All Posts
十津川農場同鹿児島大学一同研發
呢隻茶究竟有咩咁厲害？
先講茶葉，枇杷葉
作用係聲稱可以抑制癌細胞、對抗炎症、改善肝機能解脂肪等等
咁我無病我梗係唔知有冇效啦
所以，我只係好欣賞佢個味
以特許製法tourmaline x 波動水洗茶
而日曬乾燥嘅方法都同一般茶葉唔同
出嚟隻茶甘甜一啲都唔帶苦
又唔似一般茶葉茶咁寒涼
令人眼光光口乾乾手冰腳凍瞓唔著
煲又得沖熱水焗兩焗都得好方便
功效有定冇都仲係未知數
不過好飲嘅嘢一飲就飲得出（笑）
賣埋車身廣告
盲毛都會讚好
（哈哈）
-———————————————-
延伸閱讀：Happy Days！鹿児島宮崎！ (10D9N)
食鹿児島嘅肉類除咗以しゃぶしゃぶ、蒸し、揚げ、炆、炊き烹調之外
仲有鹿児島桜島嘅火山岩石所造成嘅岩石板溶岩焼き！
較早前已經book座位嘅關係
未坐低啲小食就晌枱面
雖然個樣係ready to eat
但係都唔係就咁就擺入口食嘅
枱中間有個炭爐
嗱，我齋book位不過未order嘢食
明明係想食溶岩焼き點解嗌都未嗌就變咗炭燒呢？
因為呢間嘢嘅前菜唔係就咁一兜兜
係要自己一路燒一路飲吓酒嘅
俾炭燒過嘅蝦呀魷魚乾呀極之香
送酒堅一流！！！
今晚唔飲芋燒酎喇
嚟杯威士忌，呢杯係竹鶴
on rock無咁嗆喉
隻酒香到爆炸，難怪咁多人鍾意飲佢
本日の（特）お刺身盛り合わせ
好似咁多日都冇乜食過刺身咁
嗌個set啦！
就算3品都唔會有我唔鍾意食但係好常見嘅三文魚
太好喇實在～
憤怒嘅感覺中帶著悲傷嘅心情
所以要飲綠茶去冷靜
再食返啲甜嘢去cheer up吓先得
アイスのせ ぜんざい（緑茶付）
雲尼拿雪糕配甜死無命賠嘅紅豆蓉
就算有呢杯香濃帶微苦嘅緑茶
都阻擋唔到隻爆甜紅豆味
杯茶真係好好飲，同今朝嘅知覽茶唔同味
無得比較，兩種都好飲
左下嘅和菓子有綠色嘅よもぎもち
同白色有豆豆嘅塩豆大福
兩隻連餡都唔係好甜
餅皮唔會超厚，夠韌身唔錯呀
草餅嘅味好清新，帶微微草香
而塩豆鹹鹹哋更為滋味
食甜嘢中帶鹹味雖然可以輕輕令個甜無咁滯
可惜同時又會令個甜味更甜
係呀，個甜味又係源自於嗰碗紅豆（無限輪迴）
ぜんざい（緑茶付）
有凍嘅雪糕set
都有傳統日式紅豆湯年糕set
個即席緑茶係一樣嘅，好好飲
碗紅豆湯無因為比紅豆蓉加多啲水而減少個甜度
點解行程要急到要棄景點？
因為我要準時搭今日最後嘅呢架車
↓↓↓
指宿のたまて箱
個「たまて箱」（玉手箱）
就係好出名嘅薩摩半島故事竜宮伝説裡面
阿浦島太郎去完竜宮返上水面
人哋叫佢唔好開
但係佢死係要打開嗰個箱
個箱一開仲要出煙
然後佢就變咗做個阿伯
架車嘅logo，同平時聖誕啲禮物盒差唔多
1号車 客室
由後面影返轉頭嘅車廂內部
啲燈啲木色呀凳呀個感覺好懷舊咁
2号車 客室
右手邊啲凳係回転椅子
有埋枱嘅
門簾都係有logo
仲有啲古怪海洋生物嘅公仔
2号車 本棚のあるソファコーナー
訂唔到轉轉凳
♪「…遲來一秒鐘 沿途經過和結局 其實太不同」
唉～～～～～
話說架巴士遲到
响佢冇踩行油去meet返個target之際
到達知覧武家屋敷去接駁另一架巴士
已經走到連排氣粒塵嘅影都冇
咁反正都上唔到車
又唔想去武家屋敷睇啲冇興趣嘅嘢
更甚係已經上到知覽山頭
唯有搭多一兩個站去知覽町囉唉
（廿萬個唔情願）
响憤怒當前
只可以話知覽町呢度真係一個好清靜嘅地方
而且空氣非常清新
杯知覽茶係免費試飲
清新嘅綠茶帶甘香
微微苦澀同我而家個心情一樣
「好風光、好茶；個心滴緊血欲哭無淚。」
お茶むらいグッズ
呢樹隻吉祥物
但係講真呢度真係乜都無
所以有下班車就即刻跳上去
哇～ 沿途咁鬼靚
等等等食咗十世，終於有得食喇～（好滾動）
鶏飯丼
奄美島嘅鶏飯
話說呢個島近係沖縄
之前話去屋久島已經已經好L遠
時間同去宮崎差唔多
奄美島仲要再再再南啲囉（翻白眼）
好啦呢間有正宗嘅奄美鶏飯
唔駛坐船去就有得食都幾好吖
好，講返碗飯
有雞絲啦有蛋絲紫菜呀蔥呀同飯咁
仲有最最最最緊要嘅雞！湯！
熱辣辣勁濃郁雞味嘅雞湯
個湯係好飲嘅，啲飯都好食嘅
雞絲嚡嚡哋不過都OK好味嘅
but but but其實點講佢都只係一碗好出色嘅湯飯
亦都係一碗好普通嘅湯飯
講真我真係特登嚟食呢碗飯㗎
只可以講：堅戇居囉…
～鶏飯，完～
おでん
呢個反而特別啲喎
一碌豬腳，皮爽肉腍又夠入味
不知不覺就行咗十世
係時候食返餐好嘢～～～
鯛しゃぶ御膳
呢呢呢個set真係不得了
好食到不得了嗰隻
set裡面嘅鯛魚分別落响火鍋同湯
鯛しゃぶ鍋係清湯底
即係D食材新唔新鮮一定食得出
當然呢個set D魚嘅新鮮度係無可置疑
淥兩淥好快熟襯熱食喇喂
啱啱熟嘅魚超～ 彈～ 牙～
魚嘅味道同D湯汁一齊爆出嚟
點埋個特質ポン酢
魚油係魚油但一D點唔會漏
之後淥嘅菜都有陣魚味，good！
而個鯛あら汁又係個無得頂之作
みそ香味仲帶住啖啖濃郁魚味
魚係浸住响湯裡面
不過少少過火浸耐咗微微嚡口嘅感覺都無
呀～ 唔可以留咗彈牙味甜嘅薩摩魚餅
飯都好好味，成個set無一樣嘢可以挑剔
呢張「入場卷」係加多少少銀両嘅「御殿共通券」
因為咁先可以入到御殿呀
呢個殿係明治時代第29代島津忠義住過嘅
雖然間嘢只係剩返三分一但係都唔算細
較啱時間就可以開始入去參觀
（有專人帶住行同講解）
入到去要除鞋啦
同埋除咗中庭之外係唔可以影相㗎
要行嘅位置總共有呢11個：
① 玄関 － 除鞋、等開始、有凳坐
② 忠重の部屋 － 島津忠義個仔即係第30代忠重細個時候間房，裡面仲有佢張相㗎！
③ 披露の間 － 主要係講「柱と長押」呢種無釘建築
④ 忠義の寝室 － 瞓覺嘅地方
原本諗住一朝早就美肌吓買枝甘酒嚟飲
點知見到個招紙寫住奄美名產
再睇吓裡面D嘢白白哋就當係…
其實みき係米漿（汗）
仲要係好杰撻撻嗰種
原料好簡單就只係米、砂糖、さつまいも
米味香又甜甜哋咁囉
係米同糖發酵而成
枝嘢好杰，飲飲吓就好鬼難啜
飲咗好耐呀所以
同埋真係好足料囉
KO完成枝好L飽
好喇，又出發喇～～～
-———————————————-
延伸閱讀：Happy Days！鹿児島宮崎！ (10D9N)
既然胃痛過，腸胃唔好就隊D乳酸菌嘢飲啦
有鬼死咁多款可以揀
就揀隻未試過又夠吸引㗎啦
ピルクル平日見容和D日巡嘅時候呀
或者做綜藝嗰陣話去日本就一定會飲
嗱！呢個理由夠晒吸引喇
同佢飲埋同一樣嘢喎，ff吓都好吖
不過講真，同飲益力多係唔打分別無咁甜囉
加上大大盒（500ml）飲得爽D咁
唔似益力多咁少少少少咁
一枝就到喉唔到肺
飲得多又好似有輕微罪惡感咁
OK嘅，不過呢種偏甜飲料
始終唔係我杯茶
ff完喇我返出去做嘢早抖先喇bye～
-———————————————-
延伸閱讀：Happy Days！鹿児島宮崎！ (10D9N)
哇哇哇！呢杯好嘢呀！！！（極力推薦）
牛奶 x 乳製品 x 三温糖
奶味超～～～ 濃～～
甜味同酸味好平衡
味道香甜之餘
質地仲要好濃郁順滑
簡直係飲用乳酪界嘅極品，我話嘅！
個蓋已經講出我嘅心聲（嘻）
-———————————————-
延伸閱讀：Happy Days！鹿児島宮崎！ (10D9N)
係呀我知呀，呢盒嘢香港周街D超市都有
味道當然無分別啦
咪甜嘅乳酸飲料咁嘅味囉
益力多呀明治chelsea嗰D味囉
係無特別㗎
不過話晒呢間Dairy南日本酪農係宮崎県公司嘛
近近哋好似新鮮D咁
加上好平… 真係好Q平
完全拒絕唔到嘅價格
一朝早甜甜哋吸收吓乳酸菌
三種混合菌喎
都幾好吖～～～
Good Morning :)
-———————————————-
延伸閱讀：Happy Days！鹿児島宮崎！ (10D9N)
