All Posts
鉄道遊繼續進行中
石北本線：網走 → 旭川
呢程車4粒鐘有找唔算好長啦～
中途經過遠軽駅
係一個北海道罕見嘅折返式站（Switchback）
嚟到呢個站大家都起身開始要自己調凳喇（轉轉轉）
因為今朝都真係食得幾飽吓
咁就冇買駅弁
而中途嘅小食時間
就食帯広柳月入手嘅十勝大納言同COCOこの実
出面啲景都係有連綿不斷嘅山
同埋偶爾見到嘅田園景
特急大雪、183系
落車 @旭川駅 今日嘅車特急大雪
係屬於苗穂運転所嘅183系気動車
只行走旭川～網走所以今日又係搭晒頭至尾站（嘻）
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
食好晒嘢然後哎吔哎吔有啲趕咁行返去酒店拎行李
有啲急急腳咁拖行李去車站
點知班火車會遲…
仲要係遲半粒鐘呀
少少白趕嘅感覺（汗）
入閘前都有快快眼望過吓張JR北海道「北の大地の入場券」
係冬天白雪雪嘅行駛中列車同個車站咁
當然仲有幾急都要揼嘅車站印仔
都係冬天嘅海上流冰啦
畢竟呢度嘅旺季就係上破冰船睇流冰啊～
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
臨走前都要食返個流氷館限定
流氷ソフトクリーム
藍色嘅薄荷味雪糕
加埋邪惡淫亂嘅爆炸糖
個雪糕唔係重牛奶軟軟滑嗰隻
似以前少少硬身咁樣
個味甜中帶微微薄荷味咁
好味又講唔上喇，只係個組合選討好
絕對適合响呢個睇海環境食用啦～
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
Day4：網走 → 旭川
心曠神怡咁望完個海
終於等到 フードコート「キネマ館」 開門
可以食奔廚喇～
開門前幾分鐘等
就有得揀心意位置
當然點都要一邊望住個海一邊食啦
先嚟呢份網走ザンギ丼
同樣係ザンギ，但網走嘅ザンギ唔係炸雞
而係網走特產嘅三文魚
又，大家亦係北海道三文魚
但係魚肉嘅味道都係有少少分別
釧路嘅肉質較滑
呢度嘅就厚身直頭似食肉咁樣
再嚟份オホーツク流氷カリー（ナン付）
呢度係專嚟睇流氷
咁而家即係秋天梗係冇流氷睇啦
嚟多鑊：冇得睇咪食落肚囉～
咪睇佢藍色同日本咖喱
佢都係辣辣地嘅
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
等食前睇下個オホーツク海（鄂霍次克海、Охо́тское мо́ре）
台風18号由九州打到上嚟北海道
打上嚟嘅前一日
網走依然風和日麗（明亮）
同擒日嘅日落景致簡直係兩回事
長～ 長～ 嘅防波堤
hello船仔（無揮手嚇親人）
有隻一齊望海嘅珀椿象
應該同响帯広望到嘅唔係同一隻啩…
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
食完早餐元氣滿滿
就殺落去流氷街道網走 – 北の道の駅
襯食堂未開就逛吓先
味付しじみ
細細粒網走呢度產嘅蜆仔乾
放湯煲飯就咁食都好好味
鮮甜嘅味道真係超讚！
乾燥しいたけ 北海道産
買嘢食唔知價就買細細包試吓
好彩都好食返嚟冇畀阿媽鬧
（係有話唔貴做乜買咁少…）
-----------------------------------------------
延伸閱讀：食道鉄道北海道（8D7N） Day1：新千歳空港 → 帯広
Day2：帯広 → 釧路
Day3：釧路 → 塘路 → 網走
今朝冇飛彈警報嘈醒
亦都冇海鷗叫醒
但係就俾日光照醒
冇計啦，落樓浸返個溫泉先…
浸完，又再瞓過 XD
原本嚟網走其中一個想去嘅地方
唔係網走監獄
而係每年七至九月限定嘅網走感動朝市
好可惜啱啱今年無咗
所以就唔駛晨早六點仆過去食海鮮
（得六至十開，八九點仲要冇晒最正嘅嘢）
咁就慢慢check out再去食過簡便早餐 @セブン‐イレブン（七仔）
左邊係我嘅和食系
啲おむすび們係北海道産米
除咗最愛嘅たらこ
即係北海道産鱈子，唔係博多嘅「明太子」啊！
當然唔少得日高昆布
牛乳，梗係要十勝地區啦
完全係北海道！北海道！北海道！
「西餐」方面，有腿蛋治配蘋果汁
日系方包就係鬆軟啦～
-----------------------------------------------
夠鐘開餐喇～～～
原條重量級鰻魚飯
重量級鰻魚？嚇我唔到嘅…
不過用隻湯麵碗去裝都差啲擺唔晒係夠豪氣嘅
魚肉係厚身嗰隻，醬汁香甜味道濃郁
要一直扒飯扒飯㖭
懷舊豬油渣撈飯(配)鹽酥豬扒
香豬 x 香豬嘅組合
本身豬油渣已經好送飯
個椒鹽豬唔會好鹹可以開心些牙空口食都OK
隻扒外面夠晒酥脆裡面肉汁滿滿好juicy，正！
生滾蠔肉碎湯飯
將潮州蠔仔粥昇華為豪氣蠔版本（♪ ho hey ho～）
將鮮味嘅蠔掉落去咪就係兜粥勁甜囉！
油炸鬼伴食
唔夠可以免費加多碟
用嚟配湯飯伴食
麻辣牛筋腩
哇哇哇真係會辣辣地
麻辣味好香，筋腩厚厚好漿口
後teatime時間…
普洱茶、茉莉花茶味 | Tea Affogato 意式雪糕配特濃抹茶
對杯裝甜味溝溝茶無咩興趣
雪糕就很可以啊！
茶味香濃又唔會爆甜，唔錯唔錯
將Affogato嘅espresso換做濃抹茶
再加條lady finger
個組合幾好味嘅…
不過如果唔係呢隻hea式茶粉加水
而係日式濃郁系攪攪攪抹茶會更美味呢～
和洋系意式下午茶time
秘製炸雞配脆炸薯角
下午茶梗係先食啲熱辣辣炸雞薯條呢啲finger food
水果茶
啤酒薯條唔係配啤酒
係將平時凍檸茶再加唔同新鮮水果版本
好飲喎佢！
迷你3食比薩
（瑪格麗特 | 黃金四重芝士 | 照燒雞蛋黃醬）
好可愛又可以滿足選擇困難嘅細細pizza們
有傳統嘅番茄芝士
連蜜糖食嘅四重芝士
加咗蜜糖，啲芝士就會濃味卻減膩
同埋將和洋料理發揮極致嘅照燒雞肉上
再加好似大阪燒咁嘅蛋黃醬 x 紫菜條
所有都啱啱出爐熱辣辣
個餅底夠哂韌麵糰比例同搓得啱啱好，正！
香辣番茄濃汁煮青口配蒜蓉多士
咪問我有幾懶
總之擘大眼就有早餐食就得啦…
大圍小館
賣相一般但係好好味凌晨三點都有得食嘅話就可以揀616客香邨
想食精緻嘅粵式點心就揀呢間
（自備外賣盒，一格格啲汁唔會撈埋一堆）
水晶蝦餃
晶瑩剔透嘅飽飽滿蝦餃
蝦肉爽口皮夠煙韌
外賣蒸氣啱啱走晒即食就just right
鵪鶉蛋燒賣
燒賣肉唔會肥漏漏
隻鵪鶉蛋仔彈彈牙咁好味呢～
黃沙豬膶腸
唔會有臊味苦味嘅黃沙膶
包住嘅蒸腸粉唔會過薄無米味
蒜蓉蒸鮮魷
鮮味嘅，不過細兜咗少少唔係好試得出太徹底
煎櫻花蝦蘿蔔糕
有絲絲蘿蔔唔會死實實得舊粉
用櫻花蝦提香就唔使擺晒油油膩臘味落去
煎釀青尖椒
隻椒新鮮爽脆帶甜微辣
（好彩今次抽到隻唔太辣，佢有啲係勁辣嘅！）
雙十節喎！唔係唔使賀賀佢呀？
一片紅嘅文宣夠晒贈慶啦～
Just’er Bar & Restaurant
shut up and take my money
反正你只係加大麻唔係人民幣 :)
Wunder Lager | Brussels Beer Project
超～ 香～ 後續微苦嘅Hoppy Lager
3.8%嘅低酒精度（唔係牛奶濃度）
