All Posts

dearcoffee

Dear Coffee & Bakery

食嘢飲嘢，當然係要坐埋邊慢慢嘆啦~ caffè latte 慢慢嘆得嘅梗係唔少得咖啡呢樣嘢 house blend嘅係混種咖啡 香醇唔點帶苦澀，配奶唔錯吖 bread combo with miso & pickles 話晒呢度係bakery，叫返個包set先 角落厚多士個邊好脆而包位軟軟咁 連埋啲牛油就係啱啱好 我係指送湯啱啱好 平日麵包配湯嘅會係西湯 估佢唔到原來同味噌湯都咁夾 同埋啲唔會太鹹嘅漬物 爽脆鬆軟都齊好出色 尤其隻醃青瓜… 好正！ 意大利香草包就散發微微香草氣息 乾面微軟嘅包唔花巧咁食到原味

2018 年 10 月 18 日
twgingertea

[tea] 暖暖純手作 黑糖桂圓薑母茶

台式嘢飲除咗珍珠奶茶 當然唔少得黑色一舊舊嘅黑糖飲 四物飲係方便嘅 不過同真正嘅四物湯功效差好遠 而薑飲就會穩穩陣陣 因為係原料係嗰啲就嗰啲 唔需要驚加一大堆不知名材料 （本身包裝係膠樽所以已經轉移去玻璃甖） 手炒薑片再响上面黐住啲風乾龍眼黑糖 入口甜甜哋龍眼味唔算重 然而薑味就好足 官方就係話放幾片加熱水沖泡啦 嘻嘻我就鍾意直接食薑片 好好味㗎，喉嚨暖暖咁 咁佢係有一定嘅熱量 但係相比其他零食口立濕應該會養生啲又冇咁肥膩 搵日先試沖水飲啦~

2018 年 10 月 15 日
kentuckyipa

[cheers!] Kentucky IPA

話說上次飲咗個唔鍾意嘅美國啤 响仲有少少陰影之下… …都依然都係會試嘅！ 呢隻係India pale ale 嗱嗱嗱~ 佢入口有陣花香同橘類嘅甜 氣泡感覺似手工啤嗰種 最後就先有微微嘅苦澀味 好味喎佢！ 之後朕check咗吓，原來佢拎過World Beer Championships銀獎㗎 即係唔止我覺得佢好味（就係要拉其他人落水） Happy Friday呢~

2018 年 10 月 5 日
nicoleskitchen

[tea] Nicole's Kitchen - 生磨鮮人蔘紅棗蜜茶

放完假返工成個working dead咁樣 搞到近期坐隔離位嘅座位暫借問經理 都忍唔住同我開心些牙啲提神下午飲實行補一補咁話 一打開個樽就爆！香！紅棗味撲入鼻 因為裡面係極濃郁嘅紅棗蓉呀 然後一沖啲熱水入去 啲人蔘味就彌漫响空氣中 聞落已經好猛料 飲埋就更不得了 嗱~ 我就冇溝到太甜啦 趁熱飲（可入口溫度）由喉嚨暖到入肚 塊面仔都紅潤咗啲啲咁 個味幾好呀，不過醒神呢就冇喇 （咁人哋都冇話係提神飲料吖） 反而暖笠笠咁更添睡意 今日都係不宜勤力做嘢 繼續扮工到夠鐘收工返屋企食飯沖涼早啲唞先~

2018 年 10 月 2 日
honkirin

[cheers!] Kirin - 本麒麟 長期低温熟成

即係咁，個身一熱就咩都諗唔到 只係諗辦法降溫降溫降溫 見到佢寫住「長期低温熟成」 心裡面嘅os好自然就係： 佢大部分時間都處於涼浸浸嘅狀態 飲佢嘅話移植少少涼感俾我都好 加上呢隻係奇怪地超親民價格 所以就算係平時都幾嫌棄嘅Kirin 都俾個機會大家 果然唔錯！ 唔鍾意Kirin啤其中一樣係唔知點解有浸強加上去嘅苦味 呢隻個苦味唔太出 取而代之係微微飄出嘅麥味 講唔上好香不過比之前嘅Kirin好 都算幾好㗎喇 至少下次冇嘢揀可以考慮佢 至於散熱問題 响街飲，唔覺得真係涼咗好多 六月都未到就熱到咁好Q難頂呀呀呀～

2018 年 5 月 30 日
portugal11c

[抱抱葡萄牙] Day11：Piriquita II

行咗咁耐Palácio Nacional de Sintra之後 跳上車前就行一行皇宮對面個鎮仔 gogogo～ 兜一兜去郵局睇吓有咩啱 不過冇咩特別嘢咁 咁就唯～ 有～ 早啲搵地方坐低嘆下先啦 本身諗住去响1862年開業嘅Piriquita 不過總店未開所以去咗Piriquita II Travesseiro da Casa Piriquita 嚟得呢度當然係要食Sintra名點之一嘅Travesseiro 酥皮加雞蛋 x 杏仁奶油餡嘅組合 無花巧純粹嘅香甜美味 除咗酥皮嘢都有其他嘢食嘅 軟綿綿pancake皮，裡面都係甜嘅

2018 年 5 月 21 日
peacelemontea

[tea] Peace Tea - Sweet Lemon

飲凍嘢揀咗甜嘢係我嘅錯… 罐嘢仲大過我隻手 有檸味而茶都唔澀嘅 話就話天然甜味 不過都係重手咗啲 突然血糖飆升嘅感覺 飲完一啲都唔peace 兩分！（十分滿分計算）

2018 年 5 月 18 日
portugal11a

[抱抱葡萄牙] Day11：Cintia

搭一粒鐘有找嘅火車去Sintra（Lisboa - Rossio → Sintra） 因為車程唔長所以移動完先食早餐 呢間距離火車同巴士站都好近 諗住咁方便遊客嘅café會又貴又整得求其 點知唔係喎！好好味喎啲嘢食 （左邊嗰舊叫h á travesseiros quentes係葡式糕點嚟㗎） 係一間絕對值得推薦嘅café（讚） 咖啡… 機撳嘅正正常常咁啦 個紙巾樽好得意呀～ 不過對我嚟講應該咖啡比呢啲甜嘢吸引啲 遊Sintra係搭一日無限搭嗰種巴士 揀啱去邊條路線睇清楚號碼先上車 因為路線唔同當然收費都係唔同 （講廢話嘅時候真係好廢㗎） 出發喇～～～ ----------------------------------------------- 延伸閱讀： Day1：Hello Lisbon

2018 年 5 月 17 日
portugal9h

[抱抱葡萄牙] Day9：RAIZ

日落就當然會去食晚飯兼飲返杯啦 包盤裡面嘅包都有幾款 有硬有軟有腍有脆 佐以一般嘅橄欖油同陳醋之外 仲有自家製超香嘅橄欖醬 好好味呢～ 開心嘅一晚會飲令人歡悅嘅酒 sparkling wine sangria 香甜嘅生果加埋有氣嘅酒 聽到個組合已經夠興奮 送酒嘅好拍檔唔少得煙燻火腿嘅 呢隻仲配埋焦糖洋蔥 個味鹹香再俾甜美令鮮味提升 啲芝麻又推進多層香氣，實在太美味 上咗個好似童軍露營兜嘅餸 係番茄仔煮薄豬肉片 簡單純粹嘅味道 就係嗰啲材料夠新鮮所以好好食嘅嘢 Alheira，被譽為King of Portuguese sausage 切碌碌嘅煙燻腸拎去炸

2018 年 5 月 7 日
tsingtaopure

[cheers!] Tsingtao - pure draft premium lager

好熱嘅天氣，好似個阿伯咁坐响公園～ 然後一罐微香嘅淡味凍青島 加多本書，消暑又夠chill （其實文青同阿伯冇咩分別） 好一個唔勞動嘅勞動節假期呢…

2018 年 5 月 1 日
portugal9d

[抱抱葡萄牙] Day9：Dom Peixe

專程嚟Matosinhos除咗因為個街市 梗係為咗呢度係連當地人都會做嘅嘢：食！海！鮮！ 食海鮮，就揀枝白酒 係之前都出現過嘅Planalto Reserva 2014 小食有油浸黑欖 同外脆內軟切片包包 啲包包點嘅橄欖油同醋都唔錯 見到都可以入手 係呀！黑擝擝㗎舊燒魚 炭火即燒嘛 個皮係燶咗唔食得 揭開層皮裡面的白雪雪魚肉嫰到癲 又滑又香真係超新鮮好好食 魚春呀魚春呀魚春呀魚春呀 外皮香啲春仲保持濕潤 人間極品呢～ 呢間餐廳嘅自家制蔥油 用嚟點魚同春更提香 主食嘅薯仔 最後，食咗兩件個樣好普通 不過好好食好濃朱古力同椰絲嘅蛋糕 呢間啲嘢好好味呀 非常滿足嘅一餐呢！

2018 年 4 月 30 日
portugal9a

[抱抱葡萄牙] Day9：Bufete Marina

一朝早，去邊都好啦 都係食咗早餐先講！ 咖啡又係必見嘅好伙伴 ham & cheese呢種配搭 真係百搭又好味 先有微暖嘅酥 再轉一轉芝士 即叫即整熱辣辣嘅多士 個包好脆裡面啲芝士仲溶溶地 哇～ 好食到吖… ----------------------------------------------- 延伸閱讀： Day1：Hello Lisbon Day2：Lisboa → Porto Day3：Porto ↔ Vila Nova de Gaia

2018 年 4 月 25 日