All Posts

portugal8d

[抱抱葡萄牙] Day8：Quinta do Bomfim - Symington Family Estates

嚟Pinhão梗係為咗酒莊啦 唔通特登搭幾粒鐘火車去跳河咩？ Symington家族嘅Quinta do Bomfim 導賞員先講解吓呢度嘅歷史 先參觀而家冇嘢睇嘅提子山（農園） 然後就到踩提子嘅工場 人腳踩呀！不過夏天先有得玩呀～ 應該好好玩咁… 再去到聞到都醉醉地嘅存酒庫 啲酒發酵中，陣味真係夠晒撲鼻 比起之前响Gaia去過嘅TAYLOR’S光猛好多 最後梗係最最最重要目的：TASTING!!!（ROAR） 靚少少嘅有Graham’s Tasting Graham’s Six Grapes：複合嘅ruby port Graham’s 20 Years Old Tawny：

2018 年 4 月 23 日
brooklynlager

[cheers!] Brooklyn Lager

係㗎喇，星期五放工唔係唔happy hour呀嘛？ 呢杯唔苦又唔麥芽味 酸囉！有汽酸味就甜汽水咁 唔算太啱我嘅口味 當試新嘢咁都OK嘅… （最緊要有隔離條友陪吹水啫）

2018 年 4 月 20 日
portugal8c

[抱抱葡萄牙] Day8：Veladouro

開餐喇～～～ 餐前小食有新鮮嘅橄欖同麵包 喂呀啲欖香到震食唔停口呀 Quinta do Vale D. Dona Maria ‘Rufo’ 响Rio Douro真係釀酒區 唔會唔飲呢度嘅紅酒囉好冇？！ 燒牛仔肉個外圍好香 啲肉超～ 嫩～ 滑～ 又唔會有好多脂肪唔會羶 簡單調味已經好突顯個牛味 焗薯角連埋皮 仲吸埋牛仔肉嘅香氣 好似伴碟咁樣嘅綠葉 係蘿蔔苗嚟㗎！ 葉腍梗爽脆，味道好獨特 焗馬介休，飄住誘人嘅香氣

2018 年 4 月 20 日
portugal7j

[抱抱葡萄牙] Day7：All in Porto

食完雪糕唞咗陣都仲係唔肚餓 但係已經到埋宵夜時間喇 又唔可以唔食啲嘢㗎嘛 諗住食少少嘢送吓酒咋喎個芝士火腿盤唔駛咁大碟呀化？！ （…最後食唔晒要打包做聽朝嘅早餐） 不過盤嘢真係好乞人憎㗎 款式多仲要好鬼好食 兜welcome包起新鮮熱辣辣 香到痺，又係冇唔好食嘅道理 今晚飲紅酒～ 對住燭光慢慢吹下水先再行返去瞓 聽朝又要早起遠征喇 解決到早餐問題就唔駛晨七咁早去撲食喇！ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 17 日
cafeholic

[soymilk] cafeholic 有機豆奶

係㗎喇，就嚟無聊到去茶餐廳都影相㗎喇！ 今朝飲咗咖啡就唔想下午茶又飲 咪試吓叫其他嘢飲吓 又估唔到呢杯豆奶幾濃喎 無糖㗎（要就另外加）都已經夠香甜 用呢個熱飲杯裝 有啲似咖啡或茶咁 可能平時飲豆漿都係上海式透明杯嘅樣 仲要個面層係厚厚嘅奶泡 睇落感覺較西化同優雅少少 份下午茶嘅waffle就一般般啦 都外脆內OK軟嘅 但食落裡面鬆散啲唔算好好 個味同麥記早餐熱香餅一模樣 畢竟都係求其坐吓飲杯嘢傾吓計篤吓手機啫 唔好太高要求啦啦啦～

2018 年 4 月 11 日
colourbrown

咖啡事多 (colour brown) 烘焙茶芝士蛋糕

上個禮拜食咗個一啲都唔芝士嘅芝士蛋糕 就完全激發起搵返件好食啲嘅意欲 去誠品扮文青就免喇 食件蛋糕飲杯咖啡hea吓啦 呢件係烘焙茶芝士蛋糕 茶味都幾濃，不過啲芝士都冇太比下去 （而且唔甜，令個茶同芝士味好出） 漿口嘅感覺真係唔錯 餅底有少少散但亦算可接受範圍 配杯仔macchiato 濃郁嘅苦味中微微偏酸 咖啡 x 茶 x 芝士嘅組合幾好 杯腰果奶唔係我嘅 （所以有支飲管） 味道係冇牛奶咁濃㗎喇 仲有微微沙沙嘅感覺 OK嘅…

2018 年 4 月 10 日
portugal7d

[抱抱葡萄牙] Day7：Antunes (again!)

一定要嚟呢度食羊羊羊呀～～～ 當然，仲有超好食嘅蒜蓉包 （今次係encore都仍然好好好好食！） Douro嘅紅酒：Grambeira Red 微微嘅煙燻味，配今日嘅羊肉就啱啱好 （左）牛內臟 x 白豆 （右）羊羊羊羊羊羊羊 x 薯仔 （仲有飯啊！） 煮豆同內臟都好腍身 味道香濃又唔太鹹 比起送飯，齋啪都好好食呀 而個羊，焗到個面香香脆脆 超新鮮所以羊味好濃但係一啲都唔羶 調味唔多一食就已經係羊嘅香 都係因為係焗嘅，食落唔會肥漏漏 黑同綠橄欖焗完仲香喎 薯仔都軟淋淋連埋啲羊油 吸收晒啲精華無唔好食嘅理由 死啦，咁啲飯點算好呀？ -----------------------------------------------

2018 年 4 月 9 日
murphysstout

[cheers!] Murphy's - Irish Stout

古語有云：清明時節醉醺醺（咦？） 今日唔可以唔應吓節嘅～ 呢隻係就係黑啤 不過一啲都唔會好濃呀苦味重咁 淡係淡少少，但係就堅易入口 只係留返啲香嘅麥味响口 而且，莫講話佢係黑啤 就連白啤都可能冇佢咁滑身 吖～ 唔錯喎 真係要俾返個credit俾杜牧呢！

2018 年 4 月 5 日
sammyskitchen

[犇] 森美餐廳 招牌牛柳三文治

下午茶唔鋸扒啦 不過嚟森美餐廳又唔可以唔食佢啲牛喎 點算？ 嗱～ 下午茶有招牌牛柳三文治 仲要烘埋底呀！ 半熟牛柳味道香肉質又嫩滑 塊肉响鐵板上算薄但做三文治餡就夠厚 生菜都唔係求其俾幾條菜絲嗰種 新鮮爽脆幾層厚 中和返個牛柳嘅飽滯感 麵包係薄呀所以咪成塊都香脆 佢搽足晒牛油呀都幾邪惡㗎其實 況且我都唔鍾意食白方包嘅 呢種咁薄嘅就啱啱好good fit 好好味呀，仲好夠飽！ 呢杯叫檸檬特飲 成世人都未見過未飲過咪試吓囉 果味濃而且酸甜平衡又夠凍，唔錯唔錯 杯嘢最最最遺憾係支飲！管！ 對唔住呀海龜～～～ TAT

2018 年 3 月 31 日
dumplingpro

[餃] 龍鳳祥餃子館

明明咁上海式 但原來佢係間川菜館… 爆多餡嘅餃子 肉同菜都香，又juicy喎 裡面仲有隻唔算細嘅蝦 呀餃子個名叫肉三鮮 煎餃都不相伯仲 哇！煎到吖… 食落個皮脆到吖… 京蔥羊肉餃 個味就係爆香囉該煨 喂好掂喎呢度啲餃 未！算！ 個千層醬豬耳都好好食 豬耳爽滑個麻辣汁又醃得好夠味 底層嘅新鮮青瓜絲又超爽脆，正！ 雞絲拌粉皮 standard好味嘅嘢囉 雞OK嘅粉皮夠韌最緊要個麻醬做得好 咁就已經好食㗎喇～ 豆漿，一杯凍一杯熱囉 唔太甜又有豆味，都幾好㗎！ 係坐得窄啲啫，overall都好好呀 （連啲姐姐嘅服務都唔差㗎～）

2018 年 3 月 30 日
portugal7a

[抱抱葡萄牙] Day7：Jeronymo

一朝早，想飲返杯咖啡 但係間嘢嘅朱古力係signature喎… 點算？ Why not both？（Special Moka） 綿密嘅奶泡 滑一滑嘅咖啡 濃度漿咁嘅朱古力 （同冇咩千祈唔好掂同攪勻嘅糖漿） 喂，好好飲呀佢 好想再encore多杯朱古力呢… moka係好飲又飽肚 咁都要食早餐㗎 食pie吖，鹹同甜都好味 美妙嘅早晨呢～ ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 3 月 29 日
portugal6h

[抱抱葡萄牙] Day6：Bistrô - YOURS GuestHouse

返到Porto再散吓步 散到攰攰地去搵晚飯食先… 呢間嘢係guesthouse而地下就做bistrô 一入去就有唔少人chill緊 不過間嘢未到晚飯時間 就俾咗杯rose wine做welcome drink 等我哋坐住飲吓嘢慢慢等 然而可能真係等到餓 加上真係啱啱烘起好香好好食 一籃子包包就係咁秒殺咗… 今晚嘅白酒係嚟自Douro Planalto Reserva 2014 好好飲㗎呢支！！！ 用簡單調過味嘅羊奶芝士佐酒 香濃得嚟又唔會搶咗酒嘅味 唔好睇佢成個餅樣咁 其實佢係codfish salad 馬介休的十萬種美味食法之一啦 呢個shot睇落係就似齋印度薄餅加啲菜咁 裡面有半熟牛肉㗎！

2018 年 3 月 28 日