All Posts
繼續禁晚市堂食喎
咪賣外賣返屋企食囉…
Zeppelin Hot Dog | 齊柏林熱狗店
反正間嘢都係做外賣㗎啦～
Chili Dog With Cheese | 火炙芝士辣肉醬熱狗
紅腸（係匈牙利腸not燒味舖嗰啲啦）配辣辣地嘅肉醬
上面仲有燒過嘅芝士，勁香口！
Original Dog | 士林原味熱狗
都係紅腸，面頭係經典嘅茄汁芥辣同酸瓜醬
穩陣嘅美味～
Aussie Dog | 澳式風情熱狗
港式飲茶唔似茶舖咁杯茶係重點
根本就只係指食點心嘛…
唔可以堂食咪外賣返屋企囉
（拎埋盒仔兜仔呀呢次）
反正間舖開24，就算凌晨3點想食都OK
香茜牛肉腸粉
即製布拉腸，條粉削咗少少同有啲厚
不過裡面嘅牛肉夠晒香搶返唔少分數啊！
鵪鶉蛋燒賣
晌呢個時代仲見到呢味嘢唔係唔叫佢呀化？
蛋味祝足又彈彈牙，肉球足料卻唔會死實實
好好味呢～
柱侯金錢肚
新鮮牛肚一咬就斷
加上醬汁勁入味，正！
螺片棉花雞
啖啖肉 x 浮雲魚肚食落好滋味
斗門蝦餃
皮薄又夠韌蝦球既爽口又大舊肥肉夠晒香
太好食喇實在！
香煎家鄉鯪魚餅
除咗蒸嘅; 煎嘅都非常出色
呢位goodbye同事嘅散水糖實在太有心…
啲糖係無添加任何糖同油
個甜都係嚟啲炒溶咗嘅果乾
再mix埋啱啱焗起爆香嘅果仁度
超！好！味！！！
仲要每粒都係人手做
做嘅用心派嘅都係非常有心
要好好保重啊！我哋相約煲底再見～（含淚揮手）
開業四十幾年嘅滿滿越式滋味 （哈… 香港啲越南餐廳都係呢種門面裝修嘅）
薄切牛肉撈檬
牛肉鋪到成座山咁高幾足料
啲牛肉用炭火燒過
聞落同食落嘅味道都勁香
檬粉有啲太碎
但係更容易索晒魚露
算唔錯啦~
咸青檸梳打
係soda唔係檸七
唔會甜甜咁又夠順氣
仲送咗個超型格嘅黑色月曆
一年都過咗一半先送好奇怪咁？
no la 個月曆係由今年六月到下年嘅啱啱好（心）
Mmm… 如果肯爭氣少少就好喇…
楊枝甘露配雪糕球
求其撈埋一堆，諗住穩穩陣陣嘅款式
可惜啲生果唔太新鮮
個芒果汁base真係麻麻…
榴槤棉花冰
一上到枱第一時間就忍唔住講：
個配色搞乜鬼咁趕客呀？
奶白色嘅榴槤雪花冰；
pastel系嘅小丸子；黑色嘅涼粉；
仲有點睇都係未夠熟嘅淡橙色哈蜜瓜
完全沒有一絲食甜品開心喜悅或優雅感嘅顏色
只能寄望味道會搶返少少分數…
好可惜係小丸子係al dente狀態
裡面係粉粒硬硬咁未熟透
哈蜜瓜由個色已經預告咗嘅唔甜
涼粉就最難伏嘅OK啦
主角榴槤冰係有榴蓮味算係咁，唉～
心太軟酥皮配雪糕
响上兩樣都已經清完之後再等多一排
呢個一早知要等好耐嘅甜品終於上場喇
個樣睇落都可以嘅
不過呢，香港係一個好潮濕嘅地方
晌616食616(心)
但係唔太鍾意十十吓就走去食lunch啦～
雙牛湯飯
清湯腩 x 牛仔骨嘅美味組合
牛味極濃郁，肉好新鮮所以腍身而咬開
夜晚打邊爐嘅話啲牛應該會再刁鑽啲
個湯望落好清咁但不失濃郁牛香 好好味呢（超讚）
咖喱牛筋腩飯
香濃微辣嘅咖喱
再配重牛味腍滑嘅筋同腩
撈飯一流！
玫瑰洛神花茶 & 烏梅汁
lunch包埋真係好鬼抵（仲免加一呀衰鬼）
清甜解渴好爽啊！
仲未有得去臺灣呀呀呀（淚）
唯有食添加臺灣威士忌kavalan嘅臺灣牛肉麵先（心）
有兜麵啦麥芽啦大兜蔥啦
當然仲有支kavalan（噶瑪蘭）啦！
上枱後先用火槍燒熟個牛肉面
燒一面㗎啫；另一面浸緊熱湯唔駛燒
牛肉太熟唔好食嘛…
再倒啲麥芽上去然後又燒一燒
呃… 好香呢～
最後，倒半支kavalan去個湯勺度燒
起晒藍色火，仲酒香四溢喔！
！好好火！
熄火之後加埋大量嘅蔥，噶瑪蘭威士忌三星麵就完成喇！
本身濃味嘅湯底加咗燒過嘅威士忌之後反而變得清爽柔和
麥芽味非常香，搞到風暴吸入湯底㖭（嘿）
半熟嘅嫩滑牛肉片
新鮮牛肚一咬就斷唔韌唔會攝牙罅
大大舊超～漿～口～牛筋
幸福滿滿嘅感覺（心）
鮮嫩無比嘅牛腩啊！
牛味香炆得腍個煮汁又夠入味so great
白麵煮得啱啱好唔會太腍好掛湯
成碗麵完成度高，每樣料都三大件好足料
雖然食得糖多會令人肥又會加速衰老
但係如果好食嘅話… 肥咪肥老咪老囉唔理得咁多（全放棄狀態）
黑糖水信玄餅
自己跟住recipe整都唔會難食得去邊嘅滑嘟嘟水信玄餅
呢度食都唔會差得去邊啦～
椰皇燉蛋白
呢間嘢日以繼夜夜以繼日又再日以繼夜夜以繼日咁批椰皇
冇計啦鬼叫佢哋整嘅椰皇系都好食咩
唔起勢批邊做得切呀？
呢款係最最最standard嘅熱椰皇燉蛋白
椰味香奶味濃蛋白夠滑冇任何嘢可以挑剔
焦糖椰皇燉蛋白
椰皇燉蛋白凍食版本
一揭個椰蓋以為自己叫錯咗椰皇crème brûlée
食落去又以為人哋整咗個脆糖落蛋白度
統統唔係！只係照字面嘅有脆焦糖面嘅椰皇燉蛋白
脆糖面加落凍咗嘅燉蛋白甜度啱啱好
（因為凍嘅甜品一樣糖分但甜度會減少）
凍食嘅蛋白感覺creamy啲（3.6牛奶唔係流料）
有啲似crème brûlée但少咗蛋味多咗椰味咁
榴槤爺爺
繼續開椰皇啦！
好熱呀～
要食light啲嘅嘢啊啊啊！
梅子青檸溫烏龍麵 | 胡麻辛辣冷烏龍麵
酸爽嘅梅子同青檸好適合悶熱嘅天氣
烏冬彈彈牙咁好好味
胡麻醬香、泡菜微辣、泡菜粟米同青瓜都好爽脆
配超韌嘅凍烏冬唔錯唔錯
係隻烚蛋太熟啫（我愛流蛋）
海老天婦羅 & 雞唐揚
關西牛肉溫烏龍麵 | 明太子冷烏龍麵
小食係夠熱雞球咬出嚟會有汁出
炸蝦外面脆脆咁，蝦仔奀咗少少咁啦
流蛋肥牛烏冬，唔會出事嘅簡單美味組合
冇得輸嘅明太子
撈埋流心蛋同蛋黃醬就會好濃郁
不過麵兜內太多水（唔止一次都係咁）
一係倒水撈一係分開食
分開食就一粒明太子都唔會嘥
分開食就一滴流心蛋都吞落肚
冬菇亭內cozy裝修嘅食店
有飯啦小食啦甜品咩都有嗰啲啦
真・菠蘿綿綿冰
（鳥瞰）
鮮菠蘿綿綿冰、鮮菠蘿、水晶（透明涼粉）、椰奶忌廉仲有篤3.6牛奶軟雪糕
好難唔滿足喎老細～
楊枝甘露
上枱睇落似乜都冇咁…
（攪底）
當然係寶物尋歸底！
足料到一個點，芒果汁底勁濃郁
芒果粒同柚子肉都係新鮮嘢
大大粒珍珠好好咬呵呵～
同一色tone嘅腐竹薏米流心蛋糖水
（咬～）
哇！隻流蛋流緊金咁好L正啊！
呢度嘅腐竹糖水係例甜（恆常配餐甜品）之一
不過又唔會好似平時啲例水咁做得求其
味道濃郁又唔會好甜
薏米肥嘟嘟有得咬
腐竹唔會全部煮爛晒會有軟滑一塊塊（讚）
100%自家磨制芝麻糊
Mmm… OK啦，誠意可嘉嘅不過其他嘢水準高啲咁囉…
彩虹橋
「飛轉成田食個鰻魚飯都好吖…」 T-T
冇呢支歌仔唱就留响香港渡黃金周啦唯有
逼爆飯盒size嘅厚厚肉彈牙鰻魚
蒲燒汁夠香夠甜
飯唔會太濕，塞滿其實配埋汁都只係啱啱好
因為塊鰻魚真係好kill rice呢～
對於珍珠奶茶有免疫力
响香港飲嘅仲應該一隻手都數得完…
（去臺灣有時會飲，not次次）
腐竹白玉奶茶（少冰、無糖）
杯嘢以味道同飽足度簡直媲美一大碗糖水（！！！）
雖然我係揀無糖，不過啲白玉珍珠係有少少甜味
所以個腐竹糖水無糖都啱啱好
腐竹容量滿滿，一塊塊吸入幾過癮
個奶茶有微微茶味；豆奶味香濃
唔錯唔錯（飽！）
Mmm… 究竟點先做到龜一點別急着喝而同時要盡快飲用呢杯嘢呢？
Finally, NO 課金 to 党鉄～！
