All Posts

portugal4l

[抱抱葡萄牙] Day4：Antunes

食完tea，再行吓行吓shopping吓 咁又到食晚飯嘅時候喇 先嚟一客熱辣辣香脆脆嘅蒜蓉包 鹹香嘅牛油蒜蓉味，又夠脆口 完全欲罷不能呢 今晚飲乾身嘅白酒 小食方面有葡式炸物 係馬介休球 x 牛肉角嘅組合 都係好熱好熱，加上滿滿嘅薯仔 令到個鹹魚（馬介休）鮮香得嚟唔會死鹹 牛肉肉味香絕對唔會被馬介休比下去 主菜：焗豬踭（解剖中 by好好笑容嘅叔叔） 原本係慕呢度嘅羊肉名而嚟 點知今晚冇整，冇得食然後就推薦呢款 哇哇哇！真係冇介紹錯 啲肉又腍又滑 少少鹹過皮多多脆 就係呢少少嘅鹹味令到個豬味更香濃 濃還濃又一啲都唔會有豬羶味 呢兜豬仲伴咗好多薯仔 加埋跟咗個飯 個結論當然係飽到上天靈蓋

2018 年 1 月 3 日
portugal4k

[抱抱葡萄牙] Day4：Majestic Café

食個靚tea先！ 睇佢個門面就知道又係舊嘢啦 唔算非常耐嘅，1926年開業啫未夠一百年 大過我同你咁上下啦 以前就係啲知識份子呀藝術家呀名媛鍾意嚟「蒲」 近代啲咪又係阿JK Rowling囉 長形嘅空間仲有大大塊長鏡 粉色牆身、木框加埋一舊二舊詭異嘅石膏雕像 望啲雕像個樣 真係笑得令人心寒 兩邊牆嘅雕像對望住 堅有少少「嚇死人咩！個心離一離！」嘅感覺 舉頭望雕像，低頭睇檯凳 大理石臺加埋雕刻皮革卡位 再有埋雕咗同系列圖案嘅木凳，都咪話唔grand Rabanadas Majestic Style + coffee 葡式西多，煎麵包加果仁果乾再淋糖漿 OK好食嘅呢啲standard嘢 所以都係預期中嘅甜咗啲囉 咁襯杯普普通通正正常常嘅咖啡咁

2018 年 1 月 2 日
portugal4h

[抱抱葡萄牙] Day4：Restaurante Snoopy

食晏時間梗係繼續食葡國菜啦！ 細個响澳門嘅葡式餐 好鍾意呢味薯蓉青菜湯caldo verde 吖！有得食返突然覺得好開心（笑） 仲有滿到瀉嘅雜菜湯 sopa de legumes 唔會好鹹啲菜新鮮又甜咁 補充滿滿纖維呢 然而酒is a MUST嘅情況下 呢枝係Terras D´Alleu 香甜果味濃郁嘅厚身紅酒 唔單止配餐做配角 就連齋飲做主角都當之無愧 carapaus grelhados 燒魚配薯仔 簡單而美味 最後上菜時「嘩」咗聲嘅大大兜墨魚燴飯 arroz de lulas

2017 年 12 月 27 日
uccwinterblend

[高馡] UCC - seasonal cafe winter blend

涼少少喇終於 啲冬天嘢可以放一放出嚟 凍啲梗係比平日更懶㗎啦 煮過咖啡都懶過人 呢隻個味算OK香嘅 唔濃嘅都唔苦 當普通暖身早餐飲品都唔錯啦～

2017 年 12 月 17 日
portugal4a

[抱抱葡萄牙] Day4：Muralhas do Olival (2nd round)

今朝會先响山頂間教堂參觀 上開嚟嘛埋食返呢間好好食嘅café囉 右上件包包樣有啲似乳豬 不過佢個味其實係pizza咁 上下都烘咗硬身少少嘅 左上嗰件，响個麵包櫃見到佢已經雙眼發光 個面層全部都係nuts 脆口到爆燈仲係甜甜哋完全係我嘅口味 左下嘅係正港葡式豬扒包 唔係澳門嗰種豬扒包 一食就知真係冇得呃人 因為呢隻係凍㗎 裡面係無搽牛油嘅 硬豬仔包係外脆內軟小圓法包 夾住一大塊直炸肉嫩豬扒 熱嘅話一定會極級好食 但凍嘅已經非常好食 包包雖凍卻冇失望 咖啡熱嘅就得啦 完成一份完美嘅早餐 開始今日嘅遊覽覽旅程喇… ----------------------------------------------- 延伸閱讀： Day1：Hello Lisbon

2017 年 12 月 13 日
portugal3l

[抱抱葡萄牙] Day3：Taberna d'Avó

過咗個黃昏，即係又到咗美妙嘅晚飯時間喇 O tal vinho da Lixa 今日試咗幾款port 又飲過吓紅白酒 當然唔少得葡萄牙嘅青酒啦！ 放入傳統陶壺度先 嗱凍㗎凍㗎摸吓會手印㗎 啲小食好吸引就嗌幾碟 有八爪魚啦青椒仔啦同腎 主食有魚魚魚啦梗係 仲有哇哇哇好大兜嘅葡式海鮮粥 (?) 哎呀呀，好好味呀 又唔覺意食到好飽㖭…（嗝） ----------------------------------------------- 延伸閱讀： Day1：Hello Lisbon Day2：Lisboa → Porto

2017 年 12 月 12 日
portugal3j

[抱抱葡萄牙] Day3：Port Guy Tour 3 - Augusto's

飲完幾杯就行出河邊吹下風行吓 點知見到有人撈緊客 見間嘢聽都未聽過 佢哋自己都話佢哋係細規模嘅家族生意 哇！即係如果今次唔試 分分鐘呢世人有可能唔飲返 跟啦跟住佢哋去… welcome drink係Red（Ruby） 唔係好甜嗰種 有啲介乎port同紅酒嘅味道 ～ 參觀時間 ～ 呢度唔係地牢式 地方唔係好大就直接係地面嗰層 但都係石牆嘅，感覺無咁陰濕（嘻） 規模細還細 款式都好足㗎！ 又到最興奮嘅tasting時間 Ruby同Tawny 再嚟多杯LBV嘅Ruby 嗱嗱嗱～ 呢杯嘢正呀 個色仲要鬼咁清

2017 年 12 月 8 日
portugal3i

[抱抱葡萄牙] Day3：Port Guy Tour 2 - Quevedo

因為已經參觀過酒窖 所以唔需要又睇差唔多嘅嘢 咁齋坐低飲啦 @Quevedo 右手邊由上到下分別係Ruby、Rosé、Tawny Ruby - 厚身啲，味道濃郁果味甜美 Rosé - 屬於較young嘅酒，不論熟成同本身歷史，味道香甜清爽但較單調 Tawny - 同今朝嘅熟成耐啲嘅唔同（呢隻5年咁上下啦），不過個after taste依然係香香嘅橡木味 左手邊係呢度嘅cocktail：porto tónico white port x tonic嘅組合 檸檬都係個神髓… 啩 超清爽，好入口喎 返香港都可以自己試吓調返杯

2017 年 12 月 7 日
portugal3g

[抱抱葡萄牙] Day3：Barão Fladgate

夠鐘食晏喇啦啦啦 雖然佢哋周圍走 不過今餐唔係食孔雀 咁係因為佢哋係餐廳吉祥物嘛 餐牌個logo都印咗㗎～ 啲包唔熱嘅不過外脆內韌 個味都唔錯，一直想追加但又怕食唔晒會嘥 食嘢梗係唔可以無酒啦 都係以Chip Dry Port做welcome drink 然後餐就係紅/白酒 welcome snack有兩款 葡式笑口棗（誤） 滿滿嘅芝麻好香口 另一款係酥皮魚蓉在加啲魚子 味道同質地都好豐富 個湯係味道濃唔會太甜帶新鮮酸味嘅番茄蔬菜湯 重點之一係呢隻63°C溫泉蛋 軟滑嘅蛋黃蛋白呀～ starter係魚 x 魚啫喱

2017 年 12 月 6 日
portugal3d

[抱抱葡萄牙] Day3：Port Guy Tour 1 - TAYLOR'S

去葡萄牙唔係唔去試砵酒呀嘛？ 仲要嚟得Vila Nova de Gaia 梗係要參觀吓酒莊啦 打頭陣有香港都容易搵到嘅牌子：TAYLOR’S （since 1692） 可以出口到地球嘅另一端 當然會係有返咁上下嘅規模 所以個酒莊嘅地方都幾大吓 先响counter登記參觀tour 然後响tasting room等夠鐘先行 好得意嘅酒桶仔凳 响酒莊等梗係有welcome drink啦 不過就係包含响個tasting menu度嘅 先嚟杯色澤清澈入口乾身嘅Chip Dry Port 係Extra Dry White Port

2017 年 12 月 4 日
suntorywhitesour

[cheers!] suntory ほろよい 白いサワー

Happy Friday嘅lunchtime飲少少酒都唔過份吖 （我話嘅！） 呢罐乜形容都冇 只係寫白色sour無啦啦梗係唔知咩味啦 係甜乳酸嘢飲味呀呀呀 仲係有氣嗰隻 小朋友嘅味道嚟過埋份工呢幾粒鐘都唔錯 酒精得3%之嘛 飲50罐都唔會影響工作就係啦 …返出去做嘢先，放工去happy hour都好喎～

2017 年 12 月 1 日
portugal3a

[抱抱葡萄牙] Day3：Arcos dos Lóios

美好嘅早晨由一份早餐再配杯咖啡作為序幕 响山頂嘅民宿向下行求其一間café 包包係torrada pão Alentejano 坑紋式烘底，充滿牛油同小麥味嘅多士 變奏版當然唔少得呢個無得輸嘅組合： ham & cheese（presunto e queijo） 融化嘅微鹹軟滑芝士真係至高無上 配埋歐式薄片火腿 夾响熱辣辣又脆身嘅多士裡面 好食嘅嘢就係無需要整到天花龍鳳囉～ 鐵腳當然要有杯Meia de leite啦 機沖即磨咖啡，唔好太高要求就OK。 食飽飽，出發！ ----------------------------------------------- 延伸閱讀： Day1：Hello Lisbon

2017 年 11 月 29 日