返出去
再行出大路口先可以上到巴士
* welcome cute唔包㗎要另外俾車費
再跟住個手繪地圖响呢個站落車
好啦，天氣好好又冇人
行啦…
再沿住條車路（たいかん橋）行啦
哇D車大大架轟轟聲仲要係勁快飆過
响佢哋側跟行我都覺得震震哋
過咗條大車路就轉小車路兜個大靚彎
呢邊係南岳嘅大屁股
再行呀行呀行…
呀～ 沙灘呀！終於行到喇（好滾動）
有村海岸
呢一站係去溫泉浸吓腳同去吓visitor centre
見到人行嘅入口，走過去實無死
望到個亭就代表到達 「桜島」溶岩なぎさ公園足湯 喇
呢度係公園所以有一大片草坪
面向錦江湾
後望桜島火山
：：：：：：乾旱：：：：：：
不過好可惜呢排個bump壞咗
無得浸呀 TT
（免費足湯呀呀呀～～～）
好啦，既然無俾我咁容易就浸到
就走去桜島ビジターセンター
買呢套温泉掘りセット
實行自！己！掘！溫！泉！
（e？火山灰アイス？？？）
拎埋好可愛嘅手繪地圖
搭桜島路線バスgo go go！
（* 呢隻巴士welcome cute pass唔包，要另外畀錢㗎）
