[點心] 616 客香邨酒家
港式飲茶唔似茶舖咁杯茶係重點
根本就只係指食點心嘛…
唔可以堂食咪外賣返屋企囉
（拎埋盒仔兜仔呀呢次）
反正間舖開24，就算凌晨3點想食都OK
香茜牛肉腸粉
即製布拉腸，條粉削咗少少同有啲厚
不過裡面嘅牛肉夠晒香搶返唔少分數啊！
鵪鶉蛋燒賣
晌呢個時代仲見到呢味嘢唔係唔叫佢呀化？
蛋味祝足又彈彈牙，肉球足料卻唔會死實實
好好味呢～
柱侯金錢肚
新鮮牛肚一咬就斷
加上醬汁勁入味，正！
螺片棉花雞
啖啖肉 x 浮雲魚肚食落好滋味
斗門蝦餃
皮薄又夠韌蝦球既爽口又大舊肥肉夠晒香
太好食喇實在！
香煎家鄉鯪魚餅
除咗蒸嘅; 煎嘅都非常出色
鯪魚餅勁厚身兼新鮮濃魚味仲極彈牙
揀料好師傅功架足無可挑剔呢～
鮮蝦腐皮卷
超~ 脆~ 口~ 嘅腐皮
包住新鮮爽口嘅彈彈蝦
無唔好食嘅道理啊！
咖喱魷魚
又係新鮮一咬就斷嘅貨色
咖喱味帶微辣，味道更提香更好味
好滿足，去泡返壺靚普洱慢慢嘆先…