All Posts
作為一枚animal lover
去親近吓佢哋真係無可厚非㗎（心）
秘・燒黑松露吉列牛
牛肉以黑松露麵包糠包住
外面就變得脆脆咁再加搶味嘅黑松露香
吉列牛係幾得意嘅
不過個牛味就俾松露味搶咗
啊！隻楓糖流心蛋好好食！ 秘・朴葉味噌牛肉
呢個由生煮到熟都要一段時間
肚餓就唔好叫佢
同吉列牛一舊舊嘅唔同
係大塊啲嘅牛可以撈勻兜埋一堆
燒過嘅朴葉會微微滲出香氣
麵豉醬有啲重手可完全沾滿每一片牛
都唔錯嘅係等食嘅時間長咗啲…
鐵板安格斯牛
Mmm… 以個人口味嚟講
最原始嘅味道係最好味
啲肉新鮮嘅話
就咁直燒已經夠
根本就唔駛加呢樣嗰樣嘛…
清酒煮活托托蜆
似係過江龍；其實係港人港拉麵啦～
(日本嘅豚道楽係居酒屋)
（特上）海之幸番茄湯拉麵
濃郁嘅番茄海鮮湯底
湯汁掛麵每啖都好香濃
有蟹鉗又好多蜆絕不欺場
加埋辣醬唔會勁漏（but會好很飽！）
（特上）日本芥末拉麵
攻鼻嘅wasabi配豬骨濃湯底仲要加芝士粉
綠色杰撻撻咁個造型係有啲唔開胃
不過係好好味嘅，wasabi令到個豬味冇咁濃烈
配埋大量爽脆芽菜同爽口木耳
就完全中和太濃郁嘅味道
火炙叉燒肥瘦適中肉質夠腍又燒得香
溫泉蛋隻隻都夠流心品質keep得好
兜腩肉仔唔係成日有
好好食㗎但係可遇不可求
唔係次次都食到…
Mmm… 係"NOT One Less"唔係"No"啊老細…
大家一齊密密食儲印花儲印花儲印花換拉麵（心）
來自臺灣嘅意大利pizza係冇珍珠响面嘅！
堅果四重乳酪比薩 | Four cheese with mixed nuts pizza
mozzarella x blue cheese x Grand Padano x Gouda
仲有合桃杏仁，竟然唔會太heavy因為加咗蜜糖中和返
餅底焗得外脆內微韌，趁熱食非常美味
經典松露野菇比薩 | Truffle and mushroom pizza
食嘢一定要揀睇顏色
講黃色嘛，蛋(黃)咪黃色囉！
Double芝士豬柳滑蛋盒子吐司
未食之前諗點解要用盒裝住
拎出嚟就發現唔係咁裝嘅話啲料會爆開件厚多士
啲蛋唔係剩係得面頭呢浸
係一路落到底都有
至於豬柳，傻仔嘅我以為係日式炸豬柳
望到先至係金拱門豬柳蛋漢堡件豬柳
然後哦咗聲「原來係漢堡扒」
問衰tak點解唔叫佢做漢堡
佢就話叫漢堡啲人會認為係牛肉漢堡
又係喎，長知識了thanks～
between，啲流蛋又香又滑個包又夠脆
即叫即整等廿分鐘係完全值得
滑蛋餐肉厚切三文治
無得輸嘅餐蛋治，滑蛋鬆軟麵包都係軟軟
少有地唔抗拒唔係喪烘底嘅白麵包
牛油果吞拿魚牛角酥
牛油果夠熟吞拿魚沙律個味校得唔錯
牛角包外酥脆內香軟好好食
不過成日都無牛角包賣，可遇不可求呢
然後，呢個包冇蛋… 呢度有蛋嘅嘢會更好食
蒲燒鰻魚飯 | E-FOR-EGG芝士黃金蛋包飯
好掛住响沙巴過新年嘅日子啊啊啊啊啊！
香港都有好嘢啦～ 呢間好嘢嚟架（真心大大力推薦！）
一坐低叫完嘢唔係求其俾無味茶而係滿滿香氣嘅肉骨茶
藥材味足唔會過鹹又有肉味，good
其實唔辣只係諧音叫辣死你嗎嘅Nasi Lemak椰漿飯
全盒咁多嘢但係樣樣都唔錯
蝦片夠香脆辣醬 (this is 辣) 食得出個心機連塊青瓜都新鮮爽脆
馬來西亞拉茶 就係呢隻熟悉嘅味道喇
平日係唔鍾意飲甜嘢但係拉茶唔甜唔好飲嘅
何況呢杯又唔係非常甜的說
講甜點都唔夠呢杯檳城白咖啡
但都係呢句啦：唔甜唔好飲
又係諧音叫法：愛他愛她 Otak Otak 燒蕉葉魚蓉
魚漿 x 香料 x 蕉葉香氣
港式日食唔係求其貨，其實都幾難得…
仲要「太陽花」中有『香港加油』
呢啲咁囂張嘅店點可以狠狠地懲罰佢（！）
米粉班戟 | 和王牛漢堡咖喱
味香肉滑嘅熊本產100%和王牛肉 x 日式超微辣甜咖喱
配甜滋滋菠蘿乾同菠蘿醬
米粉pancake唔會極重蛋味唔會漏
微微鬆軟度唔講唔覺就好快清碟
粒粒車厘茄都好新鮮，伴碟嘅蕃薯片超脆
所有嘢加埋令成碟嘢完成度極高，好好味嘅心機菜～
海膽和風卡邦尼烏冬
海膽新鮮味濃；烏冬韌度足火候啱啱好
厚切日本煙肉鹹香夠提味
個醬係和風版就冇本身西式咁膩
剷一碟又係無難度（哈）
甘酒美人軟雪糕
濃郁嘅甘酒味 & 滑滑軟身雪糕
滑溜程度簡直認唔出佢係冇蛋冇奶純素呢（心）
米粉班戟 | 蕃薯甘栗
好想去台灣呀呀呀～～～
川味紅燒三寶牛肉麵
即係有牛鍵、牛筋同牛肋條
個湯色幾靚牛味都出
不過本身鍾意藥材同辣啲嘅味
就稍稍覺得唔夠濃
麵條爽滑唔過腍加返啲分咁啦
川味紅燒牛肉麵
哎吔吔個辣油再少啲㖭…
塊～牛～好～～～厚～～
肉唔會韌又夠牛味，讚！
台式泡菜
新鮮爽脆好好味！！！
點睇都係台灣直送飲料啦哈哈
貼心位：紮起個頭慢慢食
都仲係好想去台灣呀呀呀～
同過往嘅中秋一樣收到好很多月餅
奶黃月居多啦，咁我又對呢樣冇咩喜好
but呢隻加埋Earl Grey嘅好食喎
有茶香味唔太甜亦令個餅唔會好漏
係嘅，似食蛋糕咁嘅但係WFC吖咪又係一舊甜嘢
好食就得啦仲有畫得幾靚（with醜醜嘅字）
公平啲，原味奶黃味就一般般
係嘅畢竟今年收到嘅奶黃月水準有啲高啊…
唔駛排隊咪食囉…
抹茶卷、軟雪糕、日本煎茶
諗緊要呢set定係full set（即係再加埋蕨餅）
但係間嘢要每人點一份嘢
咁仲要嗌嘢嘅話就too much所以呢set算喇
抹茶卷嘅海綿蛋糕鬆軟
中間pat cream唔會太重身
幾香抹茶味嘅雖然甜咗啲啲
軟雪糕就好出色（讚）
雪糕濃郁且滑身茶味出
紅豆蓉唔算爆甜OK㗎喇
兩粒団子夠晒韌非常好食
煎茶… 頭頭唔出味但係食完再飲就泡過籠
點飲都唔係right time，唉～
北海道哈密瓜沙冰
個牛奶雪糕極之好味
厚身兼奶味重
個沙冰嘅哈密瓜味一啲都唔假，唔錯唔錯
仲有呢三粒新鮮哈密瓜波
個甜度唔輸俾甜品，good！
就算同一樣嘅材料
用心做，就能成為美食
All Day Breakfast
有炒蛋、白菌、茄汁焗豆、蕃茄甘筍、沙律、薯餅、牛角飽
除咗陳醋醬沙律之外
全部嘢食都係熱辣辣嘅
炒蛋fluffy；薯餅香脆；牛角包酥落滿滿牛油香
係㗎！明明好多餐廳都係呢啲一模一樣嘅材料
就係個廚有心做同求其整嘅分別
Rooibos crème caramel
唔飲啡飲茶，呢隻香香甜甜唔錯啊！
話名慢遞館出菜當然唔會係澳牛速度
但係啲嘢食樣樣都畀心機煮
絕對值得等～
食完就去附近商場嘆冷氣（啦啦啦）
夏雪，呢間好好食嘅waffle有兩間舖
今日梗係去大圍分店啦～（哈）
皇家伯爵茶窩夫
勁！Earl！Grey！嘅味道！
waffle外脆內極韌，茶味每啖都有冇走失
用少少糖漿調吓個味就已經perfect
雪糕都係濃郁Earl Grey味
奶味茶味甜味完美地响口裡面三分天下
配埋waffle就齊晒唔同感覺嘅茶味
焦糖菠蘿更加係畫龍點晴
面層塊脆糖好食就不在話下
燒焦過嘅菠蘿再爆甜味
除咗好食！都仲係好食！
紫薯窩夫
只係蕃薯愛好者又未至於紫薯甜品控
但見到係招牌貨都會嗌吓嘅
甜薯味香，將薯蓉塞响waffle裡面
就變成外脆內韌中間軟滑
相比已經預咗好食嘅waffle個豆腐雪糕先夠驚艷
豆腐花雪糕咁，又香又甜又滑
哈蜜瓜都好甜絕對唔會輸比球雪糕
牛油果及煙三文魚窩夫沙律
waffle當然有鹹有甜
個waffle即整梗係新鮮
睇嚟今年都唔會去韓國
咁就去試吓韓國票選冧巴溫嘅pizza店啦！
Pizza 群蟹派對（番茄醬底）
呢度嘅pizza係用自家特製嘅綠茶餅底
（亦都响韓國拎咗專利）
以小藻發酵，所以個色都綠綠哋
食落帶韌性不過冇茶味
除咗番茄醬base仲有中層BBQ醬同面層嘅沙律醬
可能因為個配料係蝦肉同蟹絲
成件嘢加埋唔算好漏
蒜香甜辣秘制炸雞
雖然pizza係冧巴溫然而呢度係主打pizza & chicken
見到menu寫秘制咪try try囉
吖！個蒜只帶其香冇其蒜嗆
熱辣辣加上甜中帶超微辣味好好味（讚）
間嘢有由韓國直送嘅手工tap供應
Slow IPA
喂呀呢杯係得獎啤喎係咪都要飲嘅
入口爆濃郁嘅甜味
個甜味好快散開形成回甘嘅苦味
